Editor: MM Kamath
കൊച്ചി:
റോഷന് ബഷീര് നായകനായെത്തുന്ന ബിജോയ് പി.ഐ തിരക്കഥ എഴുതി സംവിധാനം ചെയ്യുന്ന 'വിന്സെന്റ് ആന്ഡ് ദി പോപ്പ്' എന്ന ചിത്രം റിലീസായി. സിനിയ, ഹൈ ഹോപ്സ് ഉള്പ്പടെ പ്രമുഖ 9 ഒടിടി പ്ലാറ്റ്ഫോമുകളിലൂടെയാണ് ചിത്രം റിലീസായത്. 'ദൃശ്യം' എന്ന ചിത്രത്തിന് ശേഷം റോഷന്റെ അടുത്ത പ്രധാന റിലീസ് ചിത്രം ആണ് 'വിന്സെന്റ് ആന്ഡ് ദി പോപ്പ്'.
ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത് അഖില് ഗീതാനന്ദ് ആണ്. സഞ്ജീവ് കൃഷ്ണന് പശ്ചാത്തല സംഗീതവും കിരണ് വിജയ് എഡിറ്റിംഗും നിര്വ്വഹിച്ചിരിക്കുന്നു. വാണിമഹല് ക്രീയേഷന്സ് ആണ് നിര്മ്മാണം. റിവഞ്ജ് ത്രില്ലെര് ജോണറില് ഒരുക്കിയ ഈ കഥയില് വിന്സെന്റ് എന്ന ഹിറ്റ്മാന് തന്റെ ജീവിതത്തിലെ നിര്ണായകമായ ഒരു യാത്രവേളയില് കണ്ടുമുട്ടുന്ന ഹോജ എന്ന ടാക്സി ഡ്രൈവറുമായി സംഭാഷണത്തില് ഏര്പ്പെടുകയും തുടര്ന്ന് ഉണ്ടാകുന്ന സംഭവവികാസങ്ങളുമായി കഥ കൂട്ടിച്ചേര്ക്കപ്പെട്ടിരിക്കുന്നു. വാര്ത്ത പ്രചാരണം: പി.ശിവപ്രസാദ്.
Online PR - CNA