മഹേഷ് എം കമ്മത്ത്
കൊച്ചി:
കണ്ണൂര്‍ കഫേയുടെ ബാനറില്‍ ഷിജിത്ത് കല്യാടന്‍ രചനയും സംവിധാനവും നിര്‍വ്വഹിക്കുന്ന 'ദി ലേറ്റ് കുഞ്ഞപ്പ'(The Late Kunjappa) എന്ന ചിത്രത്തിന്റെ ടീസര്‍ റിലീസായി. കണ്ണൂര്‍ കഫേയുടെ (Kannur Kafe) യൂട്യൂബ് ചാനലിലൂടെയാണ് ചിത്രത്തിന്റെ ടീസര്‍ റിലീസായത്.
തരുണ്‍ സുധാകരനാണ് ചിത്രത്തിന്റെ ഛായാഗ്രഹണവും കളറിങ്ങും നിര്‍വ്വഹിച്ചിരിക്കുന്നത്.
പ്രേക്ഷകരെ ചിരിപ്പിക്കുകയും ചിന്തിപ്പിക്കുകയും ചെയ്യുന്ന പ്രശസ്ത പരമ്പരയായ 'കണ്ണൂര്‍ കഫേ'യിലെ സ്ഥിരം അഭിനേതാക്കളായ രാമകൃഷ്ണന്‍ പഴശ്ശി, ശശിധരന്‍ മട്ടന്നൂര്‍, ബിജൂട്ടന്‍ മട്ടന്നൂര്‍, രതീഷ് ഇരിട്ടി, ലീല കൂമ്പാള എന്നീവരാണ് 'ദി ലേറ്റ് കുഞ്ഞപ്പ'യിലെ പ്രധാന കഥാപാത്രങ്ങളെ അവതരിപ്പിക്കുന്നത്. കൂടാതെ, നാട്ടിന്‍പുറത്തെ നിരവധി സാധാരണക്കാരായ കലാകാരന്‍മാരും ഈ ചിത്രത്തിന്റെ ഭാഗമായിട്ടുണ്ട്.
സംഗീതം: വിനയ് ദിവാകരന്‍, സൗണ്ട് ഡിസൈന്‍: ചരണ്‍ വിനായക്, സൗണ്ട് മിക്‌സിംഗ്: സി എം സാദിക്, കഥ: രാധാകൃഷ്ണന്‍ തലച്ചങ്ങാട്, ഗായകര്‍: മാതന്‍, ധനഞ്ജയ് ആര്‍കെ, വരികള്‍: കാവേരി കല്‍ഹാര്‍, സ്റ്റുഡിയോ: ക്വാര്‍ടെറ്റ് മീഡിയ ഫ്‌ളോര്‍, അസോസിയേറ്റ് ഡയറക്ടര്‍മാര്‍: വിപിന്‍ അത്തിക്ക, ഹേമന്ത് ഹരിദാസ്, ക്യാമറ അസോസിയേറ്റ്: സായി യാദുല്‍ ദാസ്, ക്യാമറ അസിസ്റ്റന്റ്: സബാസ്റ്റ്യന്‍ ജോണ്‍, സൗണ്ട് റെക്കോര്‍ഡിസ്റ്റ്: സിനി (ആര്‍ മീഡിയ), പ്രൊഡക്ഷന് കണ്ട്രോളര്: രാമകൃഷ്ണന്‍ പഴശ്ശി, സബ്‌ടൈറ്റില്‍: സംഗീത മാത്യു, BTS: ആനന്ദ് ഹരിദാസ്, ഡിസൈന്‍: കിനോ. ചിത്രീകരണം പൂര്‍ത്തിയായ 'ദി ലേറ്റ് കുഞ്ഞപ്പ' ഉടന്‍ പ്രദര്‍ശനത്തിനെത്തും.
Online PR - CinemaNewsAgency.Com
