Editor - MM Kamath
ചെന്നൈ:
മികച്ച സിനിമകള് നിര്മ്മിക്കുക എന്നതാണ് സൂര്യയുടെ 2ഡി എന്റര്ടെയ്ന്മെന്റിന്റെ സിദ്ധാന്തം.
'36 വയതിനിലെ', 'പസങ്ക', 'കടൈയ്ക്കുട്ടി സിങ്കം', 'പൊന്മകള് വന്താള്', 'സൂരരൈ പോട്രു' എന്നിവ ഉദാഹരണങ്ങളാണ്.
ഈ സിനിമകളെല്ലാം തന്നെ പ്രേക്ഷക പ്രീതിയും നിരൂപകരുടെ പ്രശംസയും നേടിയിരുന്നു. ഈ സിനിമകളെ തുടര്ന്ന് 2ഡി എന്റര്ടെയ്ന്മെന്റ്സ് നിര്മ്മിക്കുന്ന പുതിയ ചിത്രമാണ് 'വിരുമന്'.
'പരുത്തി വീരന്' എന്ന അരങ്ങേറ്റ ചിത്രത്തിലൂടെ തന്നെ തമിഴ് സിനിമയില് വേരോട്ടം നടത്തിയ കാര്ത്തിക്ക് ഗ്രാമീണ വേഷത്തില് മറ്റൊരു വഴിത്തിരിവായരുന്നു മുത്തയ്യ സംവിധാനം ചെയ്ത 'കൊമ്പന്'.
ഈ വന് വിജയ ചിത്രത്തിന് ശേഷം കാര്ത്തിയും മുത്തയ്യയും ഒന്നിക്കുന്ന ചിത്രമാണ് 'വിരുമന്'. ചിത്രത്തിന്റെ പൂജ ചെന്നൈയില് നടന്നു.
ചിത്രീകരണം സെപ്റ്റംബര് 18 മുതല് തേനിയില് ആരംഭിക്കും. സംവിധായകന് ഷങ്കറിന്റെ ഇളയപുത്രി പുതുമുഖം അതിഥി ഷങ്കറാണ് നായിക.
രാജ്കിരണ്, പ്രകാശ് രാജ്, സൂരി എന്നിവര്ക്കൊപ്പം തെന്നിന്ത്യന് സിനിമയിലെ മറ്റു പ്രമുഖ അഭിനേതാക്കളും പ്രധാന കഥാപാത്രങ്ങളെ അവതരിപ്പിക്കുന്ന 'വിരുമന്' ഗ്രാമീണ പശ്ചത്തലത്തിലുള്ള വൈകാരികമായ ആക്ഷന് എന്റര്ടെയ്നറായിരിക്കും.
എസ്. കെ. ശെല്വകുമാര് ഛായഗ്രഹണവും യുവന് ഷങ്കര്രാജ സംഗീത സംവിധാനവും നിര്വ്വഹിക്കുന്നു. രാജശേഖര് കര്പ്പൂര സുന്ദരപാണ്ഡ്യനാണ് സഹ നിര്മ്മാതാവ്.
വാര്ത്താ വിതരണം- സി.കെ. അജയ് കുമാര്.
Online PR - CinemaNewsAgency.Com