എ എസ് ദിനേശ്-
വൈക്കം:
'തണ്ണീര്‍ മത്തന്‍ ദിനങ്ങള്‍', 'കുമ്പളങ്ങി നൈറ്റ്‌സ്' എന്നീ ചിത്രങ്ങളിലൂടെ പ്രേക്ഷകര്‍ക്ക് പ്രിയങ്കരനായി മാറിയ മാത്യു തോമസ്, 'കുരുതി', 'തണ്ണീര്‍ മത്തന്‍ ദിനങ്ങള്‍', '#ഹോം', 'സൂപ്പര്‍ ശരണ്യ' എന്നീ ചിത്രങ്ങങ്ങിലൂടെ ഏറെ ശ്രദ്ധേയനായ നസ്ലെന്‍ എന്നിവരെ കേന്ദ്രകഥാപാത്രങ്ങളാക്കി നവാഗതനായ സുധി മാഡിസണ്‍ കഥയെഴുതി സംവിധാനം ചെയ്യുന്ന 'നെയ്മര്‍' എന്ന ചിത്രത്തിന്റെ പൂജാ കര്‍മ്മവും സ്വിച്ചോണും വൈക്കം മഹാദേവക്ഷേത്രാങ്കണത്തില്‍ വെച്ച് നിര്‍വ്വഹിച്ചു.
'ഓപ്പറേഷന്‍ ജാവ' എന്ന ഹിറ്റ് ചിത്രത്തിനു ശേഷം വി സിനിമാസ് ഇന്റര്‍നാഷണലിന്റെ ബാനറില്‍ പദ്മ ഉദയ് നിര്‍മ്മിക്കുന്ന ചിത്രത്തില്‍ മലയാളത്തിലെ മറ്റു പ്രമുഖ താരങ്ങളും അണിനിരക്കുന്നുണ്ട്.
'ജില്ല', 'ഗപ്പി', 'സ്റ്റൈല്‍', 'അമ്പിളി', 'ഹാപ്പി വെഡിങ്' എന്നീ ചിത്രങ്ങളുടെ അസിസ്റ്റന്റ് എഡിറ്ററായും, സ്‌പോട്ട് എഡിറ്ററായും, ഓപ്പറേഷന്‍ ജാവ എന്ന ചിത്രത്തില്‍ കോഡയറക്ടര്‍ ആയും സംവിധായകന്‍ സുധി മാഡിസണ്‍ പ്രവര്‍ത്തിച്ചിട്ടുണ്ട്.
ആദര്‍ശ് സുകുമാരന്‍, പോള്‍സണ്‍ സ്‌കറിയ എന്നിവര്‍ ചേര്‍ന്ന് ചിത്രത്തിന്റെ തിരക്കഥയും സംഭാഷണവുമെഴുതുന്നു.
ഒട്ടേറെ ഹിറ്റ് ഗാനങ്ങള്‍ മലയാളികള്‍ക്ക് സമ്മാനിച്ച ഷാന്‍ റഹ്മാന്‍ സംഗീതം ഒരുക്കുന്ന ചിത്രത്തിന്റെ ഛായാഗ്രഹണം ആല്‍ബി നിര്‍വ്വഹിക്കുന്നു.
എഡിറ്റിംഗ്- നൗഫല്‍ അബ്ദുള്ള, എക്‌സിക്യൂട്ടീവ് പ്രൊഡ്യൂസര്- ഉദയ് രാമചന്ദ്രന്‍, പ്രൊഡക്ഷന് കണ്ട്രോളര്- ജിനു പി. കെ, കല- നിമേഷ് എം താനൂര്‍, വസ്ത്രാലങ്കാരം- മഞ്ജുഷ രാധാകൃഷ്ണന്‍, സൗണ്ട് ഡിസൈന്‍- വിഷ്ണു, ശ്രീശങ്കര്‍ (സൗണ്ട് ഫാക്ടര്‍).
ചിത്രത്തിന്റെ ഷൂട്ടിംഗ് ഏപ്രില്‍ ആരംഭിക്കും.
പി ആര്‍ ഒ- എ എസ് ദിനേശ്, ശബരി.
Online PR - CinemaNewsAgency.Com
