CNA
കൊച്ചി:
'തിങ്കളാഴ്ച നിശ്ചയം' എന്ന ചിത്രത്തിന് ശേഷം മലയാളത്തില്‍ സെന്ന ഹെഗ്‌ഡെ സംവിധാനം ചെയ്യുന്ന '1744 വൈറ്റ് ആള്‍ട്ടോ' എന്ന ചിത്രത്തിലെ പുറത്തിറങ്ങി രസകരമായ റാപ്പ് ഗാനം വയറലായി.
സമകാലിക പ്രസക്തമായ വിഷയങ്ങള്‍ രസകരമായ റാപ്പ് രൂപത്തില്‍ ആണ് ഗാനത്തില്‍ അവതരിപ്പിച്ചിരിക്കുന്നത്.
മുജീബ് മജീദ് സംഗീതം ഒരുക്കിയിരിക്കുന്ന ഈ ഗാനത്തിന്റെ വരികള്‍ രചിച്ചിരിക്കുന്നത് ഷിബു ഹംസയും, ഷായും ചേര്‍ന്നാണ്.
ഷറഫുദ്ദീന്‍ നായകനാകുന്ന ഈ ചിത്രം കാഞ്ഞങ്ങാട് പശ്ചാത്തലത്തില്‍ ഒരുക്കുന്ന ഒരു ക്രൈം കോമഡിയാണ്.
കുറച്ചു ദിവസങ്ങള്‍ക്ക് മുന്‍പ് പുറത്തിറങ്ങിയ ചിത്രത്തിന്റെ ടീസറും ഏറെ ശ്രദ്ധിക്കപ്പെട്ടിരുന്നു.
കബിനി ഫിലിംസിന്റെ ബാനറില്‍ മൃണാള്‍ മുകുന്ദന്‍, ശ്രീജിത്ത് നായര്‍, വിനോദ് ദിവാകര്‍ എന്നിവര്‍ ചേര്‍ന്നാണ് സിനിമ നിര്‍മ്മിക്കുന്നത്.
ഡ്രീം ബിഗ് ഫിലിംസാണ് വിതരണം. ജനപ്രിയ മ്യൂസിക് ലേബലായ തിങ്ക് മ്യൂസിക്കാണ് ചിത്രത്തിന്റെ സംഗീത അവകാശം സ്വന്തമാക്കിയത്.
അലോഷ്യസ്, രാജേഷ് മാധവന്‍, നവാസ് വള്ളിക്കുന്ന്, ആര്യ സലിം, ആനന്ദ് മന്മഥന്‍, സജിന്‍ ചെറുകയില്‍, ആര്‍ജെ നില്‍ജ, രഞ്ജി കാങ്കോല്‍ തുടങ്ങിയ ഒട്ടനവധി പ്രതിഭകളും ചിത്രത്തിലുണ്ട്.
ഛായാഗ്രഹണം നിര്‍വഹിച്ച ശ്രീരാജ് രവീന്ദ്രന്‍ തിരക്കഥയിലും സെന്ന ഹെഗ്‌ഡെക്കൊപ്പം പങ്കാളിയാണ്. അര്‍ജ്ജുനനും തിരക്കഥയില്‍ ഒപ്പം പ്രവര്‍ത്തിച്ചിട്ടുണ്ട്.
ഹരിലാല്‍ കെ രാജീവ് ചിത്രസംയോജനവും, സംഗീതം മുജീബ് മജീദും നിര്‍വ്വഹിക്കുന്നു. മെല്‍വി ജെ വസ്ത്രാലങ്കാരവും, മേക്കപ്പ് രഞ്ജിത്ത് മണലിപ്പറമ്പിലുമാണ് നിര്‍വ്വഹിക്കുന്നത്.
അമ്പിളി പെരുമ്പാവൂര്‍ എക്‌സിക്യൂട്ടീവ് പ്രൊഡ്യൂസറും, നിക്‌സണ്‍ ജോര്‍ജ്ജ് സൗണ്ട് ഡിസൈനറുമാണ്.
പ്രൊഡക്ഷന്‍ ഡിസൈന്‍- ഉല്ലാസ് ഹൈദൂര്‍, കലാസംവിധാനം -വിനോദ് പട്ടണക്കാടന്‍, ഡിഐ കളറിസ്റ്റ്- അവിനാഷ് ശുക്ല, വിഎഫ്എക്‌സ്- എഗൈ്വറ്റ്, സിങ്ക് സൗണ്ട് -ആദര്‍ശ് ജോസഫ്, പി ആര്‍ ഒ- ശബരി.
Online PR - CinemaNewsAgency.Com
