CNA
മായാരാവണനേ.... മന്മഥമോഹനസുന്ദരനേ...
ലങ്കാ പാലകനേ... സേവകനായകനേ... എന്നാരംഭിക്കുന്ന ഈ ഗാനം നവമാധ്യമങ്ങളില്‍ വലിയ തരംഗമാണു സൃഷ്ടിക്കുന്നത്.
ലങ്കയും രാവണനും കോര്‍ത്തിണക്കി... ഹരിനാരായണന്റെ വരികള്‍ക്ക് ജെയ്ക്ക് ബിജോയ്‌സ് ഈണമിട്ടിരിക്കുന്നു.
എം.ജി. ശ്രീകുമാറാണ് ഈ ഗാനം ആലപിച്ചിരിക്കുന്നത്.
ഈണത്തിലും ആലാപനത്തിലും ഏറെ ഇമ്പമാര്‍ന്ന ഈ ഗാനം ഒരു ആഘോഷത്തിമിര്‍പ്പിന് ഏറെ അനുയോജ്യമാണ്.
ഏതു വിഭാഗത്തിനും ഒരുപോലെ ആസ്വദിക്കാന്‍ കഴിയും വിധത്തിലാണ് ഈ ഈഗാനത്തിന്റെ അവതരണം...
പൊലീസ് പ്രൊസീജറിന്റെ പശ്ചാത്തലത്തിലൂടെ അവതരിപ്പിക്കുന്ന ഈ ചിത്രത്തിലെ അത്തരം നിരവധി രംഗങ്ങള്‍ ഈ ഗാനത്തിനൊപ്പം വിഷ്വല്‍സായി എത്തുന്നത് പ്രേക്ഷകര്‍ക്ക് ഏറെ കൗതുകം പകരുമെന്നു തന്നെ വിശ്വസിക്കാം.
പൊലീസ് പ്രൊസിജറിനൊപ്പം കുടുംബമുഹൂര്‍ത്തങ്ങളുടെ ആകര്‍ഷകമായ വിഷ്യല്‍സും അകമ്പടിയായി ഈ ഗാനത്തിലുണ്ട്.
വളരെ വേഗതയില്‍ത്തന്നെ ഈ ഗാനം പോപ്പുലറാകുമെന്നതില്‍ സംശയമില്ല...
ഡിസംബര്‍ ഇരുപത്തിനലിന് ഈ ചിത്രം പ്രദര്‍ശനത്തിനെത്തുന്നതിന്റ ഭാഗമായാണ് ഈ ഗാനം എത്തിയിരിക്കുന്നത്.
ലൗലജന്‍ പി.സി. എന്ന സാധാരണ ക്കാരനായ ഒരു പൊലീസ് സബ്ബ് ഇന്‍സ്പക്ടറുടെ ഔദ്യോഗിക ജീവിതവും വ്യക്തി ജീവിതവും കോര്‍ത്തിണക്കിയുള്ള ഒരു പ്രൊസീജര്‍ ഡ്രാമയായിട്ടാണ് ഈ ചിത്രത്തിന്റെ അവതരണം.
മോഹന്‍ലാല്‍ കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തിലെ നായിക മീരാ ജാസ്മിനാണ്.
ലാലു അലക്‌സ്, മുകേഷ്, ജഗദീഷ്, മനോജ് കെ. ജയന്‍, ഇര്‍ഷാദ് അലി, പ്രമോദ് വെളിയനാട്, തുടങ്ങിയവരോടൊപ്പം പുതു തലമുറ സാന്നിദ്ധ്യമായ സജീവന്‍, ശ്രീനാഥ് ബാബു, കിരണ്‍ പീതാംബരന്‍, വിജി വിശ്വനാഥ്, ഭാമ അരുണ്‍, പ്രാര്‍ത്ഥന എന്നിവരും ചിത്രത്തിന്റെ ഭാഗമാകുന്നു.
'ഇഷ്‌ക്ക്', 'ആലപ്പുഴ ജിംഖാന' എന്നീ ചിത്രങ്ങളിലൂടെ ശ്രദ്ധേയനായ രതീഷ് രവിയുടേതാണ് തിരക്കഥ.
'തുടരും' സിനിമയിലെ പ്രധാന സാങ്കേതിക വിദഗ്ദര്‍ തന്നെ വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്.
ഷാജികുമാറാണ് ഛായാഗ്രാഹകന്‍. എഡിറ്റിംഗ്- ഷഫീഖ് വി.ബി, ഓഡിയോഗ്രഫി- വിഷ്ണു ഗോവിന്ദ്, കലാസംവിധാനം- ഗോകുല്‍ ദാസ്, മേക്കപ്പ്- റോണക്‌സ് സേവ്യര്‍, കോസ്റ്റ്യൂം ഡിസൈന്‍- മഷര്‍ ഹംസ, കോ-ഡയറക്ടര്‍- ബിനു പപ്പു, ചീഫ് അസ്സോസ്സിയേറ്റ് ഡയറക്ടര്‍- മിറാഷ്ഖാന്‍, അസ്സോസ്സിയേറ്റ് ഡയറക്ടര്‍- അഫ്‌നാസ് വി., സ്റ്റില്‍സ്- അമല്‍ സി. സദര്‍, പ്രൊഡക്ഷന്‍ മാനേജര്‍- ജോമോന്‍ ജോയ്, ചാലക്കുടി. പ്രൊഡക്ഷന്‍ എക്‌സിക്കുട്ടീവ്- എസ്സ.കെ. എസ്തപ്പാന്‍, പ്രൊഡക്ഷന്‍ കണ്‍ട്രോളര്‍- സുധര്‍മ്മന്‍ വള്ളിക്കുന്ന്.
സെന്‍ട്രല്‍ പിക്‌ച്ചേഴ്‌സ് ഈ ചിത്രം പ്രദര്‍ശനത്തിനെത്തിക്കുന്നു.
- വാഴൂര്‍ ജോസ്.
Online PR - CinemaNewsAgency.Com
