CNA
കൊച്ചി:
വേട്ട തുടങ്ങും മുമ്പ് അവിടെ ഒരു ശബ്ദമുണ്ടാകും കാടിനെ പിടിച്ചു കുലുക്കുന്ന ശഖ്ദം...
ഭയത്തെ നിയന്ത്രിക്കുന്ന ഒരു ശബ്ദം.
സംഗീതം മാത്രമല്ല ഒരു ശക്തി, ഒരു കൊടുങ്കാറ്റ്, ഇതിഹാസങ്ങള് പിറവിയെടുത്ത ഭൂമികയില് നിന്നും 'കെ.ജി.എഫി'ന്റെയും 'മാര്ക്കോ'യുടേയും സംഗീത പെരുമഴക്കു പിന്നിലെ ഒരു മനുഷ്യന് ശക്തിയുടെ താളം... രവി ബസ്റൂര്.
'മാര്ക്കോ'ക്കു ശേഷം ക്യൂബ്സ് എന്റെര്ടൈന്മെന്റുമായി രവി ബ്രസൂറിനെ കേന്ദ്രീകരിക്കുന്ന വീഡിയോ അണിയറപ്രവര് ത്തകര് പുറത്തുവിട്ടു
കാട്ടാളന് എന്ന ചിത്രത്തിന്നു വേണ്ടിയാണ് രവി ബസ്റൂര് ഇപ്പോഴെത്തുന്നത്.
ഒരു ടെക്നിഷ്യനെ ഇത്രയും ഹൈലൈറ്റ് ചെയുന്ന ആദ്യ പ്രൊമോഷന് കൂടിയായിരിക്കുമിത്.
രവി ബസ്റൂറിനൊപ്പം പ്രശസ്ത കന്നഡ സംഗീത സംവിധായകന് അജനീഷ് ലോക് നാഥും കാട്ടാളന്തു വേണ്ടി സംഗീതമൊരുക്കു
ന്നുണ്ട്.
പോള് ജോര്ജ് സംവിധാനം ചെയ്യുന്ന 'കാട്ടാളന്' സമീപകാല മലയാള സിനിമയിലെ ഏറ്റവും മികച്ച ആക്ഷന്, വയലന്സ് ചിത്രം കൂടിയാണ്.
ഒരു സിനിമയെ എങ്ങനെ മാര്ക്കറ്റ് ചെയ്യണമെന്നതിന്റെ ഏറ്റവും മികച്ച ഉദാഹരണമാണ് ഷെരീഫ് മുഹമ്മദിന്റെ ഉടമസ്ഥതയിലുളള
ക്യൂബ്സ് എന്റെര്ടൈന്മെന്റ്.
ക്യൂബ്സ് എന്റെര്ടൈന്മെന്റ് ആദ്യം നിര്മ്മിച്ച 'മാര്ക്കോ'യുടെ മാര്ക്കറ്റിംഗ് ചലച്ചിത്ര വൃത്തങ്ങളില് വലിയ സംസാരവിഷയമായിരുന്നു. അതിനും മുകളില് നില്ക്കുന്നതാണ് കാട്ടാളന്റെ മാര്ക്കറ്റിംഗും. ആ മാര്ക്കറ്റിംഗിനോടൊപ്പം പ്രൊഡക്ടിനെ എത്രയും മനോഹരമാക്കിത്തന്നെ അവതരിപ്പിക്കുകയും ചെയ്യുന്നു.
ഒരു പ്രാദേശികഭാഷാ ചിത്രത്തെ ഒരു പാന് ഇന്ഡ്യന് സിനിമയാക്കാന് പറ്റുമെന്ന് 'മാര്ക്കോ'യിലൂടെയും കാട്ടാളനിലൂടെയും അതു കാട്ടിത്തന്നു.
അതുകൊണ്ടുതന്നെ സിനിമയുടെ ബഡ്ജറ്റില് ആശങ്കയുളവാക്കുന്നുമില്ല.
തായ്ലാന്റിലായിരുന്നു കാട്ടാളന്റെ ചിത്രീകരണം ആരംഭിച്ചത്. പിന്നീട് നൂറ്റി നാല്പ്പദിവസത്തോളം നീണ്ടുനിന്ന ചിത്രീകരണമാണ് ഈ ചിത്രത്തിനു വേണ്ടി വന്നത്.
ഭാരതത്തിലെ നിരവധി ലൊക്കേഷനുകള് ഈ ചിത്രത്തിനു പശ്ചാത്തലമായി. ഇടുക്കി, കൊച്ചി, പൂന, മുംബൈ, ചെന്നൈ എന്നീ ലൊക്കേഷനുകളില് ഈ ചിത്രം ചിത്രീകരിച്ചു.
രവി ബസ്റൂറിനു പുറമേ നിരവധി മികച്ച സാങ്കേതിക പ്രവര്ത്തകരുടെ സാന്നിദ്ധ്യം ഈ ചിത്രത്തിന്റെ മാറ്റു വര്ദ്ധിപ്പിക്കുന്നു. അതില് പ്രധാനിയാണ് ലോക പ്രശസ്ത ആക്ഷന് കോറിയോഗ്രാഫര് കെച്ച കെമ്പടിക്ക.
അഞ്ചു ഭാഷകളിലായിട്ടാണ് ഈ ചിത്രം പ്രദര്ശനത്തിനെത്തുന്നത്. കാടാണ് ചിത്രത്തിന്റെ പ്രധാന പശ്ചാത്തലം. കാടിനോടും മൃഗങ്ങളോടും സന്ധിയില്ലാത്ത പോരാട്ടും നടത്തുന്ന ഒരു ചെറുപ്പക്കാരന്റെ സംഘര്ഷ ഭരിതമായ ജീവിതത്തിന്റെ ചലച്ചിത്രാവിഷ്ക്കാരണമാണ് 'കാട്ടാളന്'.
'കാട്ടാളന്' എന്ന പേരു സൂചിപ്പിക്കുന്നതുപോലെ തന്നെ കാട്ടാളന്റെ ആകാരവും, ചങ്കുറപ്പും കൈമുതലായ ഒരു ചെറുപ്പക്കാരന്റെ പോരാട്ടം അത് ഒരു മലയാള സിനിമ ദര്ശിക്കാത്ത വിധത്തിലാണ് ചിത്രത്തിന്റെ അവതരണം.
ആന്റണി വര്ഗീസ് (പെപ്പെ)യാണ് 'കാട്ടാളനെ' ഭദ്രമാക്കുന്നത്.
പെപ്പെയെ മുന്നിരയിലേക്ക് നയിക്കാന് ഈ ചിത്രം സഹായിക്കുമെന്നതില് യാതെരുസംശയവുമില്ല.
കബീര് ദുഹാന് സിംഗ്, തുഷാര വിജയന്, ജഗദീഷ്, ആന്സണ് പോള്, എന്നിവര്ക്കു പുറമേ റാജ് തിരണ് ദാസ്, ഷോണ് ജോയ്, എന്നിവര്ക്കൊപ്പം വിവിധ രംഗങ്ങളില് വലിയ ആസ്വാദകവൃന്ദത്തിന്റെ ഉടമകളായ റാപ്പര് ജിനി, ഹനാന് ഷാകില്, പാര്ത്ഥ് തിവാരി, ഷിബിന് എസ്. രാഘവ് (ലോക ഫെയിം) ഹിപ്സ്റ്റര്, പ്രണവ് രാജ്, കോള് മീവെനം തുടങ്ങിയ പ്രതിഭകളും ഈ ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു.
ഗാനങ്ങള്- വിനായക് ശശികുമാര്, സുഹൈല് കോയ, സംഭാഷണം- ഉണ്ണി ആര്., ഛായാഗ്രഹണം- രണ ദേവ്, എഡിറ്റിംഗ്- ഷമീര് മുഹമ്മദ്, കലാസംവിധാനം- സുനില് ദാസ്, മേക്കപ്പ്- റോണക്സ് സേവ്യര്, കോസ്റ്റ്യൂം ഡിസൈന്- ധന്യാ ബാലകൃഷ്ണന്, സ്റ്റില്സ്- അമല് സി. സദര്, ക്രിയേറ്റീവ് പ്രൊഡ്യൂസര്- ഡിപില്ദേവ്, എക്സിക്കുട്ടീവ് പ്രൊഡ്യൂസര്- ജുമാന ഷെരീഫ്, പ്രൊഡക്ഷന് എക്സിക്യൂട്ടീവ്സ്- ബിനു മണമ്പൂര്, പ്രവീണ് എടവണ്ണപ്പാറ, പ്രൊഡക്ഷന് കണ്ട്രോളര്- ദീപക് പരമേശ്വരന്.
മെയ് മാസത്തില് വേള്ഡ് റിലീസ്റ്റിനൊരുങ്ങുന്ന ഈ ചിത്രത്തിന്റെ നിര്മ്മാണ പ്രവര്ത്തനങ്ങള് പൂര്ത്തിയായി വരുന്നു.
ക്യൂബ്സ് എന്റെര്ടൈന്മെന്റ് ഈ ചിത്രം പ്രദര്ശനത്തിനെത്തിക്കുന്നു.
- വാഴൂര് ജോസ്.
Online PR - CinemaNewsAgency.Com
