CNA
കൊച്ചി:
ഇന്ത്യന്‍ ടെലിവിഷന്‍ ചരിത്രത്തിലെ തന്നെ ഏറ്റവും വലിയ റിയാലിറ്റി ഷോയായ 'ബിഗ് ബോസ്' മലയാളം കഴിഞ്ഞ സീസണിലെ താരങ്ങളായ ജിന്റോയും ഡോ. രജിത്കുമാറും പ്രധാനവേഷത്തില്‍ എത്തുന്ന 'സ്വപ്ന സുന്ദരി' എന്ന ചലചിത്രം ഒക്ടോബര്‍ 31ന് തിയേറ്ററുകളില്‍ എത്തും.
എസ് എസ് പ്രൊഡക്ഷന്‍സ്, അല്‍ഫോന്‍സാ വിഷ്വല്‍ മീഡിയ, സെന്‍മേരിസ് അസോസിയേറ്റ്‌സ് പ്രൈവറ്റ് ലിമിറ്റഡ് എന്നിവയുടെ ബാനറില്‍ സലാം ബി.ടി., സുബിന്‍ ബാബു, ഷാജു സി. ജോര്‍ജ് എന്നിവര്‍ ചേര്‍ന്ന് നിര്‍മ്മിച്ച ചിത്രം കെ.ജെ ഫിലിപ്പ് ആണ് സംവിധാനം ചെയ്യുന്നത്.
'മഞ്ചാടിക്കുന്ന്' എന്ന അതിമനോഹരവും എന്നാല്‍ ഏറെ അസ്വസ്ഥത ഉളവാക്കുന്നതുമായ ഒരു ഗ്രാമത്തില്‍ നടക്കുന്ന കഥയാണ് 'സ്വപ്ന സുന്ദരി'യുടേത്.
മുന്‍ജില്ലാ പഞ്ചായത്ത് പ്രസിഡണ്ട് തെക്കാട്ടില്‍ സക്കറിയ പുന്നൂസും മകന്‍ ജോണ്‍ സക്കറിയ എന്നിവരാണ് ഗ്രാമത്തെ അടക്കിഭരിക്കുന്നത്.
ആ പ്രദേശത്തെ സ്ത്രീകളെ കാണാതാകുകയും നിരവധി ദുരൂഹ മരണങ്ങള്‍ നടക്കുകയും ചെയ്യുന്നു. അവിടെ കാണാതായ ഒരു പെണ്‍കുട്ടിയെ തേടി ഷാനു എന്ന മോഡല്‍ എത്തുകയും കൗതുകവും അപ്രതീക്ഷിതവുമായ ഒരു വഴിത്തിരിവിലേക്കാണ് പിന്നീട് ഈ ചിത്രത്തിന്റെ കഥ സഞ്ചരിക്കുന്നത്.
സസ്‌പെന്‍സ് നിറഞ്ഞ ആഖ്യാന രീതിയിലാണ് റോയിറ്റയും കുമാര്‍ സെന്നും ചേര്‍ന്ന് കഥ ഒരുക്കിയിരിക്കുന്നത്. സീതു ആന്‍സണിന്റെ തിരക്കഥക്ക് സീതു ആന്‍സണ്‍, കെ ജെ ഫിലിപ്പ് എന്നിവര്‍ ചേര്‍ന്നാണ് സംഭാഷണം ഒരുക്കിയിരിക്കുന്നു.
ജിന്റോ ജോണ്‍ ആണ് ചിത്രത്തിലെ 'സക്കറിയ' എന്ന കഥാപാത്രത്തെ അവതരിപ്പിക്കുന്നത്. ഡോ. രജിത് കുമാര്‍, 'സക്കറിയ പൊന്നൂസ്' ആയും വേഷമിടുന്നു. സാനിഫ് അലി 'ഷാനു'വായും അഭിനയിക്കുന്നു. കൂടാതെ ശ്രീറാം മോഹന്‍, സാജിദ് സലാം, ഡോഷിനു ശ്യാമളന്‍, ദിവ്യ തോമസ്, ഷാരോണ്‍ സഹിം, മനീഷ മോഹന്‍, ശാര്‍ലറ്റ് സജീവ്, ശിവജി ഗുരുവായൂര്‍, സാജന്‍ പള്ളുരുത്തി, പ്രദീപ് പള്ളുരുത്തി, സാബു കൃഷ്ണ,സ്വാമി ഗംഗേ സാനന്ദ, നിഷാദ് കല്ലിങ്കല്‍, ബെന്നി പുന്നറാം, സണ്ണി അങ്കമാലി, ബാലസൂര്യ, അജയ് പുറമല, ഫിറോസ് ബാബു, രമേശ് ആനപ്പാറ, ആഷിക്, ഷിബു ഇച്ചാമഠം, സൈജു വാത്തുകോടത്, വിജയന്‍ കോടനാട്, ബഷീര്‍ മൊയ്തീന്‍, അബൂ പട്ടാമ്പി, മുഹമ്മദ് പെരുമ്പാവൂര്‍, രജിഷ് സോമന്‍, ഷമീര്‍ ബാബു, ഷാന്‍സി സലാം, അന്ന എയ്ഞ്ചല്‍, ജാനകി ദേവി, ആര്യജയന്‍, രാജി തോമസ്, രാജീമേനോന്‍, അമ്പിളി ഉമാ മഹേശ്വരി, അഫ്രിന്‍ വക്കയില്‍, നസ്‌റിന്‍, പീലി കൃഷ്ണ എന്നിവരും അഭിനയിക്കുന്നു.
ക്യാമറ- റോയിറ്റ, സനൂപ്, എഡിറ്റിംഗ്- ഗ്രേസണ്‍ എ സി എ, കലാസംവിധാനം- സണ്ണി സംഘമിത്ര, നിര്‍മ്മാണ നിയന്ത്രണം- ഡോ. ഷാന്‍സി സലാം, കൊറിയോഗ്രാഫി- ബിനീഷ് കൊയിലാണ്ടി, മേക്കപ്പ്- ഷിനു ഓറഞ്ച്, വസ്ത്രാലങ്കാരം- അന്നമ്മച്ചി, പ്രൊജക്റ്റ് ഡിസൈനര്‍- ഫാത്തിമ ഷെറിന്‍, അസോസിയേറ്റ് ഡയറക്ടേഴ്‌സ്- മധു ആര്‍ പിള്ള, മുഹമ്മദ് സാജിദ്, ആഷിക്, ക്രിസ് ജോണ്‍.
വി എഫ് എക്‌സ് & സ്റ്റില്‍സ്- ഗോള്‍ഡന്‍ ഫ്രെയിം, ഡി ഐ- ജിതിന്‍ കുമ്പുകാട്, സംഘട്ടനം- ജിന്റോ ബോഡി ക്രാഫ്റ്റ്, മധു ആര്‍ പിള്ള.
ഗാനരചന- സുദര്‍ശന്‍ പുത്തൂര്‍, സുഭാഷ് ചേര്‍ത്തല, ജെറിന്‍ രാജ് കുളത്തിനാല്‍, ഹംസ കുന്നത്തേരി, ഫെമിന്‍ ഫ്രാന്‍സിസ്.
സംഗീതം- അജിത് സുകുമാരന്‍, ഹംസ കുന്നത്തേരി, വിഷ്ണു മോഹന കൃഷ്ണന്‍, ഫെമിന്‍ ഫ്രാന്‍സിസ്.
നജീം അര്‍ഷാദ്, പ്രദീപ് പള്ളുരുത്തി, സിദ്ധാര്‍ത്ഥ ശങ്കര്‍ ഇമ്രാന്‍ ഖാന്‍, അരുണ്‍ സി ഇടുക്കി, ശോഭ ശിവാനി, ദേവാനന്ദ രാജേഷ്‌മേനോന്‍, മിഥുന്യാ ബിനീഷ് എന്നിവരാണ് ഗായകര്‍.
മസ്‌കറ്റ്, അബുദാബി, മൂന്നാര്‍, പൂപ്പാറ, തലയോലപ്പറമ്പ്, ആലുവ എന്നിവിടങ്ങളിലായിരുന്നു ലൊക്കേഷന്‍.
സെന്‍മേരിസ് അസോസിയേറ്റ്‌സ്, ഹിമുക്രി ക്രിയേഷന്‍സ്, ഗീതം റിലീസ് എന്നിവര്‍ ചേര്‍ന്നാണ്, നവംബര്‍ ഏഴിന് യുകെ, യൂറോപ്, യുഎഇ, എന്നീ വിദേശരാജ്യങ്ങളില്‍ റിലീസ് ചെയ്യുക.
Online PR - CinemaNewsAgency.Com
