സി എന് എ-
കൊച്ചി:
റാണ ദഗ്ഗുബാട്ടി, സായ് പല്ലവി എന്നിവരെ പ്രധാനകഥാപാത്രങ്ങളാക്കി വേണു ഉദുകുല സംവിധാനം ചെയുന്ന 'വിരാട പര്വ്വം' ഏപ്രില് 30ന് തീയേറ്ററുകളിലെത്തും.
1990കളില് തെലങ്കാന കേന്ദ്രീകരിച്ചു നടന്ന നക്സലേറ്റ് നീക്കത്തെ ആസ്പദമാക്കിയുള്ള കഥയാണ് ചിത്രം. 'വിരാട പര്വ്വം' ഒരു ആക്ഷന് ത്രില്ലര് ജോണറിലായാണ് ഒരുങ്ങുക. ചിത്രത്തില് സഖാവ് രാവണയുടെ വേഷത്തിലാണ് റാണ എത്തുക.
ചിത്രത്തിന്റെ ഫസ്റ്റ് ലുക്ക് പോസ്റ്റര് ഇതിനോടകം പ്രേക്ഷക പ്രശംസ പിടിച്ച് പറ്റിയിരുന്നു.
REVOLUTION IS AN ACT OF LOVE ! എന്നാണ് ചിത്രത്തിന്റെ കാപ്ഷന്.
ചിത്രത്തില് റാണയ്ക്കും സായി പല്ലവിക്കുമൊപ്പം നിവേദ പെതുരാജ്, പ്രിയാമണി, നന്ദിത ദാസ്, നവീന് ചന്ദ്ര, സറീന വഹാബ്, രാഹുല് രാമകൃഷ്ണ, ഈശ്വരി റാവു, സായി ചന്ദ് എന്നിവരും അണിനിരക്കും.
ഏകദേശം ഒരു വര്ഷം മുന്പ് ഷൂട്ടിങ് ആരംഭിച്ചിരുന്നു ചിത്രം കോവിഡ് കാരണം റിലീസ് വൈകുകയായിരുന്നു. നവംബറില് ഷൂട്ടിംഗ് പുനരാരംഭിച്ച് പൂര്ത്തീകരിക്കുകയായിരുന്നു.