CNA
കൊച്ചി:
ZEE5 ഇന്റെ മലയാളത്തിലെ ആദ്യ ക്രൈം ത്രില്ലര് സീരീസായ 'കമ്മട്ടം' മികച്ച അഭിപ്രായങ്ങളും പ്രേക്ഷക പ്രശംസ നേടിയും മുന്നേറുന്നു. ആറു എപ്പിസോഡുകളിലായി റിലീസ് ചെയ്ത ഈ ക്രൈം ത്രില്ലര് പ്രേക്ഷകരെ ശക്തമായി പിടിച്ചിരുത്തിയ 'കമ്മട്ടം' ഷാന് തുളസിധരന് ആണ് സംവിധാനം ചെയ്തിരിക്കുന്നത്.
മലയാളത്തിലെ യഥാര്ത്ഥ സംഭവങ്ങളെ ആസ്പദമാക്കി ഒരു കുറ്റഅന്വേഷണ ത്രില്ലറായ 'കമ്മട്ടം' എങ്ങും മികച്ച അഭിപ്രായം ആണ് വന്നുകൊണ്ട് ഇരിക്കുന്നത്. ZEE5യുടെ ആദ്യത്തെ മലയാളം ഒര്ജിനല് എന്ന നിലയില് ഈ സീരീസ് ഏറെ പ്രേക്ഷകശ്രദ്ധപിടിച്ചു പറ്റിയിട്ടുണ്ട്.
തൃശ്ശൂരിനെ ഞെട്ടിച്ച യഥാര്ത്ഥ സംഭവത്തെ ആസ്പദമാക്കിയുള്ള 'കമ്മട്ടം', 23 ഫീറ്റ് പ്രൊഡക്ഷന്സ് നിര്മിച്ച ഈ സീരീസില് പ്രധാന വേഷത്തില് സുധേവ് നായര് എത്തുന്നു. കൂടാതെ ജിന്സ്, ജിയോ ബേബി, അജയ് വാസുദേവ്, അഖില് കവളയൂര്, അരുണ് സോള്, ശ്രീരേഖ, ജോര്ഡി പൂഞ്ഞാര് എന്നിവര് വേഷമിടുന്നു.
പ്ലാന്റര് സാമുവല് ഉമ്മന്റെ സംശയാസ്പദമായ മരണത്തോടെയാണ് സീരീസ് ആരംഭിക്കുന്നത്. അന്വേഷണത്തിനിടെ പല അത്ഭുതകരമായ മരണങ്ങളും ഭീതിജനകമായ കണ്ടെത്തലുകളും സംഭവിക്കുന്നു. ഒടുവില് സാമുവലിന്റെ തോട്ടത്തില് ജോലി ചെയ്യുന്ന ഫ്രാന്സിസിന്റെ അടുത്തേക്ക് അന്വേഷണം എത്തുമ്പോള് കഥ കൂടുതല് ആവേശകരമാകുന്നു.
സുദേവ് നായര് അവതരിപ്പിച്ച ഇന്സ്പെക്ടര് ആന്റോണിയോ ജോര്ജ്ജിന്റെ കുറ്റഅന്വേഷണത്തിലൂടെ കഥ പറയുന്ന സീരീസ് പ്രേക്ഷകരെ നന്നായി പിടിച്ചു ഇരുത്തുനുണ്ട്.
'കമ്മട്ടം എന്റെ കരിയറിലെ ഏറ്റവും വെല്ലുവിളി നിറഞ്ഞ ഒരു കഥാപാത്രം ആണ്. ZEE5യുടെ ആദ്യത്തെ മലയാളം ഓറിജിനല് ആയി കമ്മട്ടം പുറത്തിറങ്ങുകയും മികച്ച അഭിപ്രായം ആണ് വന്ന് കൊണ്ട് ഇരിക്കുന്നത്' എന്ന് പ്രധാനവേഷം കൈകാര്യം ചെയ്ത സുധേവ് നായര് കൂട്ടിച്ചേര്ത്തു.
'യഥാര്ത്ഥ സംഭവങ്ങളെ ആധാരമാക്കിയ ശക്തമായ കഥയാണ് ഞങ്ങള് പ്രേക്ഷകര്ക്ക് നല്കുന്നത്.
മലയാള സിനിമ പ്രേക്ഷകര്ക്ക് വിശ്വാസത്തോടെയുള്ള ഒരു OTT പ്ലാറ്റ്ഫോം ആയി മാറിക്കഴിഞ്ഞിരിക്കുകയാണ് ZEE5. മികച്ച ഉള്ളടക്കം എത്തിക്കുന്നതില് എന്നും മുന്പന്തിയില് ZEE5 ഉണ്ടാകും' എന്ന് ZEE5യുടെ മാര്ക്കറ്റിംഗ് സൗത്ത് വിഭാഗത്തിലെ സീനിയര് വൈസ് പ്രസിഡന്റ് (തമിഴ് & മലയാളം) ബിസിനസ്സ് ഹെഡ് ആയ ലോയിഡ് സി സേവ്യര് പറഞ്ഞു.
മികച്ച അഭിപ്രായം നേടി 'കമ്മട്ടം' ഇപ്പോള് ZEE5യില് സ്ട്രമിങ് തുടരുന്നു.
Online PR - CinemaNewsAgency.Com
