CNA
കൊച്ചി:
കലാഭവന്‍ മണി മെമ്മോറിയല്‍ അവാര്‍ഡ് കമ്മിറ്റിയുടെ മികച്ച നവാഗത സംവിധായകനുള്ള കലാഭവന്‍ മണി മെമ്മോറിയല്‍ അവാര്‍ഡ് 'ബറോസ്' എന്ന സിനിമയുടെ സംവിധായകന്‍ മോഹന്‍ലാലിന് ചലച്ചിത്ര നിര്‍മ്മാതാവും ജേസി ഫൗണ്ടേഷന്റെ ചെയര്‍മാനുമായ ശ്രീ. ജെ.ജെ. കുറ്റിക്കാട്ടും, ഭിന്നശേഷി വിഭാഗത്തിലെ സുന്ദരി പട്ടം കരസ്ഥമാക്കിയ കുമാരി അഫ്രിന്‍ ഫാത്തിമ്മയും ചേര്‍ന്ന് സമര്‍പ്പിച്ചു.
കൊച്ചിയില്‍ കാക്കനാട് വെച്ച് നടന്ന ചടങ്ങില്‍ കമ്മറ്റി ഭാരവാഹികളായ ഇസ്മയില്‍ കൊട്ടാരപ്പാട്ട്, ജോഷി എബ്രഹാം, ശ്രുതി എസ്. എന്നിവര്‍ പങ്കെടുത്തു.
ആറാമത്തെ കലാഭവന്‍ മണി മെമ്മോറിയല്‍ അവാര്‍ഡ് സമര്‍പ്പണ പരിപാടിയായിരുന്നു ഇത്.
മോഹന്‍ലാല്‍ ആദ്യമായി സംവിധാനം ചെയ്ത 'ബറോസ്' എന്ന സിനിമ കണ്ട കുട്ടികളില്‍ നിന്ന് തിരഞ്ഞെടുത്ത അഫ്രിന്‍ ഫാത്തിമമ്മ അദ്ദേഹത്തിന് അവാര്‍ഡ് സമര്‍പ്പിക്കുവാന്‍ കഴിഞ്ഞതില്‍ സന്തോഷം പ്രകടിപ്പിച്ചു.
ഭിന്നശേഷിയില്‍ പെട്ട കുട്ടികളെ മുന്‍പന്തിയിലേക്ക് കൊണ്ടുവരിക എന്നത് കലാഭവന്‍ മണിയുടെ സ്വപ്നമായിരുന്നു അതിന്റെ തുടക്കമാണ് ഇതന്നും കമ്മറ്റി ഭാരവാഹികള്‍ പറഞ്ഞു.
