സി എന് എ-
കൊച്ചി:
കിഡ്നി ഡയാലിസിസ് രോഗികളുടെ കഥ പറയുന്ന '3 കി. മീ' എന്ന സിനിമയിലെ ആദ്യ ഗാനമെത്തി.
2018 ല് ഫാസില് ബഷീര് കഥയെഴുതി സംവിധാനം ചെയ്ത ഷോര്ട്ട് ഫിലിമിന് നിരവധി പുരസ്കാരങ്ങള് ലഭിക്കുകയും. നിരവധി വേദികളില് പ്രദര്ശിപ്പിക്കുകയും ചെയ്തിരുന്നു. ആ ഷോര്ട്ട് ഫിലിം ഒരു മലയാള ചലച്ചിത്രമായി എത്തിക്കുവാനുള്ള ഫാസില് ബഷീറിന്റെ ശ്രമമാണ് '3 കി. മീ'.
ചിത്രത്തിന്റെ രണ്ടാമത്തെ ഷെഡ്യൂള് 2021 ഏപ്രിലില് ആരംഭിക്കും. '3 കി. മീ'യിലെ ആദ്യ ഗാനമാണ് റിലീസ് ചെയ്തിരിക്കുന്നത്.
ഈ ഗാനം ആലപിച്ചിരിക്കുന്നത് കഴിഞ്ഞ 10 വര്ഷമായി കിഡ്നി ഡയാലിസിസ് രോഗിയും ഗായികയുമായ സന്ധ്യാരാഘവ് ആണ്. സംഗീതം- ഫഹദ് സി.എച്ച്, ഗാനരചന- ജെയ്സണ് ടി. ജോണ്, ഡ്രീം ടീം പ്രൊഡക്ഷന് ഹൗസാണ് ചിത്രത്തിന്റെ നിര്മ്മാണം.