CNA
കൊച്ചി:
ആസിഫ് അലിയെ നായകനാക്കി രാജീവ് രവി സംവിധാനം ചെയ്യുന്ന 'കുറ്റവും ശിക്ഷയും' എന്ന ചിത്രത്തിലെ ലിറിക്കല്‍ വീഡിയോ ഗാനം റിലീസായി.
മഞ്ജു വാര്യര്‍, അജു വര്‍ഗീസ് എന്നിവര്‍ ഫേസ്ബുക്കിലൂടെയാണ് ഗാനം റിലീസ് ചെയ്തത്.
മെയ് 27ന് ചിത്രം തിയേറ്ററുകളിലെത്തും.
അന്‍വര്‍ അലിയുടെ വരികള്‍ക്ക് ഡോണ്‍ വിന്‍സെന്റ് സംഗീതം നല്‍കിയ 'അരികെ വരാതെ...' എന്ന ഗാനമാണ് പുറത്തിറങ്ങിയത്.
നേഹ നായര്‍ ഡോണ്‍ വിന്‍സെന്റ് എന്നിവര്‍ ചേര്‍ന്നാണ് ഗാനം ആലപിച്ചത്.
പൊലീസ് ഇന്‍വസ്റ്റിഗേഷന്‍ ത്രില്ലറാണ് 'കുറ്റവും ശിക്ഷയും'. കാസര്‍കോഡ് നടന്ന യഥാര്‍ഥ സംഭവത്തെ ആസ്പദമാക്കിയാണ് ചിത്രം ഒരുക്കിയിട്ടുള്ളത്. ഷറഫുദീന്‍, സണ്ണി വെയ്ന്‍, അലന്‍സിയര്‍ ലോപ്പസ്, സെന്തില്‍ കൃഷ്ണ, ശ്രിന്ദ, ദിനേശ് പ്രധാന്‍, ദേശ്‌രാജ് ഗുര്‍ജാര്‍, ബോബി, പൂജ ഗുര്‍ജാര്‍, മഹേശ്വരി ഷെഖാവത്, സഞ്ജയ് വിദ്രോഹി, മനോ ജോസ്, മധുസൂദനന്‍ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്‍.
'തൊണ്ടിമുതലും ദൃക്‌സാക്ഷിയും' എന്ന ചിത്രത്തിലൂടെ സുപരിചിതനായ പോലീസ് ഉദ്യോഗസ്ഥന് സിബി തോമസാണ് ചിത്രത്തിന് കഥ ഒരുക്കിയിട്ടുള്ളത്.
മാധ്യമപ്രവര്‍ത്തകനും തിരക്കഥാകൃത്തുമായ ശ്രീജിത്ത് ദിവാകരനും സിബി തോമസും ചേര്‍ന്നാണ് ചിത്രത്തിന്റെ തിരക്കഥ തയ്യാറാക്കിയിരിക്കുന്നത്.
ജയ്പൂര്‍, കട്ടപ്പന എന്നിവിടങ്ങളില്‍ ആയിരുന്നു ചിത്രത്തിന്റെ പ്രധാന ലൊക്കേഷന്‍.
ഫിലിംറോള്‍ പ്രൊഡക്ഷന്സിന്റെ ബാനറില്‍ അരുണ്‍കുമാര്‍ വി. ആറാണ് 'കുറ്റവും ശിക്ഷയും' നിര്‍മ്മിക്കുന്നത്.
ക്യാമറ- സുരേഷ് രാജന്‍, സംഗീതം- ഡോണ്‍ വിന്‍സെന്റാണ്, എഡിറ്റിംഗ്- ബി. അജിത്കുമാര്‍, മേക്കപ്പ്- റോണക്‌സ് സേവ്യര്‍, വസ്ത്രാലങ്കാരം- സുജിത്ത് മട്ടന്നൂര്‍, കലാ സംവിധായകര്‍- സാബു ആദിത്യന്‍, കൃപേഷ് അയ്യപ്പന്‍കുട്ടി, പി ആര്‍ ഒ- എ എസ് ദിനേശ്.
Online PR - CinemaNewsAgency.Com
