സി എന്‍ എ-
ചെന്നൈ:
മിഷ്‌കിന്‍ സംവിധാനം ചെയ്യുന്ന 'പിസാസ് 2'വിലെ ക്യാരക്ടര്‍ പോസ്റ്റര്‍ പുറത്ത് വിട്ടു. ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന ആന്‍ഡ്രിയ ജെറമിയയുടെ വളരെ സവിശേഷതയുള്ള ചിത്രം പതിച്ച പോസ്റ്ററാണ്. ആന്‍ഡ്രിയയുടെ ജന്മദിനമായ ഡിസംബര്‍ 21ന് മിഷ്‌കിന്‍ പുറത്ത് വിട്ടത്.
'നമുക്ക് മെഴുകുതിരികള്‍ കൊളുത്തി നമ്മുടെ കേന്ദ്ര കഥാപാത്രത്തിന്റെ സ്‌പെഷ്യല്‍ ദിവസം ആഘോഷിക്കാം' എന്നുപറഞ്ഞു കൊണ്ടായിരുന്നുപോസ്റ്റര്‍ പങ്കുവെച്ചത്.
പോസ്റ്ററിലെ ആന്‍ഡ്രിയയുടെ രൂപവും ഭാവവും വേഷവുമാണ് തമിഴകത്ത് ഇപ്പോള്‍ ചര്‍ച്ചചെയ്യപ്പെടുന്നത്. ലോകപ്രശസ്ത ചിത്രകാരനായ ഡാവിഞ്ചിയുടെ മൊണാലിസയെപ്പോലെ ഉള്ളിലെന്താണെന്ന് പിടിതരാത്ത ഭാവമാണെന്നാണ് കൂടുതല്‍ പേരും അഭിപ്രായപ്പെടുന്നത്.
വ്യത്യസ്തമായ ടോപ്പും തലയില്‍ സ്‌കാര്‍ഫും കൈയ്യില്‍ വാച്ചുമായി ഒരു ടേബിളിന് മുന്നില്‍ ഇരിക്കുന്ന പോലെയാണ് ആന്‍ഡ്രിയയുടെ പോസ്റ്ററിലെ ചിത്രം. കഴിഞ്ഞുപോയ ഏതോ കാലഘട്ടത്തിലേതാണെന്ന് തോന്നിപ്പിക്കുംവിധം മങ്ങിയ കളര്‍ ടോണിലാണ് പോസ്റ്റര്‍ ചെയ്തിരിക്കുന്നത്.
ഡിസംബര്‍ 15നാണ് 'പിസാസ് 2' ന്റെ ഷൂട്ടിംഗ് ആരംഭിച്ചത്. 2014ല്‍ ഇറങ്ങിയ പിസാസിന്റെ തുടര്‍ച്ചയല്ല 'പിസാസ് 2' എന്നാണ് സംവിധായകന്‍ മിഷ്‌കിന്‍ അറിയിച്ചിട്ടുള്ളത്.
