അഞ്ജു അഷറഫ്-
കൊച്ചി:
'മിഷന് സി' എന്ന ചിത്രത്തിന് ശേഷം വിനോദ് ഗുരുവായൂര് സംവിധാനം ചെയ്യുന്ന തമിഴ് സിനിമയുടെ ചിത്രീകരണം മെയ് 15ന് പഴനിയില് ആരംഭിക്കും. 'തമിഴ്നാട്ടിലെ വലിയൊരു ആചാരമെന്നുതന്നെ പറയാവുന്ന ജല്ലിക്കട്ട് ഉത്സവാഘോഷത്തെ ആസ്പദമാക്കിയാണ് സിനിമ ഒരുക്കുന്നതെ'ന്ന് വിനോദ് ഗുരുവായൂര് പറഞ്ഞു.
'അപ്രതീക്ഷിതമായിട്ടാണ് ഈ സിനിമയിലേക്ക് എത്തിയതെങ്കിലും തന്റെ വളരെ കാലത്തെ സ്വപ്നമായിരുന്നു തമിഴ് സിനിമയിലേക്കുള്ള രംഗപ്രവേശം.
സിനിമയുടെ കാര്യങ്ങള്ക്കായി ചെന്നൈയില് പോയിരുന്ന കാലം തൊട്ടേ തമിഴ്നാടും തമിഴ് സംസ്കാരവും എന്നെ ആകര്ഷിച്ചിരുന്നു. അവരുടെ ജീവിത കാഴ്ചപ്പാടുകളും കാര്ഷിക സംസ്കാരവും എന്നില് കൗതുകം ഉണര്ത്തിയിരുന്നു. മൂന്നു വര്ഷങ്ങള്ക്കു മുമ്പുണ്ടായ ജല്ലിക്കട്ട് നിരോധനവും തുടര്ന്നുണ്ടായ സമരവും പ്രത്യേക ഓര്ഡിനന്സിലൂടെ നിരോധനം നീക്കലുമൊക്കെ ലോകശ്രദ്ധയാകര്ഷിച്ച സംഭവങ്ങളാണ്. പഴനിയിലെ റിച്ച് മള്ട്ടി മീഡിയയുടെ ഡയറക്ടര് ഡോക്ടര് ജയറാം ശിവറാം ജല്ലിക്കട്ട് പ്രമേയമാക്കി ഒരു സിനിമ ചെയ്യണമെന്ന ആഗ്രഹവുമായി എത്തിയപ്പോള് വലിയ സന്തോഷത്തോടെ ഞാനത് ഏറ്റെടുക്കുകയായിരുന്നു. ജല്ലിക്കട്ട് മത്സരത്തിന്റെ ഒരുക്കങ്ങളും അതുമായി ബന്ധപ്പെട്ടുണ്ടാകുന്ന സംഭവങ്ങളും അവരുടെ ജീവിതവുമൊക്കെയാണ് സിനിമയില് പ്രതിപാദിക്കുന്നത്. തമിഴ്നാട്ടില് ജല്ലിക്കട്ട് നടക്കാറുള്ള പഴനിയിലെ നെയ്ക്കാരപെട്ടിയില് മെയ് 15ന് ഷൂട്ടിംഗ് ആരംഭിക്കും. തമിഴ് സിനിമയിലെ അഭിനേതാക്കളോടൊപ്പം മലയാളത്തില് നിന്നുള്ളവരും അഭിനയിക്കുന്നുണ്ടെ'ന്ന് സംവിധായകന് വിനോദ് ഗുരുവായൂര് പറഞ്ഞു.