സി എന് എ-
കൊച്ചി:
മലയാള സിനിമയിലെ നടീ നടന്മാരുടെ സംഘടനയായ അമ്മയുടെ സ്വപ്ന മന്ദിരം ഫെബ്രുവരി ആറിന് മമ്മൂട്ടിയും മോഹന്ലാലും ചേര്ന്ന് രാവിലെ 10 മണിക്ക് ഉത്ഘാടനം ചെയ്യും.
എറണാകുളത്ത് കലൂര് ദേശാഭിമാനി റോഡില് നിര്മ്മിച്ചിരിക്കുന്ന പുതിയ കെട്ടിടത്തിന്റെ ഉത്ഘാടനചടങ്ങ് കൊവിഡ് നിബന്ധനകള് കര്ശനമായി പാലിച്ചുകൊണ്ടാണ് സംഘടിപ്പിച്ചിരിക്കുന്നത്.
രണ്ട് ഘട്ടമായിട്ടാണ് ഉദ്ഘാടന ചടങ്ങിലേക്ക് അതിഥികളെ ക്ഷണിച്ചിട്ടുള്ളത്. ആദ്യഘട്ടം അമ്മയുടെ അംഗങ്ങള്ക്ക് മാത്രമായിട്ടുള്ളതാണ്.
രണ്ടാം ഘട്ടം മാധ്യമപ്രവര്ത്തകര്ക്ക് വേണ്ടിയും. ഈ അവസരത്തില് അമ്മയുടെ ഭാരവാഹികള് ആശയവിനിമയം നടത്തുന്നതായിരിക്കും.
മാധ്യമപ്രതിനിധികളുമായി 12 മണിക്ക് നടക്കുന്ന പത്രസമ്മേളനത്തില് എറണാകുളം പ്രസ് ക്ലബ്ബില് അംഗത്വമുള്ള മാധ്യമ പ്രവര്ത്തകര്ക്ക് മാത്രമായിരിക്കും ഓഫീസിലേക്ക് പ്രവേശനം അനുവദിക്കുക.
കോവിഡ് മാനദണ്ഡങ്ങള് പാലിച്ചും പ്രത്യേകിച്ച് പോലീസിന്റെ നിര്ദ്ദേശപ്രകാരവുമാണ് ഇങ്ങനെയൊരു തീരുമാനം സ്വീകരിക്കേണ്ടി വന്നത്.
ഇക്കാര്യത്തില് എല്ലാ മാധ്യമ സുഹൃത്തുക്കളുടെയും സഹകരണം പ്രതീക്ഷിക്കുകയാണെന്ന് ഭാരവാഹികള് അറിയിച്ചു.