CNA
കൊച്ചി:
സിനിമാ മേഖലയില്‍ സുരക്ഷിത യാത്ര ഉറപ്പുവരുത്തുന്നതിനായി FEFKA KCDU SAFE JOURNEY എന്ന പേരില്‍ പുതിയ ഒരു പദ്ധതി ഇന്ന് ഫെഫ്കയുടെ ഓഫീസില്‍ പ്രസിഡന്റ് സിബി മലയിലിന്റെ അദ്ധ്യക്ഷതയില്‍ നടന്ന ചടങ്ങില്‍ ചലച്ചിത്ര താരം നിഖില വിമല്‍ ഉദ്ഘാടനം ചെയ്തു.
ഈ പദ്ധതിയുടെ ഉദ്ദേശം സിനിമ മേഖലയില്‍ പ്രവര്‍ത്തിക്കുന്ന കേരള സിനി െ്രെഡവേഴ്‌സ് യൂണിയന്റെ (KCDU) വാഹനങ്ങളില്‍ യാത്ര ചെയ്യുന്നവര്‍ക്ക് സുരക്ഷിതമായ യാത്ര ഒരുക്കുക എന്നതാണ്. ഇത്തരത്തിലുള്ള ഒരു സജ്ജീകരണം ഇന്ത്യയില്‍ ആദ്യമായിട്ടാണെന്ന് സിബി മലയില്‍ പറഞ്ഞു.
ഇതിനായി എല്ലാ വാഹനങ്ങളിലും യാത്ര ചെയ്യുന്നവര്‍ക്ക് കാണാനാകുന്ന ഭാഗത്ത് വാഹനം ഓടിയ്ക്കുന്ന അംഗത്തിന്റെ പേരും മെമ്പര്‍ ഐഡി നമ്പറും കൂടാതെ ക്യു ആര്‍ കോഡും ഉള്ള ഒരു കാര്‍ഡ് ഉണ്ടാകും. വാഹനത്തിനെ സംബന്ധിച്ചോ വാഹനത്തിന്റെ ഡ്രൈവറെ സംബന്ധിച്ചോ മറ്റെന്തെങ്കിലും തരത്തിലുള്ള പരാതിയോ ഉണ്ടെങ്കില്‍ പ്രസ്തുത ക്യു ആര്‍ കോഡ് സ്‌കാന്‍ ചെയ്ത് കഴിഞ്ഞാല്‍ മെമ്പറുടെ ഡീറ്റെയില്‍സ് അടക്കം ഇതിനായി മാത്രം ക്രമീകരിച്ചിരിക്കുന്ന ഒരു വാട്‌സ്ആപ്പ് നമ്പറിലേയ്ക്ക് വരികയും അപ്പോള്‍ തന്നെ വരുന്ന വിഷയത്തില്‍ ഇടപെടുകയും ചെയ്യും. 24 മണിക്കൂറും സേവനം ലഭ്യമാകുന്ന രീതിയിലാണ് ക്രമീകരിച്ചിരിക്കുന്നത്.
പുതുവര്‍ഷത്തില്‍ എല്ലാ അംഗങ്ങള്‍ക്കും നല്‍കാന്‍ സജ്ജമാക്കിയ കലണ്ടറിന്റെ പ്രകാശനം ചലച്ചിത്ര താരം നിഖിലാ വിമലിന് നല്‍കിക്കൊണ്ട് ഫെഫ്ക പ്രസിഡന്റ് ശ്രീ സിബി മലയില്‍ നിര്‍വ്വഹിച്ചു.
2025-2026 കാലയളവിലേക്കുള്ള പുതിയ ഐഡി കാര്‍ഡിന്റെ വിതരണോദ്ഘാടനം ഫെഫ്ക വര്‍ക്കിംഗ് സെക്രട്ടറി ശ്രീ സോഹന്‍ സീനുലാല്‍ നിര്‍വ്വഹിച്ചു.
ചടങ്ങില്‍ യൂണിയന്‍ പ്രസിഡന്റ് ശ്രീ റെജി യുഎസ്, ജനറല്‍ സെക്രട്ടറി അനീഷ് ജോസഫ്, വൈസ് പ്രസിഡന്റ് ഹസ്സന്‍ അമീര്‍, കമ്മിറ്റി അംഗങ്ങളായ സുരേഷ് കുമാര്‍, സജീഷ് കുമാര്‍, യൂണിയന്‍ അംഗങ്ങളായ എബ്രാഹം മാത്യൂ,അന്‍സാര്‍, ഓഫീസ് മാനേജര്‍ ശ്രീരാജ്, പി ആര്‍ ഒ എ എസ് ദിനേശ് എന്നിവര്‍ പങ്കെടുത്തു.
Online PR - CinemaNewsAgency.Com
