CNA
കൊച്ചി:
യുവതാരം ആന്റണി വര്‍ഗീസും മലയാളിയും ദേശീയ അവാര്‍ഡ് ജേതാവുമായ തെന്നിന്ത്യന്‍ നായികതാരം കീര്‍ത്തി സുരേഷും ആദ്യമായി ഒരു ചിത്രത്തിനായി ഒന്നിക്കുന്നു.
ഋഷി ശിവകുമാര്‍ സംവിധാനം ചെയ്യുന്ന ഈ ചിത്രം നിര്‍മ്മിക്കുന്നത് ഫസ്റ്റ് പേജ് പ്രൊഡക്ഷന്സ്, എ വി എ പ്രൊഡക്ഷന്സ്, മാര്‍ഗ എന്റെര്‍റ്റൈനെര്‍സ് എന്നിവയുടെ ബാനറില്‍ മോനു പഴേടത്ത്, എ വി അനൂപ്, നോവല്‍ വിന്ധ്യന്‍, സിമ്മി രാജീവന്‍ എന്നിവര്‍ ചേര്‍ന്നാണ്.
ചിത്രത്തിന്റെ കൂടുതല്‍ വിവരങ്ങള്‍ വൈകാതെ പുറത്തു വരും. പ്രോജക്ട് സൈനിങ് വീഡിയോ ആണ് ഇപ്പോള്‍ പുറത്തു വിട്ടിരിക്കുന്നത്.
'Action Meets Beatuy' എന്ന കുറിപ്പോടെയാണ് ഈ വീഡിയോ പങ്ക് വെച്ചിരിക്കുന്നത്.
ആക്ഷന് ചിത്രങ്ങളിലൂടെ മലയാളി പ്രേക്ഷകരുടെ ഹരമായി മാറിയ ആന്റണി വര്‍ഗീസ് കീര്‍ത്തി സുരേഷിനൊപ്പം ഒന്നിക്കുന്ന ഈ പുതിയ ചിത്രവും ആക്ഷന് പ്രാധാന്യം ഉള്ളതാവുമെന്ന സൂചനയാണ് ലഭിക്കുന്നത്.
തമിഴ്, തെലുങ്ക് ചിത്രങ്ങളില്‍ തിരക്കേറിയ താരമായ കീര്‍ത്തി സുരേഷ്, ഒരു ചെറിയ ഇടവേളക്ക് ശേഷം മലയാളത്തിലേക്ക് തിരിച്ചെത്തുന്ന ചിത്രം കൂടിയാണിത്.
മറ്റ് അണിയറ പ്രവര്‍ത്തകരുടെ വിവരങ്ങള്‍ വൈകാതെ പുറത്ത് വിടും എന്നാണ് സൂചനകള്‍. ഡിജിറ്റല്‍ മാര്‍ക്കറ്റിംഗ്- വിവേക് വിനയരാജ്, പിആര്‍ഒ- വൈശാഖ് സി വടക്കേവീട്, ജിനു അനില്‍കുമാര്‍, പി ആര്‍ കണ്‍സല്‍ട്ടന്റ് ആന്‍ഡ് സ്ട്രാറ്റജി- ലക്ഷ്മി പ്രേംകുമാര്‍.
Online PR - CinemaNewsAgency.Com
