സി എന്‍ എ-
കൊച്ചി:
'ട്വന്റി20'ക്ക് ശേഷം താരസംഘടനയായ 'അമ്മ' നിര്‍മ്മിക്കുന്ന രണ്ടാമത്തെ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു.
ടി കെ രാജീവ് കുമാര്‍ തിരക്കഥയെഴുതി പ്രിയദര്‍ശനും ടി കെ രാജീവ് കുമാറും ചേര്‍ന്ന് സംവിധാനം ചെയ്യുന്ന സിനിമയ്ക്ക് 'വഴികാട്ടി' എന്നാണ് പേര്.
താടിയും മുടിയും നീട്ടി വളര്‍ത്തിയ മമ്മൂട്ടിയും മോഹന്‍ലാലും ഒരു ബെന്‍സ് ജീപ്പില്‍ ഇരുളിലൂടെ സഞ്ചരിക്കുന്നതാണ്‌പോസ്റ്റര്‍. 'വഴികാട്ടി' എന്ന പേരിനു താഴെ 'A game of life and death' എന്ന ടാഗ് ലൈനോടുകൂടിയുള്ള പോസ്റ്ററാണ് പുറത്ത് വീട്ടിരിക്കുന്നത്.
താരസംഘടനയായ 'അമ്മ'യ്‌ക്കോ, 'അമ്മ'യ്ക്കുവേണ്ടി സിനിമ ഒരുക്കുന്ന ആശീര്‍വാദ് സിനിമാസിനോ തിരക്കഥാകൃത്തും സംവിധായകനുമായ ടികെ രാജീവ് കുമാറിനോ ഈ പോസ്റ്ററിനെക്കുറിച്ച് അറിയില്ല എന്നുള്ളതാണ് ഏറ്റവും രസകരമായ സംഗതി. സിനിമയുമായി ബന്ധപ്പെട്ട ആര്‍ക്കും തന്നെ ഈ പോസ്റ്ററിനെക്കുറിച്ച് അറിയില്ല. ഇവരാരും അറിയാതെയാണ് ഇങ്ങനെയൊരു പോസ്റ്റര്‍ ഡിസൈന്‍ ചെയ്ത് പുറത്തിറക്കിയത്.
ഇത് യാഥാര്‍ത്ഥ്യമാണോ എന്നറിയാതെ പലരും പലര്‍ക്കും പല ഗ്രൂപ്പുകളിലേക്കും ഷെയര്‍ ചെയ്തു. 'അമ്മ' സിനിമ നിര്‍മ്മിക്കുന്നു.
അതിന്റെ ചുമതലക്കാര്‍ ടി കെ രാജ്കുമാറും പ്രിയദര്‍ശനും ആന്റണി പെരുമ്പാവൂരും ആണ്. ഇതിനപ്പുറത്ത് ഈ സിനിമയെക്കുറിച്ച് ഔദ്യോഗികമായി ഒരു പ്രഖ്യാപനവും ഇത് വരെ ഉണ്ടായിട്ടില്ല. ഇപ്പോള്‍ പുറത്തുവന്നിരിക്കുന്ന പോസ്റ്റര്‍ ഒരു ഫാന്‍ മെയ്ഡ് മാത്രമാണ്.
ഈ സിനിമയെക്കുറിച്ച് ഇനിയും ഇത് പോലെ പലതും പിന്നാലെ വന്നേക്കാമെന്നു ടി കെ രാജീവ് കുമാര്‍ പറഞ്ഞു.
