CNA
കൊച്ചി:
ചീങ്കല്ലേല് ഫിലിംസിന്റെ ബാനറില് ജോസ് കൂട്ടക്കര നിര്മ്മിച്ച് സുരേന്ദ്രന് പയ്യാനക്കല് തിരക്കഥ എഴുതി സംവിധാനം ചെയ്യുന്ന 'പുഷ്പാംഗദന്റെ ഒന്നാം സ്വയംവരം' എന്ന ചിത്രത്തിന്റെ ഒഫീഷ്യല് ട്രെയിലര്, പ്രശസ്ത താരം സുധീഷ് തന്റെ സോഷ്യല് മീഡിയ പ്ലാറ്റ്ഫോമിലൂടെ റിലീസ് ചെയ്തു.
ഒരു കല്യാണ വീട്ടില് നടക്കുന്ന മനോഹരമായ രസക്കാഴ്ചകളും അതോടൊപ്പം തന്നെ അല്പം നൊമ്പരം ഉണര്ത്തുന്ന ജീവിതത്തിന്റെ നേര്ക്കാഴ്ചകളുമാണ് ട്രെയിലറില് കാണുന്നത്.
വയനാട്ടിലെ കാപ്പി കര്ഷകനും ഫ്ളോര്മില് ഉടമസ്ഥനുമായ നാല്പത് കഴിഞ്ഞ പുഷ്പാംഗദന്റെ ഏറേ നാളത്തെ വിവാഹാലോചനകള്ക്കു ശേഷം ഒടുവില് സുന്ദരിയായ ഒരു പെണ്കുട്ടിയെ കണ്ടെത്തുന്നു.
വിവാഹത്തിനായുള്ള ഒരുക്കങ്ങള് തകൃതിയായി നടന്നുകൊണ്ടിരിക്കുമ്പോള് കല്യാണത്തലേന്ന് പുഷ്പാംഗദന്റെ മൂന്ന് അമ്മാവന്മാരും അവരുടെ കുടുംബാംഗങ്ങളും മറ്റു ബന്ധുക്കളും എത്തുന്നു. തുടര്ന്നുണ്ടാവുന്ന സംഭവബഹുലമായ നര്മ്മ മുഹൂര്ത്തങ്ങളാണ് ഈ ചിത്രത്തില് ദൃശ്യവത്കരിക്കുന്നത്.
കോമഡി റൊമാന്റിക് ജോണറില് വയനാടിന്റെ പശ്ചാത്തലത്തില് പൂര്ണമായും ചിത്രീകരിച്ച ഈ സിനിമയില് ഉണ്ണിരാജ, സി.എം ജോസ് എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
ഗിനീഷ് ഗോവിന്ദ്, രമേഷ് കാപ്പാട്, റോയ് പുനലൂര്, സുരേഷ് മഞ്ഞപ്പാലം, ഷിജിത്ത് മണവാളന്, ജലജാ റാണി, നിധിഷ കണ്ണൂര്, നിമിഷ ബിജോ, കൃഷ്ണപ്രിയ, വിലു ജനാര്ദ്ദനന്, പ്യാരിജാന്, കൃഷ്ണ ബാലുശ്ശേരി, ഷെറിന് തോമസ്, റീന തുടങ്ങിയവരാണ് മറ്റു നടീനടന്മാര്.
അഷ്റഫ് പാലാഴി ഛായാഗ്രഹണവും എഡിറ്റിംഗും നിര്വ്വഹിക്കുന്നു.
ഗിരീഷ് ആമ്പ്ര, അഡ്വക്കേറ്റ് ശ്രീരഞ്ജിനി എന്നിവര് എഴുതിയ വരികള്ക്ക് ശ്രീജിത്ത് റാം സംഗീതം പകര്ന്നു. രാജേഷ്, നിഷാദ്, അമല റോസ് ഡൊമിനിക് എന്നിവരാണ് ഗായകര്.
പ്രൊഡക്ഷന് കണ്ട്രോളര്- രൂപേഷ് വെങ്ങളം, ആര്ട്ട്- വിനയന് വള്ളിക്കുന്ന്, മേക്കപ്പ്- പ്യാരി ജാന് പാരിസ് മേക്ക് ഓവര്, കോസ്റ്റ്യൂം ഡിസൈനര്- രാജന് തടായില്, അസ്സോസിയേറ്റ് ഡയറക്ടര്- ഹാഷിം സക്കീര് നീലാടന്, രാഹുല് ആര് ടി പി, പശ്ചാത്തല സംഗീതം- ശ്രീജിത്ത് റാം, പ്രൊഡക്ഷന് മാനേജര്- രാജീവ് ചേമഞ്ചേരി, വിഷ്ണു ഒ.കെ, സ്റ്റുഡിയോ- മലയില് ഫിലിം സ്റ്റുഡിയോ എറണാകുളം, സ്റ്റില്സ്- കൃഷ്ണദാസ് വളയനാട്, ഡിസൈന്സ്- സുജിബാല്, വിതരണം-മൂവി മാര്ക്ക് റിലീസ്.
ജനുവരി പതിനാറിന് 'പുഷ്പാംഗദന്റെ ഒന്നാം സ്വയംവരം' പ്രദര്ശനത്തിനെത്തുന്നു.
പി ആര് ഒ- എ എസ് ദിനേശ്, മനു ശിവന്.
Online PR - CinemaNewsAgency.Com
