മഹേഷ് എം കമ്മത്ത്-
കൊച്ചി:
സംസ്ഥാന സര്‍ക്കാരിന്റെ ചലച്ചിത്ര അവാര്‍ഡില്‍ കുട്ടികളുടെ ചിത്രങ്ങളുടെ വിഭാഗത്തില്‍ രണ്ടാമതായി തെരഞ്ഞെടുക്കപ്പെട്ട 'ഇരുനിറം' എന്ന ചിത്രത്തിന്റെ സെക്കന്റ് ലുക്ക് പോസ്റ്റര്‍ റിലീസ് ചെയ്തു.
കേരളത്തിനകത്തും പുറത്തും കൂടാതെ വിദേശത്തും നിരവധി പുരസ്‌കാരങ്ങളും ഇന്റര്‍നാഷണല്‍ അവാര്‍ഡുകളും വാരിക്കൂട്ടിയ ഒരു ചിത്രമാണ് 'ഇരുനിറം'.
വിയറ്റ്‌നാം, കൊറിയന്‍ തുടങ്ങിയ വിദേശരാജ്യങ്ങളിലും. അതുപോലെതന്നെ ചിത്രത്തിലെ അഭിനയത്തിന് തന്മയാ സോള്‍ മികച്ച ബാലതാരവുമായി തിരഞ്ഞെടുക്കപ്പെട്ടിട്ടുണ്ട്.
ജെസ്സി ഡാനിയല്‍ ഫൗണ്ടേഷന്‍ അവാര്‍ഡ്, സത്യജിത്ത് റായി ഫിലിം സൊസൈറ്റി അവാര്‍ഡ്, പുലരി ടിവി ഇന്റര്‍നാഷണല്‍ ഫിലിം അവാര്‍ഡ് തുടങ്ങിയവയും ഈ ചിത്രത്തിന് ലഭിച്ച പൊന്‍തൂവലുകളാണ്. കൂടാതെ, ഈ വര്‍ഷത്തെ സംസ്ഥാന ഫിലിം ക്രിട്ടിക്‌സ് അവാര്‍ഡും ജിന്റോ തോമസിന് ലഭിക്കുകയുണ്ടായി.
സംസ്ഥാന പുരസ്‌കാരം നേടിയ 'കാടകല'ത്തിന്റെ തിരക്കഥാകൃത്തും ജിന്റോ തോമസാണ്.
നിറത്തിനും ജാതിക്കുമപ്പുറം മനുഷ്യനെ മനുഷ്യനായിത്തന്നെ തിരിച്ചറിയണമെന്ന് പറയുകയാണ് ജിന്റോ തോമസ് സംവിധാനം ചെയ്ത 'ഇരുനിറം'.
രജനീകാന്ത് സിനിമ വേട്ടയാനിലൂടെ ദേശീയ ശ്രദ്ധ നേടിയ തന്മയ സോളാണ് ഈ ചിത്രത്തില്‍ പ്രധാനവേഷത്തില്‍ എത്തുന്നത്.
പൊതുസമൂഹത്തില്‍ നിലനില്‍ക്കുന്ന കറുപ്പും വെളുപ്പുമെന്ന വേര്‍തിരിവ് അമ്പിളി എന്ന ഏഴാം ക്ലാസുകാരിയിലുണ്ടാക്കുന്ന പ്രശ്‌നങ്ങളാണ് സിനിമ പറയുന്നത്.
മാളോല പ്രൊഡക്ഷന്‍സിന് വേണ്ടി സിജി മാളോലയാണ് സിനിമ നിര്‍മ്മിച്ചിരിക്കുന്നത്.
തന്മയ സോളിനൊപ്പം ജിയോ ബേബി, നിഷ സാരംഗ്, ദിനീഷ് ആലപ്പി, പ്രദീപ് ബാലന്‍, പോള്‍ കബനി, അജിത തുടങ്ങിയവരും അഭിനയിച്ചിരിക്കുന്നു.
കഥ, തിരക്കഥ- വിഷ്ണു കെ മോഹന്‍, ഛായാഗ്രഹണം- റെജി ജോസഫ്, എഡിറ്റിങ് & ഡിഐ- പ്രഹളാദ് പുത്തഞ്ചേരി, സൗണ്ട് & സംഗീതം- സാന്‍ഡി, ഗാനരചന- അര്‍ജുന്‍ അംബ, ഷംസുദ്ധീന്‍ കുട്ടോത്ത്, ആര്‍ട്- ബിജു ജോസഫ്, മേക്കപ്പ്- രാജേഷ് ജയന്‍, കോസ്റ്റ്യൂം- പ്രീതി സിജോ, പ്രൊഡക്ഷന്‍ ഡിസൈനര്‍- സിജോ മാളോല, പ്രൊഡക്ഷന്‍ കണ്‍ട്രോളര്‍- ജിക്കു കട്ടപ്പന, ചീഫ് അസോസിയേറ്റ് ഡയറക്ടര്‍- ലിജിന്‍ കെ ഈപ്പന്‍, ടൈറ്റില്‍ ഡിസൈന്- റിലിന്‍ ആര്‍ട്ട്, ഡിസൈന്- അനൂപ് സുരേഷ്, സ്റ്റുഡിയോ- വയലെറ്റ് ഫ്രെയിംസ്.
Online PR - CinemaNewsAgency.Com
