CNA
കൊച്ചി:
കഴിഞ്ഞ പത്ത് പതിനഞ്ച് വര്‍ഷങ്ങളായി കര്‍ണാടകയിലെ ഒരുപാട് നിര്‍മ്മാതാകളുടെയും സംവിധായകരുടെയും ആഗ്രഹമാണ് കരാവലി (കറാവളി)
ഭാഗത്തെ ആരാധ്യ ദൈവമായ 'കാെറഗജ്ജ'യുടെ പശ്ചാത്തലത്തില്‍ ഒരു സിനിമ ചെയ്യണമെന്ന്.
'കാെറഗജ്ജ' എന്ന ടൈറ്റില്‍ ലഭിക്കുന്നതിനു വേണ്ടി ഫിലിം ചേംബറില്‍ സമര്‍പ്പിച്ച അപേക്ഷരുടെ നീണ്ട പട്ടിക തന്നെയുണ്ട്. അതു കൂടാതെ 'കാെറഗജ്ജ'നെ കുറിച്ചുള്ള രണ്ടു മൂന്ന് സിനിമകള്‍ പൂര്‍ത്തീകരിക്കാനാവാതെ നിന്നു പോയിട്ടുണ്ട്.
ഭാഗ്യവശാല്‍ ഇതിനിടയിലാണ് പ്രശസ്ത സാഹിത്യ അക്കാദമി അവാര്‍ഡ് ജേതാവായ സുധീര്‍ അത്താവാര്‍ സംവിധാനം ചെയ്ത 'കൊറഗജ്ജ' പ്രദര്‍ശനത്തിന് ഒരുങ്ങുന്നത്. ഇതോടെ കര്‍ണാടകയിലെ സിനിമാ പ്രേമികള്‍ ആകാംക്ഷയോടെ കാത്തിരിക്കുകയാണ്.
സക്‌സസ് ഫിലിംസ് ത്രിവിക്രമ സിനിമാസ് എന്നിവര്‍ ചേര്‍ന്ന് അവതരിപ്പിക്കുന്ന 'കാെറഗജ്ജ' എന്ന സിനിമ മലയാളം, തമിഴ്, തെലുഗു, തുളു, ഹിന്ദി എന്നീ
അഞ്ചു ഭാഷകളില്‍ പ്രദര്‍ശനത്തിനെത്തിക്കുന്നു. ചിത്രീകരണത്തി മുമ്പ് ടെലികോം മിനിസ്ട്രിയില്‍ ഉന്നത ഉദ്യോഗസ്ഥനായ സുധീര്‍ അത്താവാര്‍ തന്റെ ജോലി രാജി വെച്ചു. തുടര്‍ന്ന് ഒന്നര വര്‍ഷം, പന്ത്രണ്ടാം നൂറ്റാണ്ടില്‍ ജീവിച്ചിരുന്ന 'തനിയ' എന്ന ആദിവാസി യുവാവ് 'കാെറഗജ്ജ'നായി ദൈവികത്വം ലഭിച്ചതെങ്ങനെ എന്ന് പഠനം നടത്തി.
കേരളത്തിലെ മുത്തപ്പന്റെ കഥയുമായി കാെറഗജ്ജന്റെ കഥയുമായി സാമ്യമുണ്ടെന്ന് പറയപ്പെടുന്നു. മുത്തപ്പനും കൊറഗജ്ജനും ഒന്നാണെന്നും പറയുന്നവരുമുണ്ട്. ഏകദേശം ഒരേ കാലഘട്ടത്തില്‍ ജീവിച്ചിരുന്ന രണ്ടു പേരുടെയും ജീവിത കഥയ്ക്ക് നല്ല സാമ്യതയുണ്ട്. ഹോളിവുഡിലുംബോളിവുഡിലും പ്രശസ്ത അഭിനേതാവായ കബീര്‍ ബേദി, ഹോളിവുഡ്‌ബോളിവുഡിലും ഫ്രഞ്ച് സിനിമകളുടെ കാെറിയോഗ്രാഫറും യൂറോപ്യന്‍ ബാള്‍ ഡാന്‍സറുമായ സന്ദീപ് സോപര്‍ക്കര്‍, ബോളിവുഡിലെ പ്രശസ്തനായ നൃത്തസംവിധായകന്‍ ഗണേഷ് ആചാര്യ, കന്നട സിനിമയിലെ പ്രശസ്ത താരം ഭവ്യ, 'സ്വന്തം എന്ന് കരുതി' എന്ന സിനിമയിലൂടെ അരങ്ങേറ്റം കുറിച്ച് ശ്രദ്ധേയയായ നടി ശ്രുതി തുടങ്ങിയവര്‍ 'കാെറഗജ്ജാ' സിനിമയില്‍ പ്രധാന കഥാപാത്രങ്ങളെ അവതരിപ്പിക്കുന്നു.
ശ്രുതി മമ്മൂട്ടിക്കൊപ്പം 'ഒരാള്‍ മാത്രം' എന്ന ചിത്രത്തിലും ജയറാമിനൊപ്പം 'കൊട്ടാരം വീട്ടിലെ അപ്പൂട്ടന്‍' എന്ന സിനിമയിലും നായികയായി അഭിനയിച്ചിട്ടുണ്ട്.
അടൂര്‍ ഗോപാലകൃഷ്ണന്റെ 'വിധേയന്‍' എന്ന സിനിമയില്‍ അഭിനയിച്ച നവീന്‍ ഡി പടീല്‍ ഈ ചിത്രത്തില്‍ അഭിയയിക്കുന്നുണ്ട്.
കന്നട, തുളു ഭാഷകളിലെ പ്രശസ്ത നാടക അഭിനേതാവ് കൂടിയാണ് നവീന്‍.
പ്രശസ്ത സംഗീത സംവിധായകന്‍ ഗോപി സുന്ദര്‍ ഈ ചിത്രത്തില്‍ സംഗീതവും പശ്ചാത്തല സംഗീതവും ഒരുക്കുന്നു. എറണാകുളത്താണ് 'കൊറഗജ്ജാ'യുടെ പോസ്റ്റ് പ്രൊഡക്ഷന്‍ ജോലികള്‍ അധികവും നിര്‍വ്വഹിക്കുന്നത്. ശബ്ദമിശ്രണം മുംബൈയില്‍ പുരോഗമിക്കുന്നു.
മലയാളത്തിലെ പ്രശസ്ത ക്യാമറമാന്‍ മനോജ് പിള്ളയും പവന്‍ കുമാറും ചേര്‍ന്ന് ഛായാഗ്രഹണം നിര്‍വഹിക്കുന്നു.
പ്രശസ്ത വിഎഫ്എക്‌സ് ക്കാരായ ലവന്‍ കുശന്‍ ഗ്രാഫിക്‌സ് നിര്‍വ്വഹിക്കുന്നു.
കഴിഞ്ഞ മൂന്നു വര്‍ഷം തുടര്‍ച്ചയായി സംസ്ഥാന അവാര്‍ഡ് കരസ്ഥമാക്കിയ ലിജു പ്രഭാകറാണ് കളറിസ്റ്റ്. ജിത്‌ജോഷ്, വിദ്യാധര്‍ ഷെട്ടി എന്നിവര്‍ ചേര്‍ന്ന് എഡിറ്റിംഗ് നിര്‍വ്വഹിക്കുന്നു.
സൗണ്ട് ഡിസൈന്‍- ബിപിന്‍ ദേവ്.
ഇങ്ങനെ മലയാളസിനിമയിലെ പ്രഗല്‍ഭരായ ടെക്‌നീഷ്യന്മാരുടെ ആത്മാര്‍ത്ഥമായ ശ്രമങ്ങളും 'കൊറഗജ്ജാ'എന്ന ഈ സിനിമയുടെ പിന്നിലുണ്ട്.
അന്താരാഷ്ട്ര നിലയില്‍ പ്രശസ്തനായ സംവിധായകന്‍ എം. എസ് സത്യൂവിന്റെ ചിത്രങ്ങളില്‍ ഗാനരചയിതാവും, സഹസംവിധായകനുമായിരുന്ന സുധീര്‍ അത്താവാര്‍ ഇതിനോടകം മൂന്നു റേഡിയോ മിര്‍ച്ചി അവാര്‍ഡുകളും, ബിഗ്എഫ്. എം 92.7 അവാര്‍ഡും ഉള്‍പ്പെടെ നിരവധി അവാര്‍ഡുകളും കരസ്ഥമാക്കിയിട്ടുണ്ട്.
നാടകത്തിലായിരുന്നു കലാ ജീവിതത്തിന്റെ തുടക്കം. സുധീര്‍ അത്താവാറിന്റെ ' ഗുല്‍ എ ബകാവലി ' എന്ന നാടകം എട്ടാമത്തെ വേള്‍ഡ് തിയ്യേറ്റര്‍ ഒളിമ്പിക്‌സില്‍ പ്രദര്‍ശിപ്പിച്ചിട്ടുണ്ട്.
ഏതാനും ദിവസങ്ങള്‍ക്കു മുമ്പ് അന്താരാഷ്ട്ര ഫിലിം ഫെസ്റ്റിവലില്‍ മികച്ച സംവിധായകന്‍, മികച്ച ചിത്രം എന്നിവയ്ക്കുള്ള പുരസ്‌കാരം ബഹുമാനപ്പെട്ട മഹാരാഷ്ട്ര ഗവര്‍ണര്‍ രമേശ് ബയസ്, സുധീര്‍ അത്താവാറിന് നല്‍കി ആദരിച്ചു. രാജസ്ഥാന്‍ അന്താരാഷ്ട്ര ഫിലിം ഫെസ്റ്റിവലിലും മികച്ച സംവിധായകനുള്ള അവാര്‍ഡ് നേടിയിട്ടുണ്ട്. കൂടാതെ 'കൊറഗജ്ജാ'എന്ന ചിത്രത്തില്‍ കലാസംവിധായകനായും, കോസ്റ്റ്യൂം ആന്റ് മേക്കപ്പ് ഡിസൈനറായും സുധീര്‍ അത്താവാര്‍ പ്രവര്‍ത്തിച്ചിട്ടുണ്ട്.
ജനുവരിയില്‍ 'കൊറഗജ്ജാ' കേരളത്തിലും പ്രദര്‍ശനത്തിനെത്തുന്നു.
പി ആര്‍ ഒ- എ എസ് ദിനേശ്, വിവേക് വിനയരാജ്.
Online PR - CinemaNewsAgency.Com
