സി. കെ. അജയ് കുമാര്‍-
ചെന്നൈ:
സുല്‍ത്താനു ശേഷം കാര്‍ത്തി നായകനാവുന്ന പുതിയ സിനിമയുടെ പൂജ റെക്കോര്‍ഡിങ്ങിന് ഇന്നു ചെന്നൈയില്‍ തുടക്കം കുറിച്ചു. കഥയുംപ്രോജക്റ്റുകളും വളരെ ശ്രദ്ധാപൂര്‍വം തിരഞ്ഞെടുക്കുന്ന കാര്‍ത്തി ഇക്കുറി കൈകോര്‍ക്കുന്നത് 'ഇരുമ്പു തിരൈ', 'ഹീറോ' എന്നീ സൂപ്പര്‍ ഹിറ്റ് സിനിമകളുടെ സംവിധായകന്‍ പി.എസ്. മിത്രനൊപ്പമാണ്. ഇവരുടെ ഒത്തുചേരല്‍ ആരാധകരില്‍ ഏറെ പ്രതീക്ഷയുണര്‍ത്തുന്നതാണ്. ഇനിയും പേരിട്ടിട്ടില്ലാത്ത (പ്രൊഡക്ഷന് നമ്പര്‍ 4 ) ഈ സിനിമ നിര്‍മ്മിക്കുന്നത് പ്രിന്‍സ് പിക്‌ച്ചേഴ്‌സിന്റെ ബാനറില്‍ എസ . ലക്ഷ്മണ്‍ കുമാറാണ്. ബ്രഹ്മാണ്ടചിത്രമായി അണിഞ്ഞൊരുങ്ങുന്ന സിനിമയുടെ സംഗീത സംവിധാനം
ജീ.വി. പ്രകാശ് കുമാര്‍ നിര്‍വഹിക്കുന്നു ജോര്‍ജ് സി. വില്യംസാണ് ഛായാഗ്രാഹകന്‍. ചിത്രത്തിലെ നായിക, മറ്റു അഭിനേതാക്കള്‍ എന്നിവരെ കുറിച്ചുള്ള വിവരങ്ങള്‍ ഉടന്‍ പ്രഖ്യാപിക്കുമെന്ന് നിര്‍മ്മാതാവ് അറിയിച്ചു.
