CNA
കൊച്ചി:
ധനഞ്ജയ് ശങ്കര് സംവിധാനം ചെയ്ത്, ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മ്മിച്ച 'ഭഭബ' - ഭയം, ഭക്തി, ബഹുമാനം ജനുവരി 16 മുതല് ZEE5ല് സ്ട്രീമിംഗ് ആരംഭിക്കും.
ദിലീപ് നായകനായ ചിത്രത്തില് സ്പൂഫും മാസും കോമഡിക്കൊപ്പം സമാസമം ചേര്ത്ത് ഒരുക്കിയ ചിത്രത്തില് മോഹന്ലാല് ശക്തമായ അതിഥി വേഷത്തില് എത്തുന്നു. നൂറിന് ഷെരീഫും ഭര്ത്താവ് ഫാഹിം സഫറും ചേര്ന്നാണ് തിരക്കഥ രചിച്ചിരിക്കുന്നത്.
രാഷ്ട്രീയഭരണ സംവിധാനങ്ങളെ നടുക്കുന്ന ഒരു ഞെട്ടിക്കുന്ന സംഭവത്തിന്റെ പശ്ചാത്തലത്തിലാണ് കഥ പുരോഗമിക്കുന്നത്. സംസ്ഥാനത്തെ മുഴുവന് വിറപ്പിച്ച വട്ടന്റെ കഥയാണ് ചിത്രം പറയുന്നത്. ദിലീപ് ഇനെ കൂടാതെ വിനീത് ശ്രീനിവാസന്, ധ്യാന് ശ്രീനിവാസന്, ബൈജു സന്തോഷ്, ബാലു വര്ഗീസ്, സാന്ഡി, അശോകന്, സിദ്ധാര്ഥ് ഭരതന്, മണിയന്പിള്ള രാജു, ബിജു പപ്പന്, ജിബിന് ഗോപിനാഥ്, അശ്വത് ലാല്, നോബി മാര്ക്കോസ്, ഷാജു ശ്രീധര് എന്നിവരും പ്രധാന വേഷങ്ങളില് അഭിനയിക്കുന്നു. ഒരേയൊരു രംഗത്തില് മാത്രം പ്രത്യക്ഷപ്പെട്ട് റിയാസ് ഖാനും കയ്യടി നേടുന്നു.
സ്പൂഫ് സിനിമകള് മലയാളത്തിലുണ്ടായിട്ടുണ്ടെങ്കിലും 'സ്പൂഫ് മാസ് എന്റര്ടെയ്നര്' ഗണത്തില്പെടുന്ന സിനിമ ഇതാദ്യമായിരിക്കും.'നോ ലോജിക്, ഒണ്ലി മാഡ്നെസ്' എന്ന ടാഗ്ലൈനോടു നൂറു ശതമാനം നീതി പുലര്ത്തുന്ന മേക്കിങ് ആണ് സംവിധായകന് പ്രേക്ഷകര്ക്ക് സമ്മാനിച്ചത്. പ്രേക്ഷകരെ പൂര്ണ്ണമായി എന്ങ്കേജ് ചെയ്യുന്നതിനൊപ്പം അവര്ക്ക് വേണ്ട ഒരു എന്റര്ടെയ്നറായിട്ടാണ് 'ഭ ഭ ബ'യെ ഞങ്ങള് ഒരുക്കിയിരിക്കുന്നത് എന്ന് സംവിധായകന് കൂട്ടിച്ചേര്ത്തു.
പ്രേക്ഷകര്ക്ക് കൂടുതലൊന്നും ആലോചിക്കാതെ ചിരിക്കാനാകുന്ന ഒരു സിനിമ ചെയ്യണമെന്നാണ് ഞാന് ആഗ്രഹിച്ചത്. തിയറ്ററുകളില് ചിരിയുടെ പൂരം പടര്ത്തിയ ചിത്രം, ലോകമെമ്പാടുമുള്ള പ്രേക്ഷകര്ക്ക് ZEE5 ഓ ടി ടിയില് ജനുവരി 16 മുതല് സ്ട്രീമിങ് തുടങ്ങുന്നതില് വളരെ സന്തോഷമുണ്ടെന്ന് ദിലീപ് കൂട്ടിച്ചേര്ത്തു.
ഇന്ത്യയിലെ ഏറ്റവും വലിയ ഒ ടി ടി വീഡിയോ സ്ട്രീമിംഗ് പ്ലാറ്റ്ഫോമായ ZEE5 മലയാളി പ്രേക്ഷകര്ക്ക് മികച്ച ഉള്ളടക്കം എത്തിക്കുന്നതില് എന്നും മുന്പന്തിയില് ഉണ്ടാകും എന്ന് ZEE5യുടെ മാര്ക്കറ്റിംഗ് സൗത്ത് വിഭാഗത്തിലെ സീനിയര് വൈസ് പ്രസിഡന്റ് (തമിഴ് & മലയാളം) ബിസിനസ്സ് ഹെഡ് ആയ ലോയിഡ് സി സേവ്യര് പറഞ്ഞു.
'ഭഭബ' പ്രേക്ഷകര്ക്ക് മികച്ചൊരു ചിരി അനുഭവം സമ്മാനിക്കുമെന്ന് ഉറപ്പാണ്. ചിത്രം ജനുവരി 16 മുതല് ZEE5ല് സ്ട്രീമിങ് ആരംഭിക്കും.
Online PR - CinemaNewsAgency.Com
