Editor- MM Kamath
കൊച്ചി:
ഇന്ത്യയുടെ തപാല്‍ സേവനങ്ങളെ കുറിച്ചുള്ള അവബോധം പൊതു ജനങ്ങളുടെ ഇടയിലും മാധ്യമങ്ങളിലും പകരുന്നതിന്നായി FFSI തങ്ങളുടെ ഓണ്‍ലൈന്‍ ഷോര്‍ട്ട് & ഡോക്യൂമെന്ററി തീയേറ്ററിലൂടെ തപാല്‍ സേവനങ്ങുളുമായി ബന്ധപ്പെട്ട 3 സിനിമകള്‍ ഒക്ടോബര്‍ 9 മുതല്‍ 14 വരെ പ്രദര്‍ശിപ്പിക്കുന്നു.
ദേശീയ പുരസ്‌കാരം ലഭിച്ച തമിഴ് സിനിമ 'ദി പോസ്റ്റ് മാന്‍' (കെ ഹരിഹരന്‍), മലയാളം സിനിമ 'ചെമ്മന്ന പെട്ടി' (പിയൂസ് സ്‌കറിയ പൊട്ടകുളം), ചെമ്മന്ന പെട്ടിയുടെ മ്യൂസിക്കല്‍ സ്‌കോര്‍ പ്രശസ്തനായ ഉദയ് ശങ്കറിന്റെ മകന്‍ ആനന്ദ് ശങ്കറിന്റേതാണ്.
ലോക ക്ലാസ്സിക് ആയ 1936ലെ ബ്രിട്ടീഷ് ഡോക്യൂമെന്ററി ബേസില്‍ റൈറ്റിന്റെ 'നൈറ്റ് മെയില്‍' മൂന്നാമത്തെ സിനിമ. W H Auden ന്റെ പ്രശസ്തമായ കാവ്യം 'നൈറ്റ് മെയില്‍' ഈ സിനിമക്കു വേണ്ടി എഴുതിയതാണ്.
ജോണ്‍ ഗ്രിയേഴ്‌സണ്‍, ഹാരി വാട്ട്, ബേസില്‍ റൈറ്റ്, W H ഓഡന്‍, ആല്‍ബര്‍ട്ടോ കവല്‍കാന്തി, ബെഞ്ചമിന്‍ ബ്രിട്ടന്‍, പാറ്റ് ജാക്‌സണ്‍ തുടങ്ങി പ്രമുഖരുടെ വലിയൊരു നിര ഈ ബ്രിട്ടീഷ് ഡോക്യൂമെന്ററിയുടെ പിന്നില്‍ പ്രവര്‍ത്തിച്ചിരുന്നു.
എന്‍ എഫ് പി ഇ കേരള സര്‍ക്കിള്‍ കണ്‍വീനര്‍ മുരളീധരന്‍ചലച്ചിത്ര മേള ഉദ്ഘാടനം ചെയ്യും. ഏകത തപാല്‍ ഫിലിം ക്ലബ്ബ് സെക്രട്ടറി ധന്യ എസ് തപാല്‍ രംഗത്തെ അവസ്ഥകളെക്കുറിച്ചും സിനിമകളെ കുറിച്ചും സംസാരിക്കും.
ഒക്ടോബര്‍ 9-ാം തിയ്യതി വൈകീട്ട് 6 മണിക്ക് പ്രദര്‍ശനം ആരംഭിക്കും. പ്രദര്‍ശനം ഒക്ടോബര്‍ 14 വരെ FFSI യുടെ സ്ട്രീമിങ് പ്ലേറ്റ് ഫോം ആയ https://ffsikeralam.online/ ലൂടെ കാണാവുന്നതാണ്.
Watch Movie to Click on the Link
CLICK TO WATCH
