CNA
കൊച്ചി:
നവാഗതനായ രതീഷ് ശേഖര് സംവിധാനം ചെയ്ത് നടനും തിരക്കഥാകൃത്തുമായ അനൂപ് മേനോന് നായകനായി എത്തിയ 'ചെക്ക് മേറ്റ്' ZEE5ല് മികച്ച അഭിപ്രായം നേടി മുന്നേറുന്നു. അനൂപ് മേനോനും ലാലിനും പുറമെ രേഖ ഹരീന്ദ്രന്, രാജലക്ഷ്മി, അഞ്ജലി മോഹനന്, വിശ്വം നായര് തുടങ്ങിയവര് ചിത്രത്തില് പ്രധാന വേഷങ്ങളില് അഭിനയിക്കുന്നു. ചിത്രം മലയാളം, ഹിന്ദി, തമിഴ്, തെലുങ്ക് ഭാഷകളിലും സ്ട്രീമിംഗ് ചെയ്യുന്നു.
ഒരു മൈന്ഡ് ഗെയിം ത്രില്ലറായെത്തിയ ചിത്രം മികച്ച അഭിപ്രായം ആണ് ഒ ടി ടി ഇല് നിന്ന് ലഭിച്ചു കൊണ്ടിരിക്കുന്നത്.
'ചെക്ക് മേറ്റ്' ഒരു മലയാള സിനിമയാണെങ്കിലും കേരളത്തില് ഒരു സീന് പോലും ഷൂട്ട് ചെയ്യാത്തൊരു മലയാള സിനിമ ആണ്. ചിത്രം പൂര്ണ്ണമായും ന്യൂയോര്ക്കില് ആണ് ഷൂട്ട് ചെയ്തിരിക്കുന്നത്. ചിത്രത്തിന്റെ തിരക്കഥയും സംഗീതവും ഛായാഗ്രഹണവും നിര്വ്വഹിച്ചിരിക്കുന്നത് സംവിധായകനായ രതീഷ് ശേഖര് തന്നെയാണ്.
അമേരിക്കയിലെ ഒരു ഫാര്മ്മ കമ്പനി ഉടമയുടെ ജീവിതത്തിലേക്ക് വരുന്ന ഒട്ടേറെ മനുഷ്യരിലൂടെയാണ് സിനിമയുടെ കഥ പുരോഗമിക്കുന്നത്. ഓരോ സെക്കന്റും ആകാംക്ഷ നിറയ്ക്കുന്ന ചിത്രത്തില് അനൂപ് മേനോന്റെ മികച്ച പെര്ഫോമന്സ് പ്രേക്ഷകര്ക്ക് കാണാം. ചിത്രത്തില് പ്രതിനായക വേഷത്തിലെത്തുന്നത് ലാലാണ്.
അനൂപ് മേനോനും, ലാലും ഒന്നിച്ചെത്തുന്ന സിനിമയായതിനാല് തന്നെ പ്രേക്ഷകര് വളരെയേറെ പ്രതീക്ഷകള് വെച്ച് പുലര്ത്തുന്ന ചിത്രമാണ് ചെക്ക് മേറ്റ് എന്നും, ZEE5ല് റിലീസ് ചെയ്തതില് ഒരുപാട് സന്തോഷം ഉണ്ടെന്ന് സംവിധായകന് രതീഷ് ശേഖര് കൂട്ടിച്ചേര്ത്തു.
ZEE5 ഇന്ത്യയിലെ ഏറ്റവും വലിയ ആഭ്യന്തര വീഡിയോ സ്ട്രീമിംഗ് പ്ലാറ്റ്ഫോമാണ്, ലോകമെമ്പാടും 190ത്തിലധികം രാജ്യങ്ങളിലെ പ്രേക്ഷകരിലേക്ക് ദക്ഷിണേഷ്യന് ഉള്ളടക്കം എത്തിക്കുന്നതിലൂടെ ജനപ്രീതി നേടിയ പ്ലാറ്റ്ഫോമിലൂടെ ഇനി മുതല് 'ചെക്ക് മേറ്റ്' കാണാം.
Online PR - CinemaNewsAgency.Com
