CNA
കൊച്ചി:
അഞ്ജന ടാക്കീസ് ന്റെ ബാനറില് അഞ്ജന ഫിലിപ്പ് നിര്മിച്ച് സജിന് ബാബു സംവിധാനം ചെയ്യുന്ന 'തിയേറ്റര്: ദി മിത്ത് ഓഫ് റിയാലിറ്റി' ഒക്ടോബര് 7ന് IX യാള്ട്ട അന്താരാഷ്ട്ര ചലച്ചിത്രമേളയില്, യൂറേഷ്യന് ബ്രിഡ്ജ് - ഇന്റര്നാഷണല് കോമ്പറ്റീഷന് വിഭാഗത്തില് ലോക പ്രീമിയര് ചെയ്യാനൊരുങ്ങുന്നു. ഈ അഭിമാനകരമായ മത്സര വിഭാഗത്തില് തിരഞ്ഞെടുക്കപ്പെട്ട എട്ട് സിനിമകളില് ഒന്നാണ് 'തിയേറ്റര്: ദി മിത്ത് ഓഫ് റിയാലിറ്റി'.
റിമ കല്ലിങ്കല് കേന്ദ്ര കഥാപാത്രത്തെ അവതരിപ്പിക്കുന്ന ചിത്രം ആഗോള ചലച്ചിത്രമേള സര്ക്യൂട്ടുകളില് ഇതിനോടകം തന്നെ ചിത്രം ശ്രദ്ധനേടിക്കഴിഞ്ഞു. കാന് ചലച്ചിത്രമേളയില് വെച്ച് ചിത്രത്തിന്റെ ട്രെയിലര് ഔദ്യോഗികമായി പുറത്തിറക്കിയിരുന്നു. കൂടാതെ, റഷ്യയിലെ കസാന് ചലച്ചിത്രമേളയിലും ചിത്രം പ്രദര്ശനത്തിന് ഒരുങ്ങുകയാണ്.
'ബിരിയാണി' എന്ന ചിത്രത്തിന് ശേഷം സജിന് ബാബുവിന്റെ തനതും ശക്തവുമായ സിനിമാശൈലി ഈ ചിത്രത്തിലും കാണാന് സാധിക്കും. സഹ നിര്മാണംസന്തോഷ് കോട്ടായി.
'തിയേറ്റര്: ദി മിത്ത് ഓഫ് റിയാലിറ്റി' റിലീസിന് മുമ്പ് തന്നെ നിരവധി അംഗീകാരങ്ങള് നേടിയിരുന്നു. 48-ാമത് കേരള ഫിലിം ക്രിട്ടിക്സ് അവാര്ഡില് മികച്ച നടിക്കുള്ള പുരസ്കാരവും പ്രത്യേക ജൂറി പുരസ്കാരവും ചിത്രം സ്വന്തമാക്കി. ഠകങഋ അന്താരാഷ്ട്ര ചലച്ചിത്രമേള, CinéV- CHD അന്താരാഷ്ട്ര ചലച്ചിത്രമേള തുടങ്ങിയ മേളകളിലേക്കും ചിത്രം ഔദ്യോഗികമായി തിരഞ്ഞെടുക്കപ്പെട്ടു. ഒക്ടോബര് 16ന് 'തിയേറ്റര്' പ്രദര്ശനത്തിനെത്തും.
പി ആര് ഒ- എ എസ് ദിനേശ്.
Online PR - CinemaNewsAgency.Com
