CNA
കൊച്ചി:
പ്രതാപം കൊണ്ടും സമ്പത്തു കൊണ്ടും മധ്യതിരുവതാം കൂറിലെ പ്രത്യേകിച്ചും മീനച്ചില് താലൂക്കില് നിറഞ്ഞു നിന്ന ഒരു വ്യക്തിയാണ് കടുവാക്കുന്നേല് കുറുവച്ചന്.
പഴയ തലമുറക്കാര് കുറുവച്ചനെ സ്തുതിക്കുകയും, വാഴ്ത്തുകയും ചെയ്യുമ്പോള് പുതുതലമുറക്കാര്ക്ക് കുറുവച്ചന് റോള് മോഡലാണ്.
ഈ കഥാപാത്രത്തെ കേന്ദ്ര കഥാപാത്രമാക്കി ഗോകുലം മൂവീസിന്റെ ബാനറില് ശ്രീഗോകുലം ഗോപാലന് നിര്മ്മിക്കുന്ന ചിത്രമാണ് 'ഒറ്റക്കൊമ്പന്'.
നവാഗതനായ മാത്യൂസ് തോമസ് സംവിധാനം ചെയ്യുന്ന ഈ ചിത്രത്തിന്റെ ഫസ്റ്റ് ലുക്ക് ഈസ്റ്റര് ദിനത്തില് പുറത്തുവിട്ടിരിക്കുന്നു.
സുരേഷ് ഗോപിയാണ് കടുവാക്കുന്നേല് കുറുവച്ചനെ ഭദ്രമാക്കു അത്.
നീണ്ട കുരിശുള്ള ഒരു ചെയിന് വായ്ക്കുള്ളില് അമര്ത്തിപ്പിടിച്ചുള്ള ലുക്കിലാണ് കുറുവച്ചന്റെ ആദ്യ ലുക്ക് എത്തിയിരിക്കുന്നത്.
Though I fall.....will Rise again (വീണു പോയാലും ഞാന് വീണ്ടും ഉയര്ത്തെഴുന്നേല്ക്കും.) വിശുദ്ധ ബൈബിളിലെ മിഖായേലിന്റെ ഒരു വാക്യമാണിത്. ഈ ടാഗ് ലൈനോടെയാണ് ഫസ്റ്റ് ലുക്ക് പ്രകാശനം ചെയ്തിരിക്കുന്നത്.
ഒരുപാട് അര്ത്ഥങ്ങള് ഈ വാക്യത്തിനു പുറകിലുണ്ട്. ഈ ഉയര്ത്തെഴുന്നേല്പ്പിനിടയിലെ സംഭവങ്ങളാഞ്ഞ് വലിയ സംഘര്ഷഭരിതമായി ഈ ചിത്രത്തിലൂടെ അവതരിപ്പിക്കുന്നത്. വലിയ താരനിര, വലിയ മുതല്മുടക്കില് ഒരുങ്ങുന്നതാണ് ഈ ചിത്രം.
ചിത്രത്തിന്റെ ഫൈനല് ഷെഡ്യൂള് ചിത്രീകരണം നടന്നു വരുന്നു.
കാലഘട്ടത്തിന്റെ മാറ്റങ്ങള്ക്കൊപ്പം നിന്നുകൊണ്ടാണ് ഈ ചിത്രത്തിന്റെ അവതരണം.
മാസ് ആക്ഷന് ജോണറില് അവതരിപ്പിക്കുന്ന ഈ ചിത്രത്തിലെ നായിക അഭിനയയാണ്.
ഇന്ദ്രജിത്ത് സുകുമാരന്, വിജയരാഘവന്, ലാലു അലക്സ്, ലാല്, കബീര് ദുഹാന് സിംഗ്, ചെമ്പന് വിനോദ്, ജോണി ആന്റണി, ബിജു പപ്പന്, മാര്ട്ടിന് മുരുകന്, ജിബിന് ഗോപി, സുശീല് കുമാര്, പൂജപ്പുര രാധാകൃഷ്ണന്, മേഘനാ രാജ് എന്നിവവരും ഈ ചിത്രത്തിലെ പ്രധാന താരങ്ങളാണ്.
ഇവര്ക്കു പുറമേ നിരവധി പ്രമുഖ താരങ്ങളും അണിനിരക്കുന്നുണ്ട്. എഴുപതില് അധികം അഭിനേതാക്കള് ഈ ചിത്രത്തില് അഭിനയിക്കുന്നു.
രചന- ഷിബിന് ഫ്രാന്സിസ്, ഗാനങ്ങള്- വയലാര് ശരത് ചന്ദ്രന്, സംഗീതം- ഹര്ഷ വര്ദ്ധന് രാമേശ്വര്, ഛായാഗ്രഹണം- ഷാജികുമാര്, എഡിറ്റിംഗ്- ഷഫീഖ് വി. ബി., കലാസംവിധാനം- ഗോകുല് ദാസ്, മേക്കപ്പ്- റോണക്സ് സേവ്യര്, കോസ്റ്റ്യൂം ഡിസൈന്- അനീഷ് തൊടുപുഴ, കാസ്റ്റിംഗ് ഡയറക്ടര്- ബിനോയ് നമ്പാല,
ചീഫ് അസ്സോസ്സിയേറ്റ് ഡയറക്ടര്- കെ.ജെ. വിനയന്, ദീപക് നാരായണ്, കോപ്രൊഡ്യൂസേഴ്സ്- വി.സി. പ്രവീണ്, ബൈജു ഗോപാലന്, എക്സിക്കുട്ടീവ് പ്രൊഡ്യൂസര്- കൃഷ്ണമൂര്ത്തി, പ്രൊഡക്ഷന് മാനേജര്- പ്രഭാകരന് കാസര്കോഡ്, പ്രൊഡക്ഷന് എക്സിക്കുട്ടീവ്സ്- നന്ദു പൊതുവാള്, ബാബു രാജ്മനിശ്ശേരി,
പ്രൊഡക്ഷന് കണ്ട്രോളര്- സിദ്ദു പനക്കല്, സ്റ്റില്സ്- റോഷന്.
തിരുവനന്തപുരം, കോട്ടയം, പാലാ, ഈരാറ്റുപേട്ട, ഹോങ്കോംങ്ങ് എന്നിവിടങ്ങളിലായി ചിത്രീകരണം പൂര്ത്തിയാകും.
- വാഴൂര് ജോസ്.
Online PR - CinemaNewsAgency.Com
