സി എന് എ-
കൊച്ചി:
സ്ത്രീകള് പ്രതിസന്ധികള് നേരിടുന്ന ഈ കാലഘട്ടത്തില് സ്ത്രീകള് നേതൃത്വം കൊടുക്കുന്ന, ഒരു സ്ത്രീപക്ഷ സിനിമയാണ് 'പാഞ്ചാലി'.
എസ്.എസ്. പ്രൊഡക്ഷന്സ് നിര്മ്മിക്കുന്ന ഈ ചിത്രം സംവിധാനം ചെയ്യുന്നത്, മലയാള സിനിമയിലെ ആദ്യത്തെ ലേഡി പ്രൊഡക്ഷന് കണ്ട്രോളറായ ഷാന്സി സലാമാണ്.
ചിത്രത്തിന്റെ കഥാകൃത്തായ അന്നാ എയ്ഞ്ചലും, പ്രൊഡക്ഷന് ഡിസൈനറായ ഫാത്തിമ ഷെറിനും സ്ത്രീകള് തന്നെ. പൂര്ണ്ണമായും ഒരു സ്ത്രീപക്ഷ സിനിമയാണ് ഇവര് ഒരുക്കുന്നത്. പ്രതിസന്ധികള് നേരിടുന്ന സ്ത്രീകളുടെ കഥ അവതരിപ്പിക്കുന്ന പാഞ്ചാലിയിലെ പ്രധാന കഥാപാത്രങ്ങള് എല്ലാം തന്നെ സ്ത്രീകള്.
മലയാളത്തില് ആദ്യമാണ് സ്ത്രീകള് നേതൃത്വം കൊടുക്കുന്ന ഒരു സ്ത്രീപക്ഷ സിനിമ വരുന്നത്. ചിത്രത്തിന്റെ അണിയറ പ്രവര്ത്തനങ്ങള് എറണാകുളത്ത് പുരോഗമിക്കുന്നു.
നടാഷ എന്ന കേന്ദ്രകഥാപാത്രത്തിനൊപ്പം, സുനന്ദ, പാട്ടി, ആശ, നീലിമ, ഗോപിക, കാര്ത്തിക എന്നീ സ്ത്രീ കഥാപാത്രങ്ങളാണ് ചിത്രത്തിന്റെ നെടുംതൂണ് .ദേശീയ അവാര്ഡ് നേടിയ കള്ളനോട്ടം എന്ന ചിത്രത്തിലെ പ്രധാന കഥാപാത്രത്തെ അവതരിപ്പിച്ച അന്സു മരിയയാണ് പഞ്ചാലിയിലെ പ്രധാന കഥാപാത്രമായി എത്തുന്നത്. സ്ത്രീ കഥാപാത്രങ്ങള് പ്രധാന കഥാപാത്രങ്ങളായി എത്തുന്ന പാഞ്ചാലി മലയാളത്തിലെ ഒരു വ്യത്യസ്ത ചിത്രമായിരിക്കുമെന്ന് സംവിധായിക ഷാന്സിസലാം പറഞ്ഞു.
ക്യാമറ- റോയിറ്റ അങ്കമാലി, സനൂപ്, എഡിറ്റര്- ഡോ. ജീവന്, കല- സണ്ണി സംഘമിത്ര, മേക്കപ്പ്- വിഷ്ണു, പ്രൊഡക്ഷന് കണ്ട്രോളര്- ഷാജിക്ക ഷാജി, എക്സിക്യൂട്ടിവ് - കുമാര്സണ്, സ്റ്റില്- മെഹബൂബ്, പി.ആര്.ഒ- അയ്മനം സാജന്.
ഇന്ദ്രന്സ്, ഡോ.രജിത്കുമാര്, അന്സു മരിയ, ശിവജി ഗുരുവായൂര്, സ്ഫടികം ജോര്ജ്, ചാലി പാല, പ്രദീപ് പള്ളുരുത്തി, സാജന് പള്ളുരുത്തി, അംബരീഷ്, വിജയന്, പ്രവീണ് കുമാര്, ജോയിനടുക്കുടി, മുഹമ്മ സാജിദ് സലാം, ബന്നി പൊന്നാരം, അരുണ്കുമാര് പി.നായര്, സണ്ണി, സാബു പന്തളം, അബു പട്ടാമ്പി, ബഷീര് താനത്ത്, ആകാശ്, ആദര്ശ്, ഗൗരിനന്ദന എന്നിവര് അഭിനയിക്കുന്നു. എറണാകുളത്തും പരിസരങ്ങളിലുമായി ഉടന് ചിത്രീകരണം ആരംഭിക്കും.
Online PR - CNA.