സി എന്‍ എ-
കൊച്ചി:
മോഹന്‍ലാല്‍ജിത്തു ജോസഫ് ടീമിന്റെ 12ത് മാന്‍ ചിത്രീകരണം കൊച്ചിയില്‍ തുടങ്ങി.
മോഹന്‍ലാല്‍ ജിത്തു ജോസഫ് കൂട്ടുകെട്ടിലെ മൂന്നാമത്തെ ചിത്രമായ 'ട്വെല്‍ത് മാന്‍' എന്ന മിസ്റ്ററി ത്രില്ലര്‍ ചിത്രത്തിന്റെ ചിത്രീകരണമാണ് പൂജ ചടങ്ങുകളോടെ കൊച്ചിയില്‍ തുടങ്ങിയത്.
'ദൃശ്യം 2'ന് ഇതേ ടീം വീണ്ടും ഒന്നിക്കുമ്പോള്‍ പുതിയ പ്രതീക്ഷകളാണ് ആരാധകര്‍ക്ക്.
എറണാകുളത്തും പരിസരത്തുമാണ് ആദ്യഘട്ടം. ഓണത്തിന്റെ ഇടവേളയ്ക്കു ശേഷം ഇടുക്കിയില്‍ ഷൂട്ടിംഗ് തുടരും.
നിലവില്‍ ബ്രോ ഡാഡി ചിത്രീകരണ തിരക്കിലാണ് മോഹന്‍ലാല്‍. ഓണത്തിന്റെ ഇടവേളയ്ക്കു ശേഷം ഇടുക്കിയില്‍ ഷൂട്ടിംഗ് തുടരും. മോഹന്‍ലാല്‍ അപ്പോഴേക്ക് എത്തും. സപ്തംബര്‍ അവസാനം വരെ ഇടുക്കിയില്‍ ചിത്രീകരണം ഉണ്ടാകും.
24 മണിക്കൂറുകള്‍ക്കുള്ളില്‍ നടക്കുന്ന കഥയാണ് ചിത്രം പറയുന്നത്.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് ഈ ചിത്രം നിര്‍മ്മിക്കുന്നത്.
അനുശ്രീ, അനു സിതാര, ഉണ്ണി മുകുന്ദന്‍, സൈജു കുറുപ്പ്, ഷൈന്‍ ടോം ചാക്കോ, രാഹുല്‍ മാധവ്, സിദ്ദിഖ്, നന്ദു, അനു മോഹന്‍, അഥിതി രവി, ലിയോണ, പ്രിയങ്ക നായര്‍, ശിവദ, ചന്തുനാഥ് തുടങ്ങിയവരാണ് മറ്റ് പ്രധാന വേഷങ്ങളില്‍ എത്തുന്നത്.
കെ ആര്‍ കൃഷ്ണകുമാറിന്റേതാണ് തിരക്കഥ. സതീഷ് കുറുപ്പ് ആണ് ഛായാഗ്രാഹണം നിര്‍വ്വഹിക്കുന്നത്. പശ്ചാത്തലസംഗീതം- അനില്‍ ജോണ്‍സണ്‍, കലാ സംവിധാനം- രാജീവ് കോവിലകം.
Online PR - CNA.
