CNA
കൊച്ചി:
മലയാളത്തിന്റെ മഹാകവി വൈലോപ്പിള്ളി ശ്രീധരമേനോന്റെ ജന്മദിനമാണ് മെയ് 11.
1911 ന് എറണാകുളം ജില്ലയിലെ കലൂരില് ജനിച്ച അദ്ദേഹം മലയാളത്തിന്റെ ഇതിഹാസമായി മാറി. 'കുടിയൊഴിക്കല്', 'മാമ്പഴം', 'സഹ്യന്റെ മകന്', 'ഊഞ്ഞാലില്', 'കണ്ണീര്പ്പാടം', 'ഓണപ്പാട്ടുകാര്' തുടങ്ങി അനവധി മാസ്റ്റര്പീസുകള് മലയാളിക്ക് സമ്മാനിച്ച കവി ഇന്നും സാഹിത്യനഭസിലെ ശുക്രനക്ഷത്രം തന്നെയാണ്. മലയാളത്തില് പുതിയ കവിതകള് അനേകം എഴുതപ്പെടുന്ന കാലത്തും വൈലോപ്പിള്ളിയുടെ കവിതകള് വായനക്കാരുടെ ശ്രദ്ധ ആകര്ഷിക്കുകയും പഠനത്തിന് വിധേയമാകുകയും ചെയ്യുന്നു.
1958ല് പുറത്തിറങ്ങിയ വൈലോപ്പിള്ളിയുടെ സമാഹാരമായ 'കടല്ക്കാക്കകളി'ലെ ശ്രദ്ധേയമയായ കവിത 'കൃഷ്ണാഷ്ടമി' ഇപ്പോള് 'സിനിമയാകുന്നു. 'ആലോകം: Range of Vision', 'മായുന്നു, മാറിവരയുന്നു, നിശ്വാസങ്ങളില്...' (Dust Art Redrawn in Respiration) എന്നീ സ്വതന്ത്ര പരീക്ഷണ സിനിമകള് സംവിധാനം ചെയ്ത ഡോക്ടര് അഭിലാഷ് ബാബു ആണ് 'കൃഷ്ണാഷ്ടമി: the book of dry leaves' എന്ന പേരില് കവിതയുടെ ആധുനികകാല സിനിമാറ്റിക് വ്യാഖ്യാനം ഒരുക്കുന്നത്.
നഗരത്തില് അലഞ്ഞുതിരിഞ്ഞു നടന്ന ഒരു പറ്റം ആള്ക്കാരുടെ ജയില്വാസവും അവിടെ സന്തോഷവും സ്വൈര്യജീവിതവും കണ്ടെത്താനുള്ള അവരുടെ ശ്രമങ്ങളും ഒടുവില് അവരിലേക്ക് വന്നെത്തുന്ന ദുരന്തവും ആണ് സിനിമയുടെ പ്രമേയം.
പ്രസിദ്ധ സംവിധായകന് ജിയോ ബേബി മുഖ്യ വേഷത്തില് എത്തുന്ന സിനിമയില് ഓഡിഷനിലൂടെ തിരഞ്ഞെടുക്കപ്പെട്ട പുതുമുഖങ്ങളും അണിനിരക്കുന്നു.
വൈലോപ്പിള്ളിയുടെയും അഭിലാഷ് ബാബുവിന്റെയും വരികള്ക്ക് ഔസേപ്പച്ചന് ആണ് ഈണം പകരുന്നത്. പശ്ചാത്തല സംഗീതവും ഔസേപ്പച്ചന്റേതാണ്. ഔസേപ്പച്ചന് പുറമേ പി എസ് വിദ്യാധരന്, ജയരാജ് വാര്യര്, ഇന്ദുലേഖ വാര്യര്, സ്വര്ണ്ണ, അമല് ആന്റണി, ചാര്ളി ബഹറിന് എന്നിവരാണ് ഗായകര്.
പരീക്ഷണ, സ്വതന്ത്ര സിനിമയുടെ നിര്മ്മാണരീതികള് പിന്തുടരുന്ന സിനിമയുടെ ഒന്പത് ഷെഡ്യൂളുകളില് അഞ്ചെണ്ണം പൂര്ത്തിയായി. ഓഗസ്റ്റ് മാസത്തോടുകൂടി സിനിമ പ്രേക്ഷകര്ക്ക് മുന്നില് എത്തിക്കാനാകും എന്നാണ് പ്രതീക്ഷിക്കുന്നത് എന്ന് സംവിധായകന് ഡോക്ടര് അഭിലാഷ് ബാബു പറഞ്ഞു.
അമ്പലക്കര ഗ്ലോബല് ഫിലിംസ് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം ജിതിന് മാത്യു നിര്വ്വഹിക്കുന്നു.
എഡിറ്റിംഗ്, സൗണ്ട് ഡിസൈനിങ്- അനു ജോര്ജ്ജ്, സഹസംവിധാനം- അഭിജിത് ചിത്രകുമാര്, മഹേഷ് മധു, ഹരിദാസ് ഡി, പ്രോജക്ട് ഡിസൈനര്- ഷാജി എ ജോണ്, പ്രൊഡക്ഷന് ഡിസൈനര്- ദിലീപ് ദാസ്, പ്രൊഡക്ഷന് കണ്ട്രോളര്- ജയേഷ് എല് ആര്, പ്രൊഡക്ഷന് എക്സിക്യൂട്ടീവ്- ശ്രീജിത് വിശ്വനാഥന്,
മേക്കപ്പ്- ബിനു സത്യന്, കോസ്റ്റ്യൂം ഡിസൈനര്- അനന്തപത്മനാഭന്, ലൈവ് സൗണ്ട്- ഋഷിപ്രിയന്, പി ആര് ഒ- എ എസ് ദിനേശ്.
Online PR - CinemaNewsAgency.Com
