സി എന് എ-
കൊച്ചി:
മോഹന്ലാലിനെ നായകനാക്കി ബി ഉണ്ണികൃഷ്ണന് സംവിധാനം ചെയ്ത 'ആറാട്ട്' 2022 ഫെബ്രുവരി 10ന് ചിത്രം തിയറ്ററുകളില് എത്തും.
നേരത്തെ ഒക്ടോബര് 14ന് റിലീസ് തീയതി പ്രഖ്യാപിച്ചിരുന്ന ചിത്രമാണ് 'ആറാട്ട്' എന്നാല് തിയറ്റര് തുറക്കല് നീണ്ടുപോയ സാഹചര്യത്തില് ചിത്രത്തിന്റെ റിലീസ് മാറ്റിവെക്കുകയായിരുന്നു.
'നെയ്യാറ്റിന്കര ഗോപന്റെ ആറാട്ട്' എന്നാണ് ചിത്രത്തിന്റെ മുഴുവന് ടൈറ്റില്. 'നെയ്യാറ്റിന്കര ഗോപന്' എന്ന കഥാപാത്രത്തെയാണ് മോഹന്ലാല് 'ആറാട്ടി'ല് അവതരിപ്പിക്കുന്നത്.
നെയ്യാറ്റിന്കര സ്വദേശിയായ ഗോപന് ഒരു പ്രത്യേക ലക്ഷ്യത്തോടെ പാലക്കാട്ടെ ഒരു ഗ്രാമത്തില് എത്തുന്നതും തുടര്ന്നുള്ള സംഭവങ്ങളുമാണ് ചിത്രത്തിന്റെ പ്ലോട്ട്.
കോമഡിക്കൊപ്പം തന്നെ ആക്ഷനും പ്രാധന്യം നല്കുന്ന ചിത്രമായിരിക്കും ഇത്.
ചിത്രത്തില് നായികയായി എത്തുന്നത് ശ്രദ്ധ ശീനാഥ് ആണ്. ഒരു ഐ.എ.എസ് ഓഫീസറുടെ വേഷത്തിലാണ് ശ്രദ്ധ ശ്രീനാഥ് ഈ സിനിമയിലെത്തുന്നത്.
നെടുമുടി വേണു, സായ് കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, നന്ദു, ഷീല, സ്വാസിക, മാളവിക, രചന നാരായണന്കുട്ടി തുടങ്ങി വലിയ ഒരു താരനിരതന്നെ ചിത്രത്തിലുണ്ട്.
കെജിഎഫിലെ 'ഗരുഡ' എന്ന കഥാപാത്രത്തിലൂടെ ശ്രദ്ധനേടിയ രാമചന്ദ്ര രാജു മറ്റൊരു ശ്രദ്ധേയമായ കഥാപാത്രത്തെ ചിത്രത്തില് അവതരിപ്പിക്കുന്നുണ്ട്.
ചിത്രത്തിന്റെ തിരക്കഥ ഉദയകൃഷ്ണനാണ്. പുലിമുരുകന് ശേഷം ഉദയകൃഷ്ണയും മോഹന്ലാലും ഒരുമിക്കുന്ന ചിത്രം എന്ന പ്രത്യേകതകൂടി ഈ സിനിമയ്ക്കുണ്ട്.
വിജയ് ഉലകനാഥ് ഛായാഗ്രഹണം നിര്വ്വഹിക്കുന്നു. ഷമീര് മുഹമ്മദ് എഡിറ്റിംഗ്, രാഹുല് രാജ് സംഗീതസംവിധാനം, ജോസഫ് നെല്ലിക്കല് പ്രൊഡക്ഷന് ഡിസൈനര്, സ്റ്റെഫി സേവ്യര് കോസ്റ്റ്യുംസ്. അരോമ മോഹന് ആണ് പ്രൊഡക്ഷന് കണ്ട്രോളര്.
ബി.കെ ഹരിനാരായണന്, രാജീവ് ഗോവിന്ദന്, ഫെജോ, നികേഷ് ചെമ്പിലോട് എന്നിവരാണ് ഗാനങ്ങള് രചിച്ചിരിക്കുന്നത്.
പഴയകാല മോഹന്ലാലിന്റെ മാസ് ചിത്രങ്ങളുടെ ആവേശം ആറാട്ടില് ഉണ്ടാകുമെന്നാണ് ആരാധകരുടെ പ്രതീക്ഷ.
വാര്ത്ത പ്രചരണം- എം.എം. കമ്മത്ത്
Online PR - CinemaNewsAgency.Com