Editor - MM Kamath
കൊച്ചി:
അമ്മ ഫിലിംസിന്റെ ബാനറില്‍ നവാഗത സംവിധായകന്‍ ലിജീഷ് മുല്ലേഴത്തിന്റെ ആദ്യ സിനിമയായ 'ആകാശത്തിനു താഴെ' യുടെ ആദ്യ പോസ്റ്റര്‍ പ്രകാശനം അയ്യങ്കാളി ദിനമായ ആഗസ്ത് 28 ന് ഏറെ പുതുമകളോടെ നടന്നു.
അധിന്‍ ഒള്ളൂര്‍ ആണ് പോസ്റ്റര്‍ ഡിസൈന്‍ ചെയ്തിരിക്കുന്നത്.
സാധാരണക്കാരായ നൂറില്‍പ്പരം സ്ത്രീകളുടെ ഫേസ്ബുക്ക് പേജിലൂടെ നടന്ന പോസ്റ്റര്‍ റിലീസിംഗ് മലയാള സിനിമയിലെ വ്യത്യസ്തമായ ചുവടുവെപ്പായിരുന്നു.
സമകാലിക സംഭവങ്ങളിലൂന്നി നിന്ന കൊണ്ട്, അതീവ ഗൗരവമാര്‍ന്ന പ്രമേയം കൈകാര്യം ചെയ്യുന്ന, ശക്തമായ സ്ത്രീപക്ഷ സിനിമയായ ആകാശത്തിനു താഴെയുടെ തിരക്കഥയൊരുക്കിയിരിക്കുന്നത് പ്രദീപ് മണ്ടൂരാണ്. ദേശീയ അവാര്‍ഡ് ജേതാവ് പ്രിയനന്ദന്റെ 'ഞാന്‍ നിന്നോടുകൂടെയുണ്ട്' എന്ന സിനിമയുടെ തിരക്കഥയും പ്രദീപ് മണ്ടൂരിന്റേതായിരുന്നു.
ഇതേ സിനിമയുടെ സഹസംവിധായകനായിരുന്ന ലിജീഷ് മുല്ലേഴത്ത് സ്വതന്ത്ര സംവിധായകനാവുന്ന സിനിമയില്‍ സിജി പ്രദീപ് നായികാ വേഷത്തിലെത്തുന്നു. നിരവധി പുതുമുഖങ്ങള്‍ക്കൊപ്പം നാടകരംഗത്തെ പ്രമുഖരും വേഷമിടുന്നു.
ജനുവരി 1 മുതല്‍ തൃശൂര്‍ പൂമലയിലും പരിസരത്തുമായി ചിത്രീകരണം തുടങ്ങും.
Online PR - CinemaNewsAgency.Com
