CNA
കൊച്ചി:
സുകേഷ് ഷെട്ടി സംവിധാനം ചെയ്ത്, രവി ഹീരേമത്തും രാകേഷ് ഹെഗ്ഗഡെയും ചേര്ന്ന് വൃദ്ധി സ്റ്റുഡിയോസിന്റെ ബാനറില് നിര്മിക്കുന്ന 'പീറ്റര്' ടീസര് റിലീസായി. രാജേഷ് ധ്രുവ നായകനായി എത്തുന്ന ചിത്രം ഒരു സസ്പെന്സ് ത്രില്ലര് ആയാണ് ഒരുക്കിയിരിക്കുന്നത്.
'ദൂരദര്ശന' എന്ന ശ്രദ്ധേയ ചിത്രത്തിന് ശേഷം സുകേഷ് ഷെട്ടി സംവിധാനം ചെയ്ത ഈ ചിത്രത്തില് രവിക്ഷ, ജാന്വി റായല എന്നിവരാണ് പ്രധാന സ്ത്രീ കഥാപാത്രങ്ങളെ അവതരിപ്പിച്ചിരിക്കുന്നത്. ആക്ഷനും ശക്തമായ ഇമോഷനും മിസ്റ്ററിയും കോര്ത്തിണക്കിയാണ് ചിത്രം ഒരുക്കിയിരിക്കുന്നതെന്ന് ടീസര് സൂചിപ്പിക്കുന്നു.
വളരെ നിഗൂഢമായ ഒരു കഥാപശ്ചാത്തലമുള്ള ഈ ചിത്രത്തിലെ കഥാപാത്രങ്ങളും ഏറെ നിഗൂഢതകള് നിറഞ്ഞതാണെന്നും ടീസറിലൂടെ സൂചന നല്കുന്നു. 30 ദിവസങ്ങള് കൊണ്ട് മടിക്കേരിയിലും ചുറ്റുപാടുകളിലും ചിത്രീകരിച്ച ഈ ചിത്രം പരമ്പരാഗത കലാരൂപമായ സിംഗാരി മേളയെ ചുറ്റിപ്പറ്റിയാണ് കഥ പറയുന്നത്.
പ്രേക്ഷകരെ മുള്മുനയില് നിര്ത്തുന്ന ഒരു സെന്സിറ്റീവ് ക്രൈം ത്രില്ലര് ആയ ചിത്രം, അതിനൊപ്പം തന്നെ എല്ലാത്തരം വിനോദ ഘടകങ്ങളും കോര്ത്തിണക്കിയ, വൈകാരികമായ ആഴമുള്ള ഒരു കഥ കൂടിയാണ് പറയുന്നത്. മടിക്കേരിയുടെയും ഭാഗമണ്ഡലത്തിന്റെയും നാടന് സൗന്ദര്യത്തിന് നടുവില് ആണ് ചിത്രം ഒരുക്കിയിരിക്കുന്നത്.
ചിത്രത്തിലെ ഒരു ഗാനം നേരത്തെ പുറത്തു വരികയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. 'സുന്ദരി സുന്ദരി' എന്ന വരികളോടെ റിലീസ് ചെയ്ത ചിത്രത്തിലെ ആദ്യ ഗാനത്തില് രാജേഷ് ധ്രുവ, രവിക്ഷ എന്നിവര് അവതരിപ്പിക്കുന്ന കേന്ദ്ര കഥാപാത്രങ്ങളുടെ പ്രണയനിമിഷങ്ങള് ആണ് അവതരിപ്പിച്ചത്. ഋത്വിക് മുരളീധര് ആണ് ഈ ഗാനത്തിന് ഈണം പകര്ന്നത്.
പ്രണയം, പ്രതികാരം, വഞ്ചന, അതിജീവനം, അപ്രതീക്ഷിത ബന്ധങ്ങള് എന്നിവയാല് രൂപപ്പെട്ട, പീറ്റര് എന്ന കഥാപാത്രത്തിന്റെ വൈകാരികമായ യാത്രയാണ് ഈ ചിത്രത്തിലൂടെ അവതരിപ്പിക്കുന്നത്. കന്നഡ, തമിഴ്, മലയാളം ഭാഷകളില് റിലീസിന് ഒരുങ്ങുന്ന ചിത്രം രചിച്ചതും സംവിധായകന് സുകേഷ് ഷെട്ടിയാണ്. പ്രതിമ നായക്, റാം നാദഗൗഡ്, വരുണ് പട്ടേല്, രഘു പാണ്ഡേശ്വര്, രാധാകൃഷ്ണ കുംബ്ലെ, ദീന പൂജാരി, സിദ്ദു, ഭരത്, മനു കാസര്ഗോഡ്, രക്ഷിത് ദൊഡ്ഡേര എന്നിവരാണ് ചിത്രത്തിലെ മറ്റ് പ്രധാന താരങ്ങള്.
ഛായാഗ്രഹണം- ഗുരുപ്രസാദ് നര്നാഡ്, എഡിറ്റര്- നവീന് ഷെട്ടി, സംഗീതം- ഋത്വിക് മുരളീധര്, കല- ഡി കെ നായക്, ഡബ്ബിംഗ്- ആനന്ദ് വി, എസ്, വരികള്- തിലക്രാജ് ത്രിവിക്രമ, നാഗാര്ജുന് ശര്മ്മ, സുകീര്ത്ത് ഷെട്ടി, ഡയലോഗ്- രാജശേഖര്, കോസ്റ്റ്യൂം- ദയാനന്ദ ഭദ്രവതി, മേക്കപ്പ്- ചന്ദ്രു, DI- കളര് പ്ലാനറ്റ് VFX, സ്റ്റണ്ട്- സാജിദ് വജീര്, വിനീഷ്, അസോസിയേറ്റ് ഡയറക്ടര്- വിനോദ് ക്ഷത്രിയ, ഡയറക്ഷന് ടീം- കാര്ത്തിക്, സതീഷ്, അഭി എം, ചീഫ് അസോസിയേറ്റ് ഡയറക്ടര്- ദയാനന്ദ ഭണ്ഡാരി, VFX- പോപ്കോണ് VFX, എക്സിക്യൂട്ടീവ് പ്രൊഡ്യൂസര്- നവീന് കാഞ്ചന്, ലൈന് പ്രൊഡ്യൂസര്- രാം നടഗൗഡ്, പബ്ലിസിറ്റി ഡിസൈന്- അഭിഷേക്, പിആര്ഒ- ശബരി.
Online PR - CinemaNewsAgency.Com