CNA
തൊടുപുഴ:
പ്രശസ്ത സിനിമ സ്റ്റില് ഫോട്ടോഗ്രാഫര് മോഹന് സുരഭി സംവിധാനം ചെയ്യുന്ന സബ് ഇന്സ്പെക്ടറുടെ തൊപ്പി എന്ന ഹൃസ്വ ചിത്രത്തിന്റെ ചിത്രീകരണം തൊടുപുഴയില് ആരംഭിച്ചു.
സിനിമ രംഗത്തെ പ്രശസ്ത പ്രൊഡക്ഷന് കണ്ട്രോളര് ഡിക്സന് പൊടുത്താസ് സബ് ഇന്സ്പെക്ടറായി ഈ ചിത്രത്തില് കേന്ദ്രകഥാപാത്രത്തെ അവതരിപ്പിക്കുന്നു.
എം. രഞ്ജിത് നിര്മ്മിച്ച് തരുണ് മൂര്ത്തി സംവിധാനം ചെയ്യുന്ന ചിത്രത്തിന്റെ ഷൂട്ടിങ് തൊടുപുഴ യില് നടക്കുമ്പോഴാണ് സംവിധായകന് മോഹന് സുരഭി ഡിക്സനോട് ഈ ഷോര്ട്ട് ഫിലിമിനെ ക്കുറിച്ച് പറയുന്നത്.
ഡിക്സന് ഇതിന് മുമ്പ് നിര്മ്മാണ നിര്വ്വഹണം നടത്തിയിട്ടുള്ള പല സിനിമകളിലും ചെറിയ ചെറിയ വേഷങ്ങളില് അഭിനയിച്ചിട്ടുണ്ട്.
അതുപോലെ വലിയ പ്രാധാന്യം ഇല്ലാത്ത ഒരു വേഷം ചെയ്യുന്നതിന് വേണ്ടിയാണ് ഡിക്സനോട് കഥയെ ക്കുറിച്ച് പറയുന്നതെന്നാണ് ഡിക്സന് ആദ്യം വിചാരിച്ചത്. എന്നാല് ഈ ഷോര്ട്ട് ഫിലിമിലെ നായക വേഷം ചെയ്യണമെന്ന് സംവിധായകന് ആവശ്യപ്പെട്ടപ്പോള് സത്യത്തില് ഡിക്സന് അത്ഭുതപ്പെട്ടു.
അതെ...
ഒടുവില്
അതു സംഭവിച്ചു.
ഒരു പോലീസ് ഓഫീസറും ഒരു വളര്ത്തു പൂച്ചയും തമ്മിലുള്ള രസകരമായ കഥയില് ഡിക്സണ് കാക്കി യുണിഫോം അണിഞ്ഞ ഒരു യഥാര്ത്ഥ പോലീസ്കാരനെപ്പോലെ തന്നെ ഊര്ജ്ജവും ശക്തിയും പൗരുഷവും പകര്ന്ന് അഭിനയിച്ചു.
ജയന് ആര്. ഉണ്ണിത്താന് ഛായാഗ്രഹണം നിര്വഹിക്കുന്നു.
അലക്സ് കുര്യന് എന്ന പോലീസ് കഥാപാത്രത്തെ അതി ഗംഭീരമായി തനതായ ശൈലിയില് ഡിക്സണ് അവതരിപ്പിച്ചുവെന്ന് സംവിധായകന് മോഹന് സുരഭി അഭിപ്രായപ്പെട്ടു.
Online PR - CinemaNewsAgency.Com
