CNA
വടകര:
ആക്ഷന്‍ കിംഗ് ബാബു ആന്റണി, ഇന്ദ്രന്‍സ്, ഹേമന്ത് മേനോന്‍, ജാഫര്‍ ഇടുക്കി, ജോമോന്‍ ജോഷി, സോഷ്യല്‍ മീഡിയ താരം ദാസേട്ടന്‍ കോഴിക്കോട് തുടങ്ങിയവരെ പ്രധാന കഥാപാത്രങ്ങളാക്കി സീമന്ത് ഉളിയില്‍ സംവിധാനം ചെയ്യുന്ന 'പ്രതി'എന്ന ചിത്രത്തിന്റെ പൂജ കോഴിക്കോട് നെക്‌സ്‌റ്റേ കസബ ഇന്‍ ഹോട്ടലില്‍ വച്ച് നടന്നു.
മൂവി ബോംബ് ഫിലിംസിന്റെ ബാനറില്‍ സാജിദ് വടകര, സീമന്ത് ഉളിയില്‍ എന്നിവര്‍ ചേര്‍ന്ന് നിര്‍മ്മിക്കുന്ന ഈ ചിത്രത്തിന്റെ പൂജാ ചടങ്ങില്‍ ചലച്ചിത്ര രംഗത്തെ പ്രമുഖര്‍ പങ്കെടുത്തു.
ഒരുപാട് സസ്‌പെന്‍സുകളിലൂടെ ദൃശ്യവല്‍ക്കരിക്കുന്ന 'പ്രതി' എന്ന ത്രില്ലര്‍ ചിത്രത്തിന്റെ ചിത്രീകരണം വടകരയില്‍ ജനുവരിയില്‍ ആരംഭിക്കും.
നിരവധി പുതുമുഖങ്ങളും അണിനിരക്കുന്ന ഈ പ്രശസ്തരായ സാങ്കേതിക പ്രവര്‍ത്തകരും സഹകരിക്കുന്നു.
കോപ്രൊഡ്യൂസര്- ഷാജന്‍ കുന്നംകുളം, പി ആര്‍ ഒ- എ എസ് ദിനേശ്, മനു ശിവന്‍.
Online PR - CinemaNewsAgency.Com
