CNA
കൊച്ചി:
ദേശീയ അവാര്ഡ് ജേതാവായ സുരഭി ലക്ഷ്മിയെ കേന്ദ്ര കഥാപാത്രമാക്കി ജയരാജ് സംവിധാനം ചെയ്ത 'അവള്' എന്ന ചിത്രത്തിലെ ലിറിക്കല് വീഡിയോ
ഗാനം റിലീസായി.
മുറാദ് വെമ്പായം എഴുതിയ വരികള്ക്ക് കണ്ണന് സി ജെ സംഗീതം പകര്ന്ന് മത്തായി സുനില് ആലപിച്ച 'ആണ്ടാണ്ടേ പെണ്ണൊരുത്തി...' എന്നാരംഭിക്കുന്ന ഗാനമാണ് റിലീസായത്.
'സുരഭി ലക്ഷ്മിയുടെ അഭിനയ ജീവിതത്തിലെ ഏറ്റവും ശക്തമായ കഥാപാത്രങ്ങളില് ഒന്നായിരിക്കും 'അവള്' എന്ന സിനിമയിലെ 'പ്രഭ' എന്ന് സംവിധായകന് ജയരാജ് വ്യക്തമാക്കി. സുരഭി തന്നെ പല ഇന്റര്വ്യൂകളിലും ഇത് എടുത്തു പറഞ്ഞിട്ടുമുണ്ട്. നിരഞ്ജന അനൂപ്, കെ പി എ സി ലളിത, സബിത ജയരാജ്, നിതിന് രഞ്ജി പണിക്കര്, ഷൈനി സാറ, മനോജ് ഗോവിന്ദന്, ഷിബു നായര് തുടങ്ങിയവരാണ് മറ്റു പ്രമുഖ താരങ്ങള്.
ഗോള്ഡന് വിങ്സ് മീഡിയ പ്രൊഡക്ഷന്സിന്റെ ബാനറില് ഡോക്ടര് മനോജ് ഗോവിന്ദന്, ഷിബു നായര്, ജയരാജ് എന്നിവര് ചേര്ന്ന് നിര്മ്മിച്ച ഈ ചിത്രത്തിന്റെ ഛായാഗ്രഹണം സച്ചു സജി നിര്വഹിക്കുന്നു. എഡിറ്റിംഗ്- ശ്രീജിത്ത് സി ആര്, ഗാനരചന- മുഹാദ് വെമ്പായം, സംഗീതം- കണ്ണന് സി ജെ, കലാസംവിധാനം- ജി ലക്ഷ്മണന്, മേക്കപ്പ്- ലിബിന് മോഹന്, വസ്ത്രാലങ്കാരം- ഫെമിന ജബ്ബാര്, സൗണ്ട് ഡിസൈന്- വിനോദ് പി ശിവറാം, പ്രൊഡക്ഷന് കണ്ട്രോളര്- സജി കോട്ടയം.
ഒക്ടോബര് പത്തിന് 'അവള്' പ്രദര്ശനത്തിനെത്തുന്നു.
പി ആര് ഒ- വിവേക് വിനയരാജ്, എ എസ് ദിനേശ്.
Online PR - CinemaNewsAgency.Com
