CNA
കൊച്ചി:
ശിവകുമാര്‍, ഹുമൈ ചന്ദ്, അക്ഷത ശ്രീധര്‍, അര്‍ച്ചന എന്നിവര്‍ പ്രധാന വേഷങ്ങളില്‍ അഭിനയിക്കുന്ന 'ആകാശവാണി കൊച്ചിന്‍ കേന്ദ്രം' എന്ന ചിത്രത്തിലെ ലിറിക്കല്‍ വീഡിയോ ഗാനം റിലീസായി.
പുതിയങ്കം മുരളി എഴുതി കാര്‍ത്തിക് കൊടകണ്ടല ഈണം പകര്‍ന്ന് വി അനുരുദ്ധ് നമ്പ്യാര്‍, വി ഇന്ദുമതി എന്നിവര്‍ ആലപിച്ച 'അരുമ മകനേ...' എന്നാരംഭിക്കുന്ന ലിറിക്കല്‍ വീഡിയോ ഗാനമാണ് റീലിസായത്.
'ജബര്‍ദസ്ത്' ഫെയിം സതീഷ് ബത്തുല സംവിധാനം ചെയ്യുന്ന 'ആകാശവാണി കൊച്ചിന്‍ കേന്ദ്രം', മിഥുന എന്റര്‍ടൈന്‍മെന്റ്സ് പ്രൈവറ്റ് ലിമിറ്റഡ്, സൈന്‍സ് സ്റ്റുഡിയോ എന്നി ബാനറില്‍ എം എം അര്‍ജുന്‍, കമല്‍ മേദഗോണി എന്നിവര്‍ ചേര്‍ന്ന് നിര്‍മ്മിക്കുന്നു.
ഒരു ത്രില്ലിംഗ് ലവ് എന്റര്‍ടെയ്നര്‍ ചിത്രമായ 'ആകാശവാണി കൊച്ചിന്‍ കേന്ദ്രം' തെലുങ്ക്, തമിഴ്, ഹിന്ദി, മലയാളം, കന്നഡ ഭാഷകളില്‍ റീലീസ് ചെയ്യും.
'സംവിധായകന്‍ സതീഷിന്റെ ആഖ്യാനം ഞങ്ങള്‍ക്ക് ഇഷ്ടപ്പെട്ടു. അദ്ദേഹത്തിന്റെ ഏറ്റവും മികച്ച ചിത്രമായിരിക്കുമിത്. സിനിമയ്ക്ക് യൂണിവേഴ്സല്‍ പോയിന്റ് ലഭിച്ചതിനാല്‍ ഇതൊരു പാന്‍-ഇന്ത്യ റിലീസ് ചിത്രമായിട്ടാണ് അവതരിപ്പിക്കുന്നത്. പുറത്തിറങ്ങിയ ആദ്യ ഗാനം വളരെ ശ്രദ്ധേയമായിരുന്നു. സിനിമയുടെ റിലീസ് തീയതി ഉടന്‍ പ്രഖ്യാപിക്കും' നിര്‍മ്മാതാക്കളായ എം എം അര്‍ജുന്‍ കമല്‍ മേദഗോണി എന്നിവര്‍ ചേര്‍ന്ന് പറഞ്ഞു.
'വ്യത്യസ്തമായ ഒരു ലവ് എന്റര്‍ടെയ്നര്‍ ത്രില്ലിംഗ് ചിത്രമാണ് 'ആകാശവാണി കൊച്ചിന്‍ കേന്ദ്രം'. പ്രധാന അഭിനേതാക്കളെ കൂടാതെ മാധവി ലത, ദേവി പ്രസാദ് തുടങ്ങിയവരും വളരെ ശ്രദ്ധേയമായ കഥാപാത്രങ്ങളെ അവതരിപ്പിക്കുന്നുണ്ട്.' സംവിധായകന്‍ സതീഷ് ബത്തുല പറഞ്ഞു.
സഹ നിര്‍മ്മാണം- വിശ്വനാഥ് എം, ഹരികുമാര്‍ ജി, കമല്‍ മേദഗോണി. ഛായാഗ്രഹണം- ആരിഫ് ലലാനി, എഡിറ്റര്‍- അമര്‍നാഥ്, പി ആര്‍ ഒ- എ എസ് ദിനേശ്, ശബരി.
Online PR - CinemaNewsAgency.Com
