CNA
കൊച്ചി:
'പ്രേതബാധയുണ്ടെന്ന് കരുതുന്ന ഗ്രാമത്തിലെ ഒരു ബംഗ്ലാവിലേക്ക് പോലീസ് സ്‌റ്റേഷന്‍ മാറ്റുന്നു. സ്‌റ്റേഷനിലെ സര്‍ക്കിള്‍ ഇന്‍സ്‌പെക്ടര്‍ ആവട്ടെ വിശ്വാസിയും പേടിത്തൊണ്ടനും'. ഇന്ത്യയിലെ പ്രമുഖ സ്ട്രീമിംഗ് പ്ലാറ്റ്‌ഫോം ആയ സീ 5വില്‍ പുറത്തിറങ്ങിയ പുതിയ വെബ് സീരീസ് 'ഇന്‍സ്‌പെക്ഷന്‍ ബംഗ്ലാവി'ന്റെ കഥാസംഗ്രഹം ആണിത്.
രസകരമായ ഈ ത്രഡ് പോലെ തന്നെയാണ് 7 എപ്പിസോഡുകള്‍ നീണ്ടുനില്‍ക്കുന്ന ഈ മുഴുനീള വെബ് സീരീസും. കോമഡിയും ഹൊററും ത്രില്ലറും എല്ലാം ചേര്‍ത്തുകൊണ്ട് ഒരു ഗംഭീര അനുഭവമാണ് കഴിഞ്ഞദിവസം പുറത്തിറങ്ങിയ ഇന്‍സ്‌പെക്ഷന്‍ ബംഗ്ലാവ് പ്രേക്ഷകര്‍ക്ക് നല്‍കുന്നത്. മലയാളികളുടെ പ്രിയങ്കരനായ ശബരീഷ് വര്‍മ്മ നായകനായി എത്തുന്ന സീരീസ് സംവിധാനം ചെയ്തിരിക്കുന്നത് സൈജു എസ് എസ് ആണ്.വീണ നായര്‍ പ്രൊഡക്ഷന്‍സ് ബാനറില്‍, വീണ നായര്‍ നിര്‍മ്മിക്കുന്ന സീരീസിന്റെ കഥയും തിരക്കഥയും രചിച്ചിരിക്കുന്നത് സുനീഷ് വരനാടാണ്.ശബരീഷിന് പുറമേ ആധിയ പ്രസാദ്, ഷാജു ശ്രീധര്‍, സെന്തില്‍ കൃഷ്ണ രാജാമണി എന്നിവരും പ്രധാന കഥാപാത്രങ്ങളായി സീരീസില്‍ എത്തുന്നുണ്ട്.
മറ്റു ഭാഷകളില്‍ ഹൊറര്‍ കോമഡി വിഭാഗത്തില്‍ നിരവധി സൂപ്പര്‍ ഹിറ്റ് ചിത്രങ്ങളും വെബ് സീരീസുകളും വന്നിട്ടുണ്ടെങ്കിലും മലയാളത്തില്‍ ആദ്യമായാണ് ഇത്തരമൊരു വെബ് സീരീസ് എത്തുന്നത്. അതിന്റെ എല്ലാ ഫ്രഷ്‌നസ്സും ഐ ബി യില്‍ ഉണ്ട്. ഒരു ഗ്രാമീണ പശ്ചാത്തലത്തില്‍ ഒരുക്കിയിരിക്കുന്ന സീരീസില്‍ കഥാപാത്രങ്ങളായി എത്തുന്നവരുടെ സ്വാഭാവികമായ അഭിനയവും, ഹൊറര്‍ രംഗങ്ങളില്‍ പ്രേക്ഷകര്‍ക്ക് നല്‍കുന്ന ഉദ്യോഗവും എടുത്തു പറയേണ്ടതാണ്.
റേറ്റിംഗ് : 3.5/5
വെബ് സീരീസ് ഒരു ഘട്ടം കഴിയുമ്പോള്‍ ഹാസ്യത്തിന്റെയും ഭീതിയുടെയും ഒപ്പം ഒരു ത്രില്ലര്‍ മൂഡിലേക്ക് കൂടി കിടക്കുന്നുണ്ട്, പ്രീലോഡ് ചെയ്ത ഫ്‌ളാഷ് ബാക്ക് സീനുകളും ഇന്‍വെസ്റ്റിഗേഷനും ആകുമ്പോള്‍ ഒരു ചെറിയ വെബ് സീരീസ് പ്ലോട്ടില്‍ നിന്നും പ്രേക്ഷകരെ പിടിച്ചിരുത്തുന്ന ഒരു ഗംഭീര അനുഭവമായി മാറുവാന്‍ 'ഇന്‍സ്‌പെക്ഷന്‍ ബംഗ്ലാവി'ന് സാധിക്കുന്നു.
Online PR - CinemaNewsAgency.Com
