CNA
കൊച്ചി:
ഐ.ടി. പശ്ചാത്തലത്തില്‍ ഒരുക്കുന്ന ഹ്യൂമര്‍, ആക്ഷന്‍ അഡ്വഞ്ചര്‍ മൂവിയായ സാഹസം എന്ന ചിത്രത്തിന്റെ ചിത്രീകരണം ജനുവരി മുപ്പതിന് ആരംഭിച്ചു.
21 ഗ്രാം, ഫിനിക്‌സ് എന്നീ ചിത്രങ്ങളിലൂടെ ശ്രദ്ധേയമായ ഫ്രണ്ട് റോ പ്രൊഡക്ഷന്‍സിന്റെ ബാനറില്‍ റിനീഷ് കെ.എന്‍. നിര്‍മ്മിക്കുന്ന ഈ ചിത്രം ബിബിന്‍ കൃഷ്ണയാണ് തിരക്കഥ രചിച്ച് സംവിധാനം ചെയ്യുന്നത്.
നരേന്‍, വര്‍ഷാ രമേഷ്, അജു വര്‍ഗീസ് എന്നിവര്‍ പങ്കെടുക്കുന്ന ഒരു രംഗത്തോടെയായിരുന്നു ചിത്രീകരണമാരംഭിച്ചത്.
സണ്ണി വെയ്‌നും ബാബു ആന്റണിയുമാണ് ഈ ചിത്രത്തിലെ മറ്റു രണ്ടു പ്രധാന താരങ്ങള്‍. അജു വര്‍ഗീസ് ഈ ചിത്രത്തിലെ നിര്‍ണ്ണായകമായ ഒരു കഥാപാത്രത്തെ അവതരിപ്പിക്കുന്നു.
പുതിയ തലമുറയുടെ കാഴ്ച്ചപ്പാടുകള്‍ക്കൊപ്പം നൂതനമായ ഒരു പ്രമേയത്തിനാണ് ബിബിന്‍ കൃഷ്ണ ചലച്ചിത്രാവിഷ് ക്കാരണം നടത്തുന്നത്.
ഫ്രണ്ട് റോ പ്രൊഡക്ഷന്‍സിന്റെ കഴിഞ്ഞ രണ്ടു ചിത്രങ്ങളും പ്രേക്ഷകര്‍ക്ക് പുതിയ ദൃശ്യാനുഭവം നല്‍കിയതാണ്. ഈ ചിത്രവും അതു നിലനിര്‍ത്തുവാനുള്ള ശ്രമത്തിലാണെന്ന് നിര്‍മ്മാതാവ് റിനീഷ് വ്യക്തമാക്കി.
ബൈജു സന്തോഷ്, ഭഗത് മാനുവല്‍, ശബരീഷ് വര്‍മ്മ, യോഗി ജാപി, സജിന്‍ ചെറുകയില്‍, ടെസ്സ ജോസഫ്, ജീവാ ജോസഫ് എന്നിവരും പ്രധാന വേഷങ്ങളിലെത്തുന്നു.
തിരക്കഥ, സംഭാഷണം- ബിബിന്‍ കൃഷ്ണ, യദു കൃഷ്ണ, ദയാ കുമാര്‍, ഗാനങ്ങള്‍- വിനായക് ശശികുമാര്‍, വൈശാഖ് സുഗുണന്‍.
സംഗീതം- ബിബിന്‍ അശോക്, ഛായാഗ്രഹണം- ആല്‍ബി, എഡിറ്റിംഗ്- കിരണ്‍ ദാസ്, കലാസംവിധാനം- സുനില്‍ കുമാരന്‍, മേക്കപ്പ്- സുധി കട്ടപ്പന,
കോസ്സ്റ്റിയൂം ഡിസൈന്‍- അരുണ്‍ മനോഹര്‍, നിശ്ചല ഛായാഗ്രഹണം- ഷൈന്‍ ചെട്ടികുളങ്ങര, ചീഫ് അസ്സോസ്സിയേറ്റ് ഡയറക്ടര്‍- പാര്‍ത്ഥന്‍, അസ്സോസ്സിയേറ്റ് ഡയറക്ടര്‍- നിധീഷ് നമ്പ്യാര്‍, ഫൈനല്‍ മിക്‌സ്- വിഷ്ണു പി.സി., ആക്ഷന്‍- ഫീനിക്‌സ് പ്രഭു, ഡിസ്ട്രിബ്യൂഷന്‍ ഹെഡ്- പ്രദീപ് മേനോന്‍, എക്‌സിക്കുട്ടീവ് പ്രൊഡ്യൂസേര്‍സ്- ഷിനോജ് ഒണ്ടയില്‍, രഞ്ജിത് ഭാസ്‌ക്കരന്‍, പ്രൊഡക്ഷന്‍ എക്‌സിക്കുട്ടീവ്‌സ്- ജിതേഷ് അഞ്ചുമന, ആന്റണി കുട്ടമ്പുഴ.
പ്രൊഡക്ഷന്‍ കണ്‍ട്രോളര്‍- ഷിഹാബ് വെണ്ണല.
ഈ ചിത്രത്തിന്റെ ചിത്രീകരണം കൊച്ചിയിലും തൊടുപുഴയിലുമായി പൂര്‍ത്തിയാകും.
സ്‌പൈര്‍ പ്രൊഡക്ഷന്‍സ് ഈ ചിത്രം പ്രദര്‍ശനത്തിനെത്തിക്കുന്നു.
- വാഴൂര്‍ ജോസ്.
Online PR - CinemaNewsAgency.Com
