സി എന്‍ എ-
കൊച്ചി:
ഇന്ദ്രജിത്ത് നായക കഥാപാത്രത്തെ അവതരിപ്പിക്കുന്ന 'ആഹാ' എന്ന സിനിമയ്ക്കു വേണ്ടി പ്രശസ്ത ഗായിക സയനോര ഫിലിപ്പ് സംഗീതം നല്‍കിയ ഗാനം ഇന്ദ്രജിത്തിന്റെ ജന്മദിനമായ ഡിസംബര്‍ 17ന് മലയാളത്തിലെ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും ചേര്‍ന്ന് പുറത്തിറക്കും.
സാസ പ്രൊഡക്ഷന്സിന്റെ ബാനറില്‍ പ്രേം എബ്രഹാം നിര്‍മ്മിച്ച് ബിബിന്‍ പോള്‍ സാമുവല്‍ സംവിധാനം ചെയ്യുന്ന 'ആഹാ'യുടെ തീം സോങ് താര നിബിഡമായ ലോഞ്ചാണ് ഉദ്ദേശിക്കുന്നത്. സയനോര ഫിലിപ്പ്, ജുബിത് നമ്രടത്ത്, ടിറ്റോ പി തങ്കച്ചന്‍ എന്നിവര്‍ രചിച്ചു സയനോര ഈണം നല്‍കിയ ഗാനങ്ങള്‍ ചലച്ചിത്ര സംഗീത ആസ്വാദകരെ സംബന്ധിച്ചിടത്തോളം ഏറെ ആകാംഷ ഉണര്‍ത്തുന്ന ഒന്നാണ്.
കേരളത്തിന്റെ തനത് കായിക വിനോദമായ വടംവലിയുടെ പശ്ചാത്തലത്തില്‍ പ്രണയത്തിനും, സംഗീതത്തിനും കുടുംബ ബന്ധങ്ങള്‍ക്കും പ്രാധാന്യം നല്‍കി ഒരുക്കുന്ന ഒരുപാട് പ്രത്യേകതകള്‍ നിറഞ്ഞ 'ആഹാ' ഒരു മുഴുനീള സ്‌പോര്‍ട്‌സ് കഥാ ചിത്രമാണ്. വിവിധ ലൊക്കേഷനുകളില്‍ ആയിരത്തോളം ജൂനിയര്‍ ആര്‍ട്ടിസ്റ്റുകളെ അണിനിരത്തി രണ്ടുമാസം കൊണ്ടാണ് 'ആഹാ'യുടെ ചിത്രീകരണം പൂര്‍ത്തിയാക്കിയത്.
