എംഎം കമ്മത്ത്
കൊച്ചി:
ബിജു മേനോന്, പാര്വ്വതി തിരുവോത്ത്, ഷറഫുദ്ധീന് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന 'ആര്ക്കറിയാം' എന്ന ചിത്രത്തിന് സെന്സര് ബോര്ഡിന്റെ ക്ലീന് U സര്ട്ടിഫിക്കറ്റ് ലഭിച്ചു.
സാനു ജോണ് വര്ഗീസ് സംവിധാനം ചെയ്യുന്ന 'ആര്ക്കറിയാം' ഏപ്രില് 3ന് റിലീസിന് തയ്യാറെടുക്കുകയാണ്.
ചിത്രം നിര്മ്മിച്ചിരിക്കുന്നത് മൂണ്ഷോട്ട് എന്റര്ടെയ്ന്മെന്റ്സിന്റെയും, ഒ പി എം ഡ്രീം മില് സിനിമാസിന്റെയും ബാനറില് സന്തോഷ് ടി കുരുവിളയും ആഷിഖ് അബുവും ചേര്ന്നാണ്.
73കാരനായ റിട്ടയേഡ് കണക്ക് മാഷിന്റെ റോളിലാണ് ബിജു മേനോന് എത്തുക. കൂടെ ഷറഫുദ്ധീന്, പാര്വ്വതി തിരുവോത്ത്, ഷേര്ളി, റോയി എന്നിവരാണ് ചിത്രത്തില് എത്തുന്നത്.
വ്യത്യസ്തരൂപത്തിലും ഭാവത്തിലുമെത്തുന്ന താരങ്ങളുടെ ടീസറും ഫസ്റ്റ് ലുക്ക് പോസ്റ്ററുമൊക്കെ പ്രേക്ഷകര്ക്കിടയില് കൗതുകവും സമൂഹ മാധ്യമങ്ങളില് വന് ചലനവുമാണ് സൃഷ്ടിച്ചിരിക്കുന്നത്.
മഹേഷ് നാരായണന് ആണ് ചിത്രത്തിന്റെ എഡിറ്റിംഗ് നിര്വ്വഹിച്ചിരിക്കുന്നത്. തിരക്കഥ എഴുതിയിരിക്കുന്നത് സാനു ജോണ് വര്ഗീസും, രാജേഷ് രവിയും, അരുണ് ജനാര്ദ്ദനനും ചേര്ന്നാണ്. പശ്ചാത്തല സംഗീതം നല്കിയിരിക്കുന്നത് ദേശീയ അന്തര്ദേശീയ തലങ്ങളില് പ്രശസ്തനായ സംഗീതജ്ഞന് സഞ്ജയ് ദിവേച്ഛയാണ്. ഛായാഗ്രഹണം- ജി ശ്രീനിവാസ് റെഡ്ഢി, പ്രൊഡക്ഷന് ഡിസൈനര്- രതീഷ് ബാലകൃഷ്ണന് പൊതുവാള്, കലസംവിധാനം- ജ്യോതിഷ് ശങ്കര്, വസ്ത്രാലങ്കാരം- സമീറ സനീഷ്, മേക്കപ്പ്- രഞ്ജിത്ത് അമ്പാടി, എക്സിക്യൂട്ടീവ് പ്രൊഡ്യൂസേഴ്സ്- അരുണ് സി തമ്പി, സന്ദീപ രക്ഷിത്, ചീഫ് അസ്സോസിയേറ്റ് ഡയറക്ടര്- വാവ, പ്രൊഡക്ഷന് കണ്ട്രോളര്- ബെന്നി കട്ടപ്പന, പരസ്യകല- ഓള്ഡ് മോങ്ക്സ്.
Online PR - CNA.