മഹേഷ് എം കമ്മത്ത്
കൊച്ചി:
വാമ്പയര്‍ ആക്ഷന് ചിത്രമായ 'ഹാഫ്' (Half)ന്റെ പോസ്റ്റര്‍ റിലീസായി. ''The chronicles of two half blooded vampires'' എന്ന ടാഗ്‌ലൈനോടെയാണ് പോസ്റ്റര്‍ റിലീസ് ചെയ്തിരിക്കുന്നത്.
ബ്ലെസ്സി മോഹന്‍ലാല്‍ ചിത്രമായ 'പ്രണയം' ഉള്‍പ്പെടെ ഒരുപിടി നല്ല ചിത്രങ്ങള്‍ നിര്‍മ്മിച്ച ഫ്രാഗ്രന്റ് നേച്ചര്‍ ഫിലിംസിന്റെ ബാനറില്‍ ആന്‍ സജീവും സജീവുമാണ് ചിത്രം നിര്‍മ്മിക്കുന്നത്.
'ഗോളം' എന്ന ചിത്രത്തിന്റെ മികച്ച വിജയത്തിനുശേഷം സംവിധായകനായ സംജാദാണ് ഈ ചിത്രവും സംവിധാനം ചെയ്യുന്നത്. സംവിധായകന്‍ സംജാദും പ്രവീണ്‍ വിശ്വനാഥുമാണ് തിരക്കഥ രചിച്ചിരിക്കുന്നത്.
'മൈക്ക്', 'ഖല്‍ബ്', 'ഗോളം' എന്നീ ചിത്രങ്ങളിലൂടെ ശ്രദ്ധേയനായ രഞ്ജിത്ത് സജീവ് നായകനാകുന്ന ചിത്രത്തില്‍ അമല പോള്‍, ഐശ്വര്യ രാജ്, അബ്ബാസ്,
സുധീഷ്, ബോയ്‌സ് ഫെയിം മണികണ്ഠന്‍, ശ്രീകാന്ത് മുരളി, ബോളിവുഡ് താരം റോക്കി മഹാജന്‍ തുടങ്ങിയവരും ഹിന്ദി, തെലുങ്ക്, തമിഴ്, കന്നഡ ഭാഷകളിലെ താരങ്ങളും ചിത്രത്തില്‍ വേഷമിടുന്നു.
ഏതുഭാഷയ്ക്കും, ദേശത്തിനും അനുയോജ്യമായ യൂണിവേഴ്‌സല്‍ സബ്ജക്റ്റാണ് 'ഹാഫിന്റേത്. ഇന്തോനേഷ്യയിലെ പ്രശസ്തരായ വെരിട്രി യൂലിസ്മാന്‍ ആണ് ചിത്രത്തിന്റെ ആക്ഷന് കോറിയോഗ്രാഫി നിര്‍വ്വഹിച്ചിരിക്കുന്നത്.
'റെയ്ഡ്-2', 'ദി നൈറ്റ് കംസ് ഫോര്‍ അസ്' എന്നീ ലോകപ്രശസ്ത ചിത്രങ്ങള്‍ക്ക് ആക്ഷന് കോറിയോഗ്രാഫി നിര്‍വ്വഹിച്ച കോറിയോഗ്രാഫറാണ് വെരിട്രി. ആക്ഷന് ഏറെ പ്രാധാന്യം നല്‍കുന്ന ചിത്രം സമീപകാലമലയാള സിനിമയിലെ ഏറ്റം മികച്ച ആക്ഷന് ചിത്രമായിരിക്കും എന്നാണ് അണിയറ പ്രവര്‍ത്തകര്‍ അവകാശപ്പെടുന്നത്.
സംഗീതം- മിഥുന്‍ മുകുന്ദ്, ഛായാഗ്രഹണം- പാപ്പിനു, എഡിറ്റിങ്- മഹേഷ് ഭുവനന്ദ്, കലാസംവിധാനം- മോഹന്‍ദാസ്, സൗണ്ട് ഡിസൈനര്‍- വിഷ്ണു ഗോവിന്ദ്, കോസ്റ്റ്യൂം ഡിസൈന്‍- ധന്യ ബാലകൃഷ്ണന്‍, മേക്കപ്പ്- നരസിംഹ സ്വാമി, സ്റ്റില്‍സ്- സിനറ്റ് സേവ്യര്‍, ചീഫ് അസ്സോസ്സിയേറ്റ് ഡയറക്ടര്‍- രാജേഷ് കുമാര്‍, അസ്സോസ്സിയേറ്റ് ഡയറക്ടര്‍- ജിബിന്‍ ജോയ്, പ്രൊഡക്ഷന്‍ മാനേജേഴ്‌സ്- സജയന്‍ ഉദിയന്‍കുളങ്ങര, സുജിത്. പ്രൊഡക്ഷന്‍ എക്‌സിക്യൂട്ടീവ്- അബിന്‍ എടക്കാട്, പ്രൊഡക്ഷന്‍ കണ്‍ട്രോളര്‍- ബിനു മുരളി, വിഎഫ്എക്‌സ്- പിക്‌ടോറിയല്‍ എഫ്എക്‌സ്, പബ്ലിസിറ്റി ഡിസൈന്‍- ടിവിടി.
Online PR - CinemaNewsAgency.Com
