CNA
കൊച്ചി:
ആന്റണി വര്‍ഗീസ് പെപ്പെ-കീര്‍ത്തി സുരേഷ് ടീം ആദ്യമായി ഒന്നിക്കുന്ന പാന്‍ ഇന്ത്യന്‍ ചിത്രത്തിന്റെ ടൈറ്റില്‍ ടീസര്‍, ടൈറ്റില്‍ പോസ്റ്റര്‍ എന്നിവ പുറത്ത്.
'തോട്ടം' എന്ന് പേരിട്ടിരിക്കുന്ന ഈ ചിത്രം തിരക്കഥ എഴുതി സംവിധാനം ചെയ്യുന്നത് ഋഷി ശിവകുമാര്‍ ആണ്. ഫസ്റ്റ് പേജ് എന്റര്‍ടൈന്‍മെന്റ് (FIRST PAGE ENTERTAINMENT), എ വി എ പ്രൊഡക്ഷന്‍സ് (AVA PRODUCTIONS), മാര്‍ഗ എന്റെര്‍റ്റൈനെര്‍സ് (MAARGAA ENTERTAINERS) എന്നിവയുടെ ബാനറില്‍ മോനു പഴേടത്ത്, എ വി അനൂപ്, നോവല്‍ വിന്ധ്യന്‍, സിമി രാജീവന്‍ എന്നിവര്‍ ചേര്‍ന്നാണ് ഈ വമ്പന്‍ ചിത്രം നിര്‍മ്മിക്കുന്നത്.
ഒരു ആക്ഷന്‍ അഡ്വെഞ്ചര്‍ ഡ്രാമ ചിത്രമായാണ് 'തോട്ടം' ഒരുങ്ങുന്നത് എന്ന സൂചനയാണ് ടീസര്‍ നല്‍കുന്നത്.
ഏറെ പുതുമകളോടെ പുത്തന്‍ ദൃശ്യ വിരുന്നായി ഒരുക്കുന്ന ചിത്രത്തിന്റെ പ്രൊജക്റ്റ് സൈനിങ് വീഡിയോ നേരത്തെ പുറത്തു വന്നിരുന്നു. മില്യണ്‍ വ്യൂസ് നേടി ഈ വീഡിയോ സോഷ്യല്‍ മീഡിയയില്‍ ട്രെന്‍ഡിങ് ആയി മാറിയത്തിനൊപ്പമാണ് ഏറെ സര്‍പ്രൈസുകള്‍ ഒളിപ്പിച്ച് ചിത്രത്തിന്റെ ടൈറ്റില്‍ റിവീലിംഗ് ടീസര്‍ അണിയറ പ്രവര്‍ത്തകര്‍ പുറത്ത് വിട്ടിരിക്കുന്നത്.
പ്രേക്ഷകരെ ഞെട്ടിക്കുന്ന ഒരു സിനിമാനുഭവം ആയിരിക്കും 'തോട്ടം' നല്‍കുക എന്ന സൂചനയോടെ കാമറയ്ക്ക് പിന്നില്‍ പ്രവര്‍ത്തിക്കുന്ന വമ്പന്‍ ക്രൂ മെംബേര്‍സ്‌നെയും തോട്ടം പരിചയപെടുത്തുന്നുണ്ട്. ഇതോടെ മലയാള സിനിമയില്‍ നിന്നും വരാനിരിക്കുന്ന അമ്പരപ്പിക്കുന്ന ചിത്രങ്ങളില്‍ ഒന്നായി 'തോട്ടം' മാറുമെന്നുള്ള പ്രതീക്ഷയാണ് ടൈറ്റില്‍ ടീസര്‍ നല്‍കുന്നത്.
'ദ ഷാഡോസ് സ്‌ട്രെയ്‌സ്', 'ദ നൈറ്റ് കംസ് ഫോര്‍ അസ്', 'ഹെഡ്‌ഷോട്ട്' തുടങ്ങിയ അന്താരാഷ്ട്ര ത്രില്ലര്‍ ചിത്രങ്ങളുടെ ആക്ഷന്‍ ഒരുക്കിയ മുഹമ്മദ് ഇര്‍ഫാന്‍ ആണ് ഈ ചിത്രത്തിന് വേണ്ടി സംഘട്ടന സംവിധാനം നിര്‍വഹിക്കുന്നത്. 'അനിമല്‍' എന്ന ബോളിവുഡ് ചിത്രത്തിലൂടെ ദേശീയ അവാര്‍ഡ് ജേതാവായ സംഗീത സംവിധായകന്‍ ഹര്‍ഷവര്‍ധന്‍ രാമേശ്വര്‍ ആണ് ചിത്രത്തിന്റെ സംഗീതവും പശ്ചാത്തല സംഗീതവും ഒരുക്കുന്നത്.
'രാജാറാണി', 'കത്തി', 'തെരി' തുടങ്ങിയ ചിത്രങ്ങളുടെ ക്യാമറാമാന്‍ ജോര്‍ജ് സി. വില്യംസ് ISC ഛായാഗ്രഹണം നിര്‍വഹിക്കുന്നു. എഡിറ്റര്‍- ചമന്‍ ചാക്കോ.
2026 തുടക്കത്തോടെ തോട്ടത്തിന്റെ ചിത്രീകരണം ആരംഭിക്കും.
സംഭാഷണങ്ങള്‍: ഋഷി ശിവകുമാര്‍, മനു മഞ്ജിത്, പ്രൊഡക്ഷന്‍ ഡിസൈനര്‍: മോഹന്‍ ദാസ്, വസ്ത്രാലങ്കാരം: പ്രവീണ്‍ വര്‍മ, മേക്കപ്പ്: റോണെക്‌സ് സേവിയര്‍, സൌണ്ട് ഡിസൈന്‍: സിങ്ക് സിനിമ, സൌണ്ട് മിക്‌സ്: എം. ആര്‍. രാജാകൃഷ്ണന്‍, ഗാനരചന: മനു മഞ്ജിത്ത്, ഐക്കി ബെറി, നൃത്തസംവിധായകന്‍: ഷെരീഫ്, പ്രൊഡക്ഷന്‍ കണ്‍ട്രോളര്‍: പ്രശാന്ത് നാരായണന്‍, എക്‌സിക്യൂട്ടീവ് പ്രൊഡ്യൂസര്‍: പ്രിങ്കിള്‍ എഡ്വേര്‍ഡ്, ചീഫ് അസോസിയേറ്റ് ഡയറക്ടര്‍: വിശാഖ് ആര്‍ വാര്യര്‍, വിഎഫ്എക്‌സ് സൂപ്പര്‍വൈസര്‍: അനീഷ് കുട്ടി, വിഎഫ്എക്‌സ് സ്റ്റുഡിയോ: ലിറ്റില്‍ ഹിപ്പോ, സ്റ്റില്‍സ്: റിഷ്‌ലാല്‍ ഉണ്ണികൃഷ്ണന്‍, കാസ്റ്റിംഗ് ഡയറക്ടര്‍: അബു വളയംകുളം, വിവേക് അനിരുദ്ധ്, പി. ആര്‍. ഒ: വൈശാഖ് സി വടക്കെവീട്, ജിനു അനില്‍കുമാര്‍, പിആര്‍ സ്ട്രാറ്റജിസ്റ്റ്: ലക്ഷ്മി പ്രേംകുമാര്‍, പബ്ലിസിറ്റി ഡിസൈന്‍: അമല്‍ ജോസ്, ഡിജിറ്റല്‍ മാര്‍ക്കറ്റിംഗ്: വിവേക് വിനയരാജ്, ഡിറക്ഷന്‍ ടീം: വരുണ്‍ ശങ്കര്‍ ബോണ്‍സ്ലെ, ജെബിന്‍ ജെയിംസ്, അനുശ്രീ തമ്പാന്‍, ഗോവിന്ദ് ജി, ആല്‍വിന്‍ മാര്‍ഷല്‍, ചാര്‍ളി ജോസഫ്, അദ്വൈദ് ബിജയ്.
Online PR - CinemaNewsAgency.Com
