എംഎം കമ്മത്ത്
കൊച്ചി:
മോഹന്ലാലിനെ നായകനാക്കി ബി ഉണ്ണികൃഷ്ണന് സംവിധാനം ചെയ്യുന്ന ചിത്രം 'ആറാട്ടി'ന്റെ ഒഫിഷ്യല് ടീസര് പുറത്തെത്തി മണിക്കൂറുകള്ക്കകം 1 മില്ല്യണ് വ്യൂസ്.
മോഹന്ലാലിന്റെ ആക്ഷന് രംഗങ്ങള് ഉള്ളതാണ് ടീസര്. മോഹന്ലാല് ആരാധകരെ തൃപ്തിപ്പെടുത്തുന്ന രീതിയില് ആയിരിക്കും ചിത്രം ഒരുക്കിയിരിക്കുന്നതെന്ന് ടീസറില് നിന്ന് വ്യക്തമാണ്. പഴയകാല മോഹന്ലാലിന്റെ മാസ് ചിത്രങ്ങളുടെ ആവേശം ആറാട്ടില് ഉണ്ടാകുമെന്ന് ടീസറില് നിന്ന് മനസിലാക്കാം.
'നെയ്യാറ്റിന്കര ഗോപന്' എന്ന കഥാപാത്രത്തെയാണ് മോഹന്ലാല് 'ആറാട്ടി'ല് അവതരിപ്പിക്കുന്നത്. 'നെയ്യാറ്റിന്കര ഗോപന്റെ ആറാട്ട്' എന്നാണ് ചിത്രത്തിന്റെ മുഴുവന് ടൈറ്റില്.
സ്വദേശമായ നെയ്യാറ്റിന്കരയില് നിന്നും ഒരു പ്രത്യേക ലക്ഷ്യത്തോടെ ഗോപന് പാലക്കാട്ടെ ഒരു ഗ്രാമത്തില് എത്തുന്നതും തുടര്ന്ന് ഉണ്ടാകുന്ന സംഭവങ്ങളുമാണ് ചിത്രത്തിന്റെ പ്ലോട്ട്.
സിനിമയില് മോഹന്ലാല് ഉപയോഗിക്കുന്ന കറുത്ത ബെന്സ് കാറിന്റെ ചിത്രം അണിയറ പ്രവര്ത്തകര് നേരത്തെ പുറത്ത് വിട്ടിരുന്നു. '2255' എന്ന കാറിന്റെ നമ്പര് ആയിരുന്നു അപ്പോള് കൂടുതല് ശ്രദ്ധ നേടിയത്. രാജാവിന്റെ മകനിലൂടെ പ്രശസ്തമായ ഫോണ് നമ്പര് ആണ് ഇത്.
കോമഡിക്കൊപ്പം തന്നെ ആക്ഷനും പ്രാധന്യം നല്കുന്ന ചിത്രമായിരിക്കും ഇത്. ചിത്രത്തിന്റെ തിരക്കഥ ഉദയകൃഷ്ണനാണ്.
പുലിമുരുകന് ശേഷം ഉദയകൃഷ്ണയും മോഹന്ലാലും ഒരുമിക്കുന്ന ചിത്രം എന്ന പ്രത്യേകതകൂടി ഈ സിനിമയ്ക്കുണ്ട്.
ചിത്രത്തില് നായികയായി എത്തുന്നത് ശ്രദ്ധ ശീനാഥ് ആണ്. ഒരു ഐ.എ.എസ് ഓഫീസറുടെ വേഷത്തിലാണ് ശ്രദ്ധ ശ്രീനാഥ് ഈ സിനിമയിലെത്തുന്നത്.
നെടുമുടി വേണു, സായ് കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, നന്ദു, ഷീല, സ്വാസിക, മാളവിക, രചന നാരായണന്കുട്ടി തുടങ്ങി വലിയ താരനിരയും എത്തുന്നുണ്ട്.
Online PR - CNA.