CNA
കൊച്ചി:
മാക്ടാ ഇന്റര്നാഷണല് ഷോര്ട്ട് മൂവി ഫെസ്റ്റിവലിന്റെ (MISMF'22) ലോഗോയുടെ ഔദ്യോഗിക പ്രകാശനം പ്രശസ്ത ചലച്ചിത്ര സംവിധായകന് സിബിമലയില് നിര്വ്വഹിച്ചു.
മാക്ട ആക്റ്റിംഗ് ചെയര്മാന്- എം. പത്മകുമാര്, ജനറല് സെക്രട്ടറി- സുന്ദര്ദാസ്, നിര്വ്വാഹക സമിതി അംഗം- ഷിബുചക്രവര്ത്തി, ട്രഷറര്- എ എസ് ദിനേശ് എന്നിവര് പ്രസ് മീറ്റില് പങ്കെടുത്തു.
മാക്ട സംഘടിപ്പിക്കുന്ന പ്രഥമ അന്താരാഷ്ട്ര ഹ്രസ്വചിത്ര മേളയിലെ മത്സര വിഭാഗത്തിന്റെ വിശദ വിവരങ്ങള്:
2021 ജനുവരി 1 മുതല് 2021 ഡിസംബര് 31 വരെ റിലീസ് ചെയ്ത സൃഷ്ടികള് മാത്രമാണ് മത്സര വിഭാഗത്തിലേക്ക് പരിഗണിക്കുന്നത്.
എന്ട്രികള് ലഭിക്കേണ്ട അവസാന തിയതി 2022 മാര്ച്ച് 10.
ഷോര്ട്ട് മുവിയുടെ ദൈര്ഘ്യം 5 മിനിറ്റ് മുതല് 30 മിനിറ്റ് വരെ മാത്രമായിരിക്കണം.
എന്ട്രി ഫീസ് മുവായിരം രൂപ (3000) യാണ്.
പങ്കെടുക്കുന്ന എല്ലാ ഹ്രസ്വ ചിത്രങ്ങള്ക്കും Participation Certificate email ചെയ്തു നല്കുന്നതാണ്.
ഹ്രസ്വചിത്രങ്ങള്ക്ക് പുറമേ സംഗീത ആല്ബവും പ്രത്യേക വിഭാഗമായി ഉള്പ്പെടുത്തിയിട്ടുണ്ട്.
സംഗീത ആല്ബത്തിന്റെയും ഹ്രസ്വ ചിത്രത്തിന്റെയും ആകെയുള്ള എന്ട്രികളില് നിന്നായിരിക്കും മികച്ച പോസ്റ്റര് ഡിസൈനറെ തിരഞ്ഞെടുക്കുക.
സംസ്ഥാന ചലച്ചിത്ര അവാര്ഡ് നിര്ണ്ണയത്തില് പോലും ഉള്പ്പെടുത്താത്ത വിഭാഗമെന്ന നിലയില് പരസ്യ കലാകാരമാര്ക്ക് പ്രോത്സാഹനം നല്കേണ്ടത് അനിവാര്യമാണെന്ന തിരിച്ചറിവിലാണ് സിനിമാ സാങ്കേതിക പ്രവര്ത്തകരുടെ സംസ്ക്കാരിക സംഘടനയായ മാക്ട Poster Designing കൂടി ഉള്പ്പെടുത്തിയത്.
വിഭാഗങ്ങളും ക്യാഷ് അവാര്ഡുകളും:
ഷോര്ട്ട് മുവീസ്:
മികച്ച ചിത്രം - 1 ലക്ഷം രൂപയും Memento യും സര്ട്ടിഫിക്കറ്റും.
രണ്ടാമത്തെ മികച്ച ചിത്രം - 50000 രൂപയും Memento യും സര്ട്ടിഫിക്കറ്റും.
മികച്ച സംവിധായകന് - 25000 രൂപയും Memento യും സര്ട്ടിഫിക്കറ്റും.
മികച്ച തിരക്കഥാകൃത്ത്, മികച്ച ഛായാഗ്രാഹകന്, മികച്ച എഡിറ്റര്, മികച്ച നടന്, മികച്ച നടി, മികച്ച പോസ്റ്റര് ഡിസൈനര് എന്നിവര്ക്ക് 10,000 രൂപ വീതവും Memento യും സര്ട്ടിഫിക്കറ്റും അടങ്ങുന്നതാണ് പുരസ്കാരം.
മ്യൂസിക് ആല്ബം:
മികച്ച മ്യൂസിക് ആല്ബം, മികച്ച സംവിധായകന്, മികച്ച സംഗീത സംവിധായകന്, മികച്ച ഗാന രചയിതാവ് എന്നീ വിഭാഗങ്ങള്ക്ക് 10000 രൂപ വിതം ക്യാഷ് അവാര്ഡുകളും Memento യും സര്ട്ടിഫിക്കറ്റുമാണ് ലഭിക്കുക.
www.mactaonline.com എന്ന വെബ്സൈറ്റിലൂടെയാണ് രജിസ്റ്റര് ചെയ്യേണ്ടത്.
ബന്ധപ്പെടേണ്ട നമ്പര്: 9895307028
Email: mactashortmovies@gmail.com
മലയാള സിനിമാരംഗത്തെ പ്രമുഖരായ സാങ്കേതിക പ്രവര്ത്തകര് അടങ്ങിയ ജൂറിയാണ് വിധി നിര്ണ്ണയിക്കുക.
Online PR - CinemaNewsAgency.Com