സി എന്‍ എ-
കൊച്ചി:
'ഹണിബീ'യില്‍ തുടങ്ങി കൊച്ചു കൊച്ചു വേഷങ്ങളിലൂടെ ശ്രദ്ധേയനായി നായക പദവി നേടിയ നടനാണ് കൊച്ചിക്കാരന്‍ അമിത് ചക്കാലക്കല്‍.
അമിത് നായകനാവുന്ന 'യുവം' എന്ന സിനിമ ഫെബ്രുവരിയില്‍ പ്രദര്‍ശനത്തിനെത്തും. ചിത്രത്തില്‍ ഗോപിസുന്ദര്‍ സംഗീതം നല്‍കിയ 'സൗഹൃദം' എന്ന ഗാന വീഡിയോ കഴിഞ്ഞ ദിവസം മഞ്ജു വാര്യര്‍ റീലീസ് ചെയ്യുകയുണ്ടായി. ഈ ഗാനത്തിന് സോഷ്യല്‍ മീഡിയയില്‍ വലിയ സ്വീകരണമാണ് ലഭിച്ചത്.
സാമൂഹ്യ പ്രിതിബദ്ധതയുള്ള ഉത്സാഹികളായ എബി, വിനു, പോള്‍ എന്നീ മൂന്നു യുവ അഭിഭാഷക കഥാപാത്രങ്ങളെ കേന്ദ്രീകരിച്ചുള്ള നര്‍മ്മത്തിന്റെ അകമ്പടിയില്‍ രസകരമായ ഒരു പൊളിറ്റിക്കല്‍ ത്രില്ലര്‍ പ്രമേയമാണ് 'യുവം' ചര്‍ച്ച ചെയ്യുന്നത്. ഇതില്‍ എബി എന്ന നായക കഥാപാത്രത്തെയാണ് അമിത് ചക്കാലക്കല്‍ അവതരിപ്പിക്കുന്നത്.
ഈ ചിത്രം തന്റെ കരിയറില്‍ വഴിത്തിരിവായി ഭവിക്കുമെന്ന ആത്മ വിശ്വാസത്തിലാണ് അമിത്.
പുതുമുഖ സംവിധായകന്‍ പിങ്കു പീറ്റര്‍ അണിയിച്ചൊരുക്കുന്ന 'യുവ ത്തിലെ നായിക ഡയാന എസ് ഹമീദാണ്. ഇന്ദ്രന്‍സ്, നെടുമുിവേണു, സായ് കുമാര്‍, നിര്‍മ്മല്‍ പാലാഴി, കലാഭവന്‍ ഷാജോണ്‍, അഭിഷേക് രവീന്ദ്രന്‍ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
-സി.കെ.അജയ്കുമാര്‍
