എ എസ് ദിനേശ്-
തൃശ്ശൂര്‍:
കലാഭവന്‍ പ്രജോദ്, തിരു എന്നിവരെ പ്രധാന കഥാപാത്രങ്ങളാക്കി നവാഗതനായ ലിജീഷ് മുല്ലേഴത്ത് സംവിധാനം ചെയ്യുന്ന 'ആകാശത്തിനു താഴെ' എന്ന സിനിമയുടെ ചിത്രീകരണം തൃശ്ശൂര്‍ പൂമലയില്‍ ആരംഭിച്ചു.
എം.എല്‍.എ. സേവ്യര്‍ ചിറ്റിലപ്പള്ളി സ്വിച്ചോണ്‍ കര്‍മ്മം നിര്‍വ്വഹിച്ചു. പ്രശസ്ത സംവിധായകന്‍ പ്രിയനന്ദനന്‍ ഫസ്റ്റ് ക്ലാപ്പടിച്ചു.
'ഭാരത പുഴ' യിലൂടെ കേരള സംസ്ഥാന ചലച്ചിത്ര പുരസ്‌കാരം നേടിയ സിജി പ്രദീപ് ഈ ചിത്രത്തില്‍ നായികയാവുന്നു.
കണ്ണൂര്‍ വാസൂട്ടി, പളനി സ്വാമി, മീനാക്ഷി മഹേഷ്, രമാദേവി, എം ജി വിജയ്, മായ സുരേഷ്, അരുണ്‍ ജി, വിജോ അമരാവതി, ടിക്ക്‌ടോക്കിലൂടെ ശ്രദ്ധ നേടിയ ദേവനന്ദ തുടങ്ങിയവരാണ് മറ്റ് പ്രമുഖ താരങ്ങള്‍.
ദേശീയ അവാര്‍ഡ് നേടിയ 'പുലിജന്മം'എന്ന ചിത്രത്തിനു ശേഷം അമ്മ ഫിലിംസിന്റെ ബാനറില്‍ എം.ജി. വിജയ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം
ഷാന്‍ പി റഹ്മാന്‍ നിര്‍വ്വഹിക്കുന്നു. പ്രദീപ് മണ്ടൂര്‍ കഥ തിരക്കഥ സംഭാഷണമെഴുതുന്നു.
ലിജിസോന വര്‍ഗ്ഗീസ് എഴുതിയ വരികള്‍ക്ക് ബിജിബാല്‍ സംഗീതം പകരുന്നു. എഡിറ്റിങ്- സന്ദീപ് നന്ദകുമാര്‍.
പ്രൊഡക്ഷന് കണ്ട്രോളര്- ഷാജി പട്ടിക്കര, കല- ഇന്ദുലാല്‍ കാവീട്, മേക്കപ്പ്- പ്രദീപ് ഗോപാലകൃഷ്ണന്‍, വസ്ത്രാലങ്കാരം- അരവിന്ദ് കെ.ആര്‍., സ്റ്റില്‍സ്- സലീഷ് പെരിങ്ങോട്ടുകര, ഡിസൈന്‍- അധിന്‍ ഒള്ളൂര്‍, ചീഫ് അസ്സോസിയേറ്റ് ഡയറക്ടര്‍- രവി വാസുദേവ്, അസ്സോസിയേറ്റ് ഡയറക്ടര്‍- ഹരി വിസ്മയം, പ്രൊഡക്ഷന് എക്‌സിക്യൂട്ടീവ്- നസീര്‍ കൂത്തുപറമ്പ്.
വളരെ കാലികപ്രസക്തവും സാമൂഹികരാഷ്ട്രീയ വിഷയങ്ങളെ കേന്ദ്രീകരിക്കുന്നതുമായ ശക്തമായ പ്രമേയമാണ് 'ആകാശത്തിനു താഴെ' എന്ന ചിത്രത്തില്‍ ദൃശ്യവല്‍ക്കരിക്കുന്നത്.
പി ആര്‍ ഒ- എ എസ് ദിനേശ്.
Online PR - CinemaNewsAgency.Com
