CNA
ദുബായ് :
എ. ബി. ബിനില്‍ തിരക്കഥ രചിച്ച് സംവിധാനം ചെയ്യുന്ന 'പൊങ്കാല' എന്ന ചിത്രത്തിന്റെ ഏറ്റവും പുതിയ ഗാനം ദുബായില്‍ നടന്ന ചടങ്ങിലൂടെ പ്രകാശനം ചെയ്തു.
ബി.കെ. ഹരിനാരായണന്‍ രചിച്ച്, രഞ്ജിന്‍ രാജ് ഈണമിട്ട ഈ ഗാനം സോഷ്യല്‍ മീഡിയായിലൂടെ തരംഗമായി മാറിയ ഹനാന്‍ഷായാണ് ആലപിച്ചിരിക്കുന്നത്.
'പള്ളത്തി മീന്‍പോലെ...' എന്നു തുടങ്ങുന്ന ഗാനമായിരുന്നു ഇവിടെ പ്രകാശനം ചെയ്തത്.
ദുബായ് എത്തിസലാത്ത് അക്കാദമിയില്‍ നടന്ന ചടങ്ങിലാണ് പ്രേഷകര്‍ക്ക് ഏറെ ഹരം നല്‍കി ക്കൊണ്ട് ഹനാന്‍ ഷാ ലൈവ് പാടിക്കൊണ്ട് ഈ ഗാനം പുറത്തുവിട്ടത്.
ചിത്രത്തിലെ നായിക യാമി സോന, അഭിനേതാക്കളായ സൂര്യ കൃഷ്, ഇന്ദ്രജിത്ത് ജഗജിത് എന്നിവരും സംഘാംഗങ്ങളും പങ്കെടുത്ത നൃത്താവിഷ്‌ക്കാര
ത്തോടെയായിരുന്നു ഈ ഗാനത്തിന്റെ ലോഞ്ചിംഗ്.
ഏറെ പുതുമയും കാതുകവും നല്‍കുന്നതായിരുന്നു ഈ ഗാനാവിഷ്‌ക്കരണവും.
ചിത്രത്തിന്റെ സംവിധായകന്‍, എ. ബി. ബിനില്‍, സംഗീത സംവിധായകന്‍ രഞ്ജിന്‍ രാജ്, പ്രശസ്ത ഗായിക മിന്‍മിനി, നിര്‍മ്മാതാക്കളായ ദീപു ബോസ്, അനില്‍ പിള്ള, ജഗജിത് എന്നിവരും ചടങ്ങില്‍ പങ്കെടുക്കുകയുണ്ടായി.
ഗ്ലോബല്‍ പിക്‌ച്ചേര്‍സ് എന്റെര്‍ടൈന്‍മെന്റിന്റെ ബാനറില്‍ ദീപു ബോസ്, അനില്‍ പിള്ള, എന്നിവരാണ് ഈ ചിത്രം നിര്‍മ്മിക്കുന്നത്.
ഒരു ഹാര്‍ബറിന്റെ പശ്ചാത്തലത്തില്‍ പൂര്‍ണ്ണമായും ആക്ഷന്‍ മൂഡില്‍ അവതരിപ്പിക്കുന്ന ഈ ചിത്രത്തില്‍ ശ്രീനാഥ് ഭാസി കേന്ദ്ര കഥാപാത്രത്തെ അവതരിപ്പിക്കുന്നു.
ശ്രീനാഥ് ഭാസി ആക്ഷന്‍ ഹീറോ ആകുന്ന ആദ്യ ചിത്രം കൂടിയാണിത്.
ബാബുരാജ്, അലന്‍സിയര്‍, സുധീര്‍ കരമന, കിച്ചു ടെല്ലസ്, സോഹന്‍ സീനുലാല്‍, മാര്‍ട്ടിന്‍മുരുകന്‍, സമ്പത്ത് റാം, രേണു സുന്ദര്‍, ജീമോന്‍ ജോര്‍ജ്, സ്മിനു സിജോ, ശാന്തകുമാരി എന്നിവരും പ്രധാന വേഷങ്ങളിലെത്തുന്നു.
ഛായാഗ്രഹണം- ജാക്‌സണ്‍ ജോണ്‍സണ്‍, എഡിറ്റിംഗ്- അജാസ്, പ്രൊഡക്ഷന്‍ കണ്‍ട്രോളര്‍- സെവന്‍ ആര്‍ട്ട്‌സ് മോഹന്‍.
നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായിവരുന്ന ഈ ചിത്രം ഡിസംബര്‍ അഞ്ചിന് പ്രദര്‍ശനത്തിനെത്തുന്നു.
- വാഴൂര്‍ ജോസ്.
Online PR - CinemaNewsAgency.Com
