Editor - MM Kamath
കൊച്ചി:
നവാഗതയായ ദീപ അജിജോണ് തിരക്കഥയെഴുതി സംവിധാനം ചെയ്യുന്ന 'വിഷം' (Be wild for a while) എന്ന ചിത്രത്തിന്റെ ടൈറ്റില് പോസ്റ്റര്, മലയാളത്തിന്റെ പ്രിയപ്പെട്ട ചലച്ചിത്ര താരാ മഞ്ജു വാര്യര് തന്റെ ഇന്സ്റ്റാഗ്രാം പേജിലൂടെ റിലീസ് ചെയ്തു.
അജിജോണ്, ഹരീഷ് പേരാടി, പ്രശാന്ത് അലക്സാണ്ടര്, കോട്ടയം രമേശ്, സുധി കോപ്പ, ഒമര് ജലീല്, ഡെന്നി ടോം സേവ്യര് എന്നിവര് പ്രധാന കഥാപാത്രങ്ങളാകുന്ന 'വിഷം' എന്ന ക്രൈം ഇന്വെസ്റ്റിഗേഷന് ചിത്രത്തിന്റെ താരനിര്ണ്ണയവും മറ്റും പുരോഗമിക്കുന്നു.
പെര്സ്പെക്റ്റീവ് സ്റ്റേഷന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം കാര്ത്തിക് എസ് നായര് നിര്വ്വഹിക്കുന്നു.
സംഗീതം- വിജയ് മാധവ്, ലൈന് പ്രൊഡ്യൂസര്- അഡ്വക്കേറ്റ് കെ ആര് ഷിജുലാല്, എഡിറ്റിംഗ്- അജിത് ഉണ്ണികൃഷ്ണന്, വസ്ത്രലങ്കാരം- സാമിന ശ്രീനു, മേക്കപ്പ്- റഷീദ് അഹമ്മദ്, ഡിസൈന്സ്- ആന്റണി സ്റ്റീഫെന്സ്.
തിരുവനന്തപുരം, ബ്രൈമൂര്, ഡല്ഹി, കോയമ്പത്തൂര് എന്നിവിടങ്ങളിലായിരിക്കും ചിത്രീകരണം.
നടനും സംവിധായകനുമായ അജി ജോണിന്റെ ഭാര്യായായ ദീപ 'ഊടും പാവും' എന്ന പേരു കേട്ട പരമ്പരാഗത ബാലരാമപുരം കൈത്തറി സ്റ്റുഡിയോ ശൃംഖലയുടെ ഉടമയും ടെക്സ്റ്റയില് ആര്ട്ടിസ്റ്റുമാണ്.
വാര്ത്ത പ്രചരണം- എ എസ് ദിനേശ്.
Online PR - CNA.